Барилгын салбарын онцлох үйл ажиллагааны нэгд тооцогддог Төгс Бүтээгч арга хэмжээ 6 дахь удаагаа 4 сарын 19-ны өдөр Шангри-Ла Боллрүүм хурлын тэнхимд 13:00 цагаас зохион байгуулагдах гэж байна. 

Энэхүү арга хэмжээг “Премиум Бьюлдинг Материалс” компани 2018 оноос эхлүүлэн уламжлал болгон зохион байгуулж, барилгын салбарын шинэ содон мэдээ мэдээлэл, хөгжлийг таниулсаар иржээ.

Төгс бүтээгч гэж юу вэ? 

Барилга, бүтээн байгуулалт нь олон, олон бүтээгчдийг дотроо хамруулдаг томоохон салбар юм. Тухайн салбарын хөгжил, өөрчлөлт бүрийг цаг алдалгүй мэдээлж, хоорондоо хуваалцах, туршлага солилцох зэргээр цаашдын шинэчлэлтэд уриалах нь салбарын хувьд чухал ач холбогдолтой. 

Премиум Бьюлдинг Материалс компанийн зүгээс тухайн жилийн онцлох бүтээгдэхүүн, инновацын шийдэл, санаачилгыг Төгс Бүтээгчээр дамжуулан танилцуулж, нээлттэй хэлэлцүүлэг өрнүүлэх байдлаар зохион байгуулж ирсэн юм. 

Энэ жилийн Төгс бүтээгч юугаараа онцлог вэ? 

Өмнөх жилүүдэд зохион байгуулагдсан үйл ажиллагааны хувьд салбарын хүмүүстээ зориулсан мэргэжлийн сэдвийн хүрээнд өрнөдөг байсан бол энэ жил хүрээгээ тэлж хэн бүхэн хүрэлцэн ирэх боломжтой нээлттэй эвент болон өргөжиж буй ажээ. 

Бидний амьдралд үл хөдлөх хөрөнгө худалдаж авах, түүнийхээ чанар чансааг таних, шаардлага тавих, өөрсдийн аюулгүй байдлаа хангахаас авхуулаад тухайн барилгаа засаж, шинэчлэх, түүнд шаардлагатай бараа материал худалдаж авах зэрэг шаардлага нэг биш удаа гардаг. Тэр бүрд бид мэдлэг, мэдээлэл дутуугаас буруу сонголт хийж, үр хохирлыг нь дараа нь амсах нь бий. 

Тэгвэл энэ жилийн Төгс Бүтээгч үйл ажиллагаа нь гэртээ, ажил дээрээ гээд засвар үйлчилгээ хийхээр төлөвлөж байгаа хэн бүхэнд яаж сонголт хийх, бетоны стандартыг хангах,  хэрхэн захиалга хийх зэрэг цогц мэдээллийг өгөх юм. 

Төгс бүтээгч үйл ажиллагаанд хэрхэн оролцох вэ? 

Уг үйл ажиллагаа нь аливаа такс, бүртгэл шаардахгүй бөгөөд та 4 сарын 19-ны өдөр Шангри-Ла Баллрүүм хурлын тэнхимд биечлэн ирэхэд л хангалттай юм. Тухайн өдөр олон, олон бүүтүүд засагдсан байх ба сонирхолтой хөтөлбөр, илтгэгчдийг бэлдсэн байгаа гэнэ шүү.