Төвийн бүсийн сантехникчдын сонгон шалгаруулах уралдаан боллоо
Говь-сүмбэр аймгийн Засаг дарга, Засгийн газрын хэрэгжүүлэгч агентлаг Газрын харилцаа, барилга, геодези, зураг зүйн газрын даргын 2011 оны 05 дугаар сарын 20-ны өдрийн А/154/248 тоот хамтарсан захирамж, тушаалын дагуу “Төвийн бүсийн сантехникчдын сонгон шалгаруулах уралдаан” 2011 оны 06 дугаар сарын 15-наас 17-ны өдрүүдэд Говь-Сүмбэр аймгийн төвд амжилттай зохион байгуулагдлаа.
Сонгон шалгаруулах уралдаанд Улаанбаатар хотын Орон сууц, нийтийн аж ахуйн удирдах газрын харъяа 21компани, Улаанбаатар хотын Ус сувгийн удирдах газар, Улаанбаатар хотын “Чандмань-Налайх” ХХК, Говьсүмбэр аймгийн “Ус-Ду” ХХК, Дархан-Уул аймгийн “Дулаан шарын гол” ХХК, Дорноговь аймгийн “Чандмань Илч” ХХК, Сэлэнгэ аймгийн “Урсгал Ус” ХХК, “Гавшгай ус” ХХК, Өмнөговь аймгийн Цогтцэций сумын “Ухаа худаг ус хангамж” ХХК, Улаанбаатар хотын хувийн орон сууцны “Богд-Асар” ХХК, “Жинст өргөө” ХХК, “Хаусинг холдинг” ХХК, “Ганбиж” ХХК, “Ар жанар” ХХК, “Таункомфорт” ХХК, “Таван өндөр” ХХК зэрэг байгууллагуудын 35 баг, 175 сантехникчид орон сууцны 5, 8, 15-р байруудын нийт 320 айлын халаалтын 1 хоолойт системийг буулгаж, 2 хоолойт систем болгон өөрчилж, ашиглагдаж байсан халаах хэрэгслүүдийг угааж, регистрийг нь буулган радиатороор сольж шинээр суурилуулан угсарч, 3 өдрийн турш мэргэжлийн ур чадвар, авхаалж самбаагаа сорин оролцлоо.
Уралдааныг Говь-сүмбэр аймгийн Засаг дарга, Засгийн газрын хэрэгжүүлэгч агентлаг Газрын харилцаа, барилга, геодези, зураг зүйн газрын даргын 2011 оны 05 дугаар сарын 20-ны өдрийн А/154/248 тоот хамтарсан захирамж, тушаалын 2 дугаар хавсралтаар батлагдсан 12 шүүгч ажиллаа. Үүнд: Ерөнхий шүүгчээр ОСНААУГазрын дэд дарга С.Батмөнх, нарийн бичгийн даргаар “Ус-Ду“ ХХК-ийн эдийн засагч Д.Байгалцэцэг, шүүгчээр УСУГазрын дэд дарга Б.Баатархуяг, “Ус-Ду“ ХХК-ийн ерөнхий инженер Чинболд, “Урсгал Ус” ХХК-ийн инженер Лувсан-Очир ОСНААУГазрын инженер Э.Уянга, Г.Эрдэнэжаргал, “Дулаан-Өргөө” ХХК-ийн захирал Ш.Цэдэндамба, “СИМС” ХХК-ийн ерөнхий инженер Ё.Мэндбаяр, “Хаусинг холдинг” ХХК-ийн захирал Б.Туул зэрэг нийт 12 хүн шүүн явууллаа.
Багийн амжилтаар:
Нэгдүгээр байр: “Эцэг эх хүү” ХХК Улаанбаатар хотын ОСНААУГ-ын харъяа
Хоёрдугаар байр: “Ус Ду” ХХК Говь-Сүмбэр аймаг
“Батбаянбүрд” ХХК Улаанбаатар хотын ОСНААУГ-ын харъяа
Гуравдугаар байр: “Сансар Өргөө” ХХК, “Хөх асар” ХХК, “ГМ” ХХК
Улаанбаатар хотын ОСНААУГ-ын харъяа