Бурхан хүнийг бүтээсэн, бусдыг нь барилгачид бүтээсэн
Тэртээ 1926 онд Ардын засгийн газраас “Монголын хувь нийлүүлсэн хоршоо” нэртэй нэгэн байгууллагыг байгуулсан нь Монголын анхны барилгын байгууллагын үндэс суурь нь байлаа. Түүнээс хойш эх орныхоо бүтээн байгуулалтанд голлох үүргийг гүйцэтгэсээр өдгөө 85 жилийн босго алхаж байгаа ахмад байгууллагын нэг болжээ.
85 жилийн түүхэн үед барилгын байгууллага уналт, сэргэлтийн хүндхэн үеийг даван туулж гарсан бөгөөд анх 780 гаруй мянган төгрөгийн барилга угсралтын ажил хийж байсан бол 2010 оны байдлаар 350,8 тэрбум төгрөгийн барилга угсралт, засварын ажил гүйцэтгэжээ.
Энэ жилийн ойн баяр олон үйл явдал, түүхэн тэмдэглэлт ойтой давхцаж байгаагаараа онцлог бөгөөд ЗТБХБЯ-ны сайд Х. Баттулга салбарынхаа түүхт 85 жилийнхээ ойг байгууллага, хамт олныхоо хүрээнд идэвхи санаачлагатай, үр өгөөжтэй, хөдөлмөр бүтээлийн өндөр амжилтаар ойдоо бэлэг барихыг барилгын салбарын нийт байгууллагууддаа уриалж байгаа юм.
Улс орны өнгө төрхийг барилга байгууламжаас нь харж болдог. Тийм ч болохоор барилгачид Бурхан хүнийг бүтээсэн, бусдыг нь барилгачид бүтээсэн гэж бахархаж, омогших дуртай. Арга ч үгүй хийсэн бүтээсэн зүйл нь эх орныхоо хөгжил цэцэглэлтэнд хувь нэмрээ оруулж, тулах багана нь болж байгаа учраас тэр.
Салбарын 85 жилийн ойн зохион байгуулах байгууллагуудаар ЗТБХБЯ, ГХБГЗЗГ, МБХ, МБМҮХ, Барилга.МН БЗМТөв, МБИХ, МБМҮХ зэрэг төрийн болон төрийн бус байгууллагууд оролцож байна.
85 жилийн ойн баяр ёслолын хүрээнд :
2011 оны 08 сарын 26
10:00 – Барилгын салбарт хөдөлмөр хамгаалал аюулгүй ажиллагаа, өндөр бүтээмжийн 3 сарын аяны нээлт. Мянган барилгачны уулзалт
Хаана: МҮЭСТО
2011 оны 09 сарын 02
10:00 – 85 жилийн ойн баярын нээлтийн ажиллагаа, Барилгын салбарын шилдэг 10 байгууллага шалгаруулах, Туг залах ёслолын ажиллагаа
Хаана: Барилгачдын талбай
13:00 – 85 жилийн ойд зориулсан “Барилга Экспо 2011” олон улсын үзэсгэлэнгийн нээлтийн ажиллагаа
Хаана: Мишээл Экспо төвд
15:00 – 85 жилийн ойд зориулсан хүчит 128 бөхийн барилдаан
Хаана: Монгол бөхийн өргөө
2011 оны 09 сарын 05
19:00 – Барилгачдын баярт зориулсан хүндэтгэлийн хүлээн авалт, “Барилга Экспо 2011” үзэсгэлэнгийн хаалтын ажиллагаа
Хаана: Чингис Хаан зочид буудал, Тэмүүжин ресторан