Барилга угсралт, их засварын ажлын гүйцэтгэл 2023 оны эхний 9 сард 21.0 хувиар өслөө. Барилга угсралт, их засварын ажлын  гүйцэтгэл 2023 оны   эхний 9 сард 5.6 их наяд төгрөг болж, 5.4 (96.4%) их наяд төгрөгийн ажлыг дотоодын барилгын байгууллага, 203.6(3.6%)  тэрбум  төгрөгийн  ажлыг гадаадын  барилгын  байгууллага гүйцэтгэсэн байна. Барилга угсралт, их засварын ажил 2023 оны эхний 9 сард өмнөх оны мөн үеэс 973.3(21.0%) тэрбум төгрөгөөр өсөхөд дотоодын байгууллагын барилгын гүйцэтгэсэн барилга угсралт, их засварын ажил 893.5(19.8%) тэрбум төгрөгөөр өссөн нь голлон нөлөөлөв. 

ХҮСНЭГТ 1. БАРИЛГА УГСРАЛТ, ИХ ЗАСВАРЫН АЖИЛ, гүйцэтгэгчийн төрлөөр, жил бүрийн эхний 9 сарын байдлаар, тэрбум төгрөгөөр

Дотоодын барилгын байгууллагаас хувийн байгууллагын гүйцэтгэсэн барилга угсралт, их засварын ажил 5.3их наяд төгрөг болж, өмнөх оны мөн үеэс 911.2(20.9%) тэрбум төгрөгөөр, гадаадтай хамтарсан байгууллагынх 45.8тэрбум төгрөг болж, 8.5(22.7%) тэрбум төгрөгөөр тус тус өссөн байна. Харин төрийн байгууллагын гүйцэтгэсэн барилга угсралт, их засварын ажил 77.8 тэрбум төгрөг болж, өмнөх оны мөн үеэс 26.1(25.1%) тэрбум төгрөгөөр буурсан байна.

ЗУРАГ 1. БАРИЛГЫН БАЙГУУЛЛАГЫН ГҮЙЦЭТГЭСЭН БАРИЛГА УГСРАЛТ, ИХ ЗАСВАРЫН АЖЛЫН ХЭМЖЭЭ, жил бүрийн эхний 9 сарын байдлаар, тэрбум төгрөг

Энэ оны эхний  9 сард барилга угсралт, их засварын ажлын 40.8 хувийг орон сууцны барилга, 33.4 хувийг орон сууцны бус барилга, 22.5 хувийг инженерийн барилга, байгууламж, 3.3хувийг их засварын ажил эзэлж, өмнөх оны мөн үеэс орон сууцны бус барилгын ажлын эзлэх хувь 5.4нэгж хувиар, орон сууцны барилгынх 1.7 нэгж хувиар, их засварын ажил 0.2 нэгж хувиар тус тус өссөн бол инженерийн барилга, байгууламжийнх 7.4 нэгж хувиар буурсан байна. 

Орон сууцны бус барилгын ажил 2023 оны  эхний 9 сард 1.9 их наяд төгрөг болж, өмнөх оны мөн үеэс 576.1(44.6%) тэрбум төгрөгөөр өссөн байна.   Үүнд сургууль, соёлын барилгын ажил 201.9(64.5%) тэрбум төгрөгөөр, үйлдвэрийн барилгын ажил 148.3(29.8%) тэрбум төгрөгөөр, бусад орон сууцны бус барилгынх 96.2(33.6%) тэрбум төгрөгөөр, худалдаа, үйлчилгээний барилгын ажил 78.1(54.1%) тэрбум төгрөгөөр, эмнэлгийн барилгынх 51.6(99.6%) тэрбум төгрөгөөр тус тус өссөн байна.

ЗУРАГ 2. ДОТООДЫН БАРИЛГЫНБАЙГУУЛЛАГЫН ГҮЙЦЭТГЭСЭН БАРИЛГА УГСРАЛТ, ИХ ЗАСВАРЫН АЖЛЫН ХЭМЖЭЭ, аймаг, нийслэлээр, 2023 оны эхний 9 сарын байдлаар, тэрбум төгрөгөөр

Улаанбаатар хотод 2023 оны эхний 9 сард 2.6 их наяд төгрөгийн барилга угсралт, их засварын ажил хийгдсэн нь улсын дүнд 47.7 хувийг эзэлж, өмнөх оны мөн үеэс 2.7 нэгж хувиар өссөн байна. Дотоодын барилгын байгууллагын гүйцэтгэсэн барилга угсралт, их засварын ажил 2023 оны эхний 9 сарын гүйцэтгэлээр Өмнөговь аймагт 955.1 тэрбум төгрөг, Дорноговь аймагт   241.0тэрбум, Хэнтий аймаг 239.7 тэрбум төгрөг болж, энэ нь аймгуудын барилга угсралтын ажлын дүнд 50.9 хувийг эзэлж байна. Өмнөговь аймгийн нутаг дэвсгэрт Оюу толгойн далд уурхайн бүтээн байгуулалтын ажил төмөр замболон автозамын ажлууд, Дорноговь, Хэнтий аймагт дулааны  станц, дулаан  дамжуулах үйлдвэрийн  барилга,  угсралтын  ажил,  Орхон  аймагт үйлдвэрийн барилгын өргөтгөлийн ажил, орон сууцны барилгын ажлууд эрчимтэй явагдсан байна.