Энэ жилийн ажлаа дүгнэж, ирэх жилийн их бүтээн байгуулалтын төлөвлөгөөгөө гаргах цаг дор  “BARILGA EXPO 2024” олон улсын үзэсгэлэн яармагийн тов зарлагдаж, талбайн захиалгаа авч эхэллээ. 

Барилгын салбарт үйл ажиллагаа явуулдаг 400 гаруй аж ахуйн нэгж байгууллагууд, 38,000 орчим үзэгч хэрэглэгчид нэгэн дор цуглардаг барилгын салбарын хамгийн нэр хүндтэй үзэсгэлэн “BARILGA EXPO 2024” олон улсын үзэсгэлэн яармаг нь 2024 оны 04 сарын 12-14-ны өдрүүдэд Буянт-Ухаа спортын ордонд зохион байгуулагдана. 

Энэ жилийн үзэсгэлэн нь шинэ орон сууц, үл хөдлөх хөрөнгө, барилгын материал, дэвшилтэт технологийг нэгэн дор танилцуулж байгаагаараа онцлог бөгөөд үзэсгэлэнгийн гадна талбайд машин механизм, багаж, тоног төхөөрөмж гэх мэт том оврын бүтээгдэхүүн үйчилгээгээ танилцуулах боломжийг бий болгосноороо давуу талтай юм. 

Түүнчлэн "build smart..." уриан дор олон улсын барилгын салбарт эрчимтэй хөгжиж буй дижитал шилжилт, дэвшилтэт техник технологийг Монголын зах зээлд таниулан сурталчилж, хэрэглэгчдэд байгаль орчинд ээлтэй, хүний хөдөлмөрийг хөнгөвчилсөн ухаалаг сонголтыг бий болгох зорилготой зохион байгуулагдана. 

Үзэсгэлэнд дараах чиглэлийн үйл ажиллагаа явуулдаг аж ахуйн нэгж байгууллагууд оролцоно. Үүнд: 

Шинэ орон сууц, Үл хөдлөх хөрөнгө чиглэлээр 

• Стандарт орон сууц 
• Тансаг орон сууц 
• Хаус
• Оффис, үйлчилгээ 
• Үл хөдлөх хөрөнгө зууч
• Бусад …

Барилгын материал, дэвшилтэт технологи чиглэлээр

• Барилга угсралт, засал чимэглэлийн материал
• Цахилгаан, Холбоо дохиолол
• Сантехник, Агааржуулалт
• Гадна тохижилт, Ландшафт
• Машин механизм, Багаж, Тоног төхөөрөмж
• Зураг төсөл, Интерьер дизайн  
• Ландшафт, Тохижилт
• Амины орон сууц угсралт, зөөврийн сууц
• Бусад … 

17 жил тасралтгүй зохион байгуулагдаж, салбартаа өөрсдийн орон зайг бий болгосон тус үзэсгэлэнд оролцсоноор 

• Зорилтот хэрэглэгчдэдээ төсөл хөтөлбөр, бүтээгдэхүүн, үйлчилгээгээ танилцуулах 
• Хэрэглэгчийн эргэх холбоо үүсгэх
• Бизнесийн хамтын ажиллагаагаа өргөжүүлэх 
• Маркетингийн таатай орчинд салбартаа танигдах
• Networking уулзалт
• barilgaexpo.mn цахим платформд цахим талбайгаагаа бий болгох давуу талтай. 

Түүнчлэн үзэсгэлэнгийн өдрүүдэд оролцогч компани, үзэгч хэрэглэгчдээ зориулан барилгын салбарын уулзалт, мэргэжлийн сургалт, семинарууд зохион байгуулагдах төдийгүй “Шилдэг аж ахуйн нэгж байгууллагыг шалгаруулах” уламжлалт арга хэмжээ болно. 

“BARILGA EXPO 2024” олон улсын үзэсгэлэн яармаг нэг цагт, нэг дор зохион байгуулагдах тул зорилтот зах зээлдээ төсөл хөтөлбөр, бүтээгдэхүүн үйлчилгээгээ танилцуулах аж ахуй нэгж байгууллага та бүхэн урьдчилсан бүртгэлд хамрагдана уу. 

Зохион байгуулагч: Барилга МН  

Холбогдох утас: 7711-3333 - 1

  БҮРТГҮҮЛЭХ