Улаанбаатарт тулгамдаж буй асуудлыг нийтээрээ хамтдаа хэлэлцсэний үндсэнд нийслэлийн нутгийн захиргааны байгууллага шийдвэр гаргадаг болж байгааг Хотын дарга Х.Нямбаатар хэллээ.

Тэрбээр "Нийслэлийн өмчид Урт цагааны барилга гэж бий. 2020 оноос хойш түрээсийн төлбөрөө өгөөгүй. Хууль бусаар алт хайлуулдаг, ашиглалтын шаардлага хангахаа больсон барилга бий. Энэ барилгыг төр, хувийн хэвшлийн түншлэлээр өндөр орон сууц бариулж нийслэл зарим талбайг нь өмчлөх үү, эсвэл барилгыг нурааж нийтийн эзэмшлийн талбай болгох уу гэдгийг нийслэлчүүдтэй ярилцаж шийдэх ёстой. Их тойрууд буй барилгын төлөвлөлт алдаатай, нам орон сууцнууд дунд өндөр барилгууд барьсан байх жишээтэй.

Нийслэлээс барилга барих зөвшөөрөл авсан 104 талбар байна. Баригдаагүй боловч зөвшөөрөл авсан барилгуудыг ААН-үүдтэй зөвшилцөж, дэд төвүүдэд шилжүүлж барих уу гэдэгт иргэдийн саналыг авдаг болно. Энэ маягаар Их тойруу доторх барилгыг сийрэг болговол агаарын бохирдол, түгжрэлийг бууруулах дунд болон урт хугацааны төлөвлөгөө бий"-г хэллээ.

Иргэдийн саналыг эдгээр төлөвлөгөөнд тусгаж байх болно хэмээв.