Төрийн захиргааны байгууллагын зарим чиг үүргийг төрийн бус байгууллагаар гүйцэтгүүлэх тухай Барилга, хот байгуулалтын сайдын 2017 оны 215 дугаар тушаал, 2020 оны 21 дүгээр тушаалыг тус тус үндэслэн хэрэгжилтээр ханган ажиллах үүднээс 2018 оноос эхлэн “Барилгын салбарын мэргэжилтнийг давтан сургах, мэргэжил дээшлүүлэх сургалт эрхлэх чиг үүрэг”-ийг түншлэгч 12 төрийн бус байгууллагууд хэрэгжүүлж ирсэн. 

Өнгөрсөн 5 жилийн хугацаанд тус чиг үүргийн хүрээнд Түншлэлийг төлөөлөгч Монголын Барилгачдын Нэгдсэн Холбоо ТББ нь эрх зүйн чадамжгүй, чиг үүргийг хэрэгжүүлэх болон гүйцэтгэх чадваргүй бөгөөд Түншлэлийн гэрээг зөрчин үйл ажиллагаа явуулсан ба түүнийгээ хүлээн зөвшөөрсөн тул тус Түншлэлээс гарах болсон мэдэгдлээ

• “Монгол Барилгын Инженерүүдийн холбоо” ТББ, 
• “Монголын Барилгын Зураг Төсөл Зохиогчдын Холбоо” ТББ,
• “Монголын Геодези Фотограммометр Зураг Зүйн Холбоо” ТББ, 
• “Барилгын Сургалт Хөгжлийн Академи” ТББ-ууд 2023 оны 08.31-ны өдөр албан ёсоор МБНХ ТББ-ын Ерөнхийлөгч М.Батбаатарт өглөө. 

Дээрх 4 байгууллага Түншлэлээс гарснаар БХБЯ болон МБНХ ТББ хооронд байгуулсан 2023 оны 06.23-ны өдрийн 2023/213 дугаар бүхий гэрээний 4.2.5 заалтын дагуу “Барилгын салбарын мэргэжилтнийг давтан сургах, мэргэжил дээшлүүлэх сургалт эрхлэх чиг үүргийг гүйцэтгүүлэх” гэрээ цуцлагдах үндэслэл болсон юм.

Энэ асуудал нь чиг үүргийг хэрэгжүүлэх зохион байгуулалтын үйл ажиллагаатай холбоотой учир дээрх 4 байгууллага нь сургалт эрхлэх чиг үүргийнхээ дагуу салбарын инженерүүдийн Мэргэшлийн зэрэг олгох сургалтын үйл ажиллагааг тасалдуулахгүй эрхэлсээр байхаа илэрхийллээ.

Хавсралтаар, Мэдэгдэл, Түншлэлийн гэрээ, БХБЯ-тай байгуулсан гэрээ тус бүрийг орууллаа.