Нийслэлийн удирдах ажилтнуудын шуурхай зөвлөгөөн өнөөдөр болж, өвөлжилт, үерийн дараах цэвэрлэгээ, барилгын хяналт шалгалтын талаар хэлэлцсэн байна.

НЗДТГ-ын ХМОНХХ-ээс мэдээллэснээр нийслэлийн хэмжээнд өвөлжилтийн бэлтгэл ажлын хүрээнд 25 чиглэлээр 658 арга хэмжээ хэрэгжүүлэхээс гүйцэтгэл 72 хувьтай. 30 агуулахад 66 мянган тонн сайжруулсан түлш нөөцөлжээ.

Авто замын борооны ус зайлуулах шугам сүлжээний 1,370 тонн лаг, хашаасыг, үерийн хамгаалалтын 12.8 км урт далан, барилга байгууламжийг цэвэрлэж, 11,811 шоо метр лаг тээвэрлэсэн бол 13 байршилд борооны ус зайлуулах шугамын 84 тонн лагийг цэвэрлэсэн байна.

Төвийн зургаан дүүргийн хэмжээнд барилгын суурийн нүх ухаад удаан хугацаанд орхисон 104 байршил байгаа аж. Үүнээс нь 88 нь “А” даалгавартай бол 16 нь “А” даалгаваргүй. Барилгын ажил хийгдэж буй 197 байршлын 751 объектод хяналт шалгалт хийхэд 117 зөрчил илэрчээ.

Барилгын суурь зөвшөөрөлгүй ухсан бол нүхийг булж, иргэдийн эрүүл, аюулгүй орчинд амьдрах нөхцөлийг бүрдүүлж, цаашид ногоон байгууламж болгох асуудал яригджээ.