“Barilga.mn” сайт 5 дахь удаагийн шинэчлэлтээ бүрэн хийж дууссан бөгөөд одоогоор 6 дахь удаагийн шинэчлэлтийн ажил хийгдэж байгаа билээ. Барилгын салбарын чиглэлээр нийтлэл бичигчдийг дэмжих, олон нийтэд салбарын сонирхолтой мэдээлэл, контентийг хүргэх зорилгоор “НИЙТЛЭЛЧ” булангаа улам бүр идэвхжүүлсээр байна. 

Энэхүү буланд салбарын мэргэжилтэн, инженер, техникийн болон эрдэм шинжилгээний ажилтан, салбарын мэргэжлийн оюутнууд гээд ямар ч ажил, мэргэжилтэй хүн өөрийн бүтээлээ нийтлэх боломжтой төдийгүй нийтлэлээ сэтгүүл зүйн бүхий л бичлэгийн төрөл зүйлээр бичиж болно. 

Тухайлбал,  нийтлэл, зөвлөгөө, ярилцлага, сурвалжлага, өгүүлэл, шүүмж гэх мэт. 

Нийтлэлд тавигдах шаардлага:

• Салбарын сэдэв, агуулгад бүрэн нийцсэн байх

• Оюуны өмчийн зөрчилгүй байх 

• Шинэлэг санаа, тодорхой асуудлыг дэвшүүлсэн байх

• Тухайн сэдвийнхээ хүрээнд зохих судалгааг хийсэн байх 

• Албан ёсны, сүүлийн үеийн статистик, тоо баримт болон бодит жишээн дээр тулгуурласан байх 

• Нийтлэл нь “Times new roman” фонтоор 12 үсгийн хэмжээтэй байх 

• Утга, найруулга зүйн хувьд ойлгомжтой, уялдаа холбоотой байх 

• Шаардлага хангасан зураг, тайлбартай байх 

“Barilga.mn” сайтын зүгээс жилийн эцэст “Оны шилдэг нийтлэлч”- ийг шалгаруулан, урамшуулах болно.  Шилдгийг шалгаруулахдаа тухайн нийтлэгчийн бичсэн нийтлэлийн тоо, уншигчдын тоо, шинэлэг байдал зэргийг харгалзан үзэх болно. 

Та бүхэн өөрсдийн бүтээлээ олон нийтэд хүргэхийг хүсвэл энд дарж бүртгүүлнэ үү! 

Холбоо барих: 91000222, 91000200