Хүүхдүүдийн зуны амралт эхэлж, урин дулаан цаг ирсэнтэй холбогдуулан тэдэнд зориулан бохирдол орохоос сэргийлсэн хаалга болон суудалтай олон үйлдэлт элсний талбай хийж сурцгаая. Хүүхэд хорвоо дэлхийтэй танилцах явцдаа маш олон ЯАГААД асуултыг танаас асуудаггүй гэж үү? Эдгээр асуултандаа хариулах боломжийг элс таны хүүхдэд олгодог. 

Хүүхдийг элсэн дээр тоглуулах ач холбогдол

1.    Байшин, барилга, зам талбай, эдлэл хэрэглэл гээд юу дуртайгаа хийх замаар таны хүүхдийн ургуулан бодох чадвар хөгжиж байдаг. Элс таны хүүхдийн хүссэн дүрс хэлбэрт орох боломжтой юм.

2.    Хүүхдүүд элсэн дээр тоглохдоо зай талбайгаа булаацалдах, тоглоомоо дундаа ашиглах, хамтдаа бүтээх гээд олон үйлдлээр бусад хүүхэдтэй харьцдаг. Энэ нь хүүхдэд бусадтай харилцан ойлголцож сурах, бусдыг хүндлэх, хуваалцах гээд харилцааны олон ур чадварыг эзэмшихэд тусалж байдаг.

3.    Элсэн дээр тоглох нь таны хүүхдийн хөдөлгөөнийг дэмждэг. Манай улсад сүүлийн жилд хийгдсэн судалгаагаар 0-5 насны хүүхдүүдийн 10% нь жингийн илүүдэлтэй гэж тогтоогдсон байдаг. Тэгвэл жингийн илүүдэлтэй болж байгаа шалтгаанууд нэг нь яах аргагүй хөдөлгөөн дутагдсаных юм. Иймд таны хүүхэд зуны амралтаа дасгал хөдөлгөөнтэй байснаар жингийн илүүдэл цаашлаад олон өвчнөөс урьдчилан сэргийлж чадах юм. 

4.    Hойтон болон хуурай элс нь 2 янзаар хэлбэрждэг, тус бүрт нь хэрхэн тоглох аргад суралцахаас гадна бодитоор туршиж ойлгох боломж бүрдэх юм. Учир нь туршилт гэдэг бол хүүхдийн энэ хорвоо ертөнцтэй танилцах, ойлгох цаашлаад бие даан аливааг сонирхон судлахад сургадаг. 

5.    Хүүхэд элсэн дээр гоёмсог зураг зурах, ордон барих, бүтээлээ мод, чулуу, навчаар гоёх зэрэг уран сэтгэмжээ хөгжүүлж байдаг. Энэ нь хүүхдийн дотоод гоо үзэсгэлэнг харуулж буй хэрэг юм.

6.    Соронзон үйлчлэл, хөшүүргийн хүч, шингэн биеийн хэлбэр зэргийг элсний тоглоомууддаа ашиглан туршилт хийж үзэх боломжтой байдаг. Энэ туршилтад мэдээж аав ээж бидний туслалцаа тэдэнд хэрэгтэйг мартаж болохгүй.

7.    Хүүхэд хүнд, хөнгөн гэх мэт жингийн хэмжээг баримжаалж сурах, мөн дугуй, дөрвөлжин гэх мэт хэлбэр дүрсийг танин мэдэж, багажаар хэмжих их, бага савлагаа гээд олон зүйлийг сурах боломж таны хүүхдэд элс олгоно. 

Хамгийн гол нь таны бүтээх элсний талбай нар сайн тусах гадна талбайд байрлавал зохимжтой юм. Учир нь нарны ач тус нь таны хүүхдийн аз , мөн нарны туяанаас ялгарах Д витамин нь таны хүүхдийн аз жаргалын дааврыг нэмэгдүүлэх бөгөөд мөн чихрийн шижин өвчин, шүд цооролт, бусад улирлын шинжтэй өвчнөөс урьдчилан сэргийлэхэд туслах юм.

Хэрэглэгдэх зүйлс:

●    Хавтан 

●    38 мм дөрвөлжин мод

●    Шураг боолт 

●    Тохижилтын даавуу, хулдаас

●    Үдээс 

●    Элс

●    Эко будаг

●    Гар хөрөө

●    Өрөм

●    Зүлгүүр

●    Будгийн багс

●    Хайч

●    Үдээсний буу

Элсний талбайн хүрээ үүсгэх:

Эхний хийх алхам бол 2,4 м урттай тавцангийн хавтанг тасалж бэлдэх юм. Өөрт байгаа гар хөрөө болон цахилгаан хөрөө алинаар нь ч таслах боломжтой. 2 хавтанг давхарлаж өрөх тул 4 ширхэг 2,4 м урттай хавтан байхад болно. Хавтангуудыг хооронд нь холбохын тулд буланд байрлах дөрвөлжин 38мм*38мм хэмжээтэй моднууд мөн шаардлагатай. Энэ нь хооронд нь давхарласан хавтангуудын өргөнтэй тохирч байх ёстой бөгөөд ойролцоогоор 25 см өндөртэй мод бэлтгэгдсэн байна. 

Бэлдсэн моднуудыг хооронд нь холбож эхэлье. Холбохдоо хавтан тус бүр дээр 2 ширхэг боолтоор бэлдсэн дөрвөлжин модон хэсгүүдтэй холбон 2 хавтанд зай гаргахгүй давхарлан өрөмдөж тогтооно.  Үүнийг хүрээний бүх талуудад адилхан давтан хийж дөрвөлжин хүрээ үүсгэнэ. Ингээд  элсний талбайн үндсэн хүрээ үүсэж байгаа юм.

Суудал болон эвхэгддэг таг хийх:

Хамгийн чухал хэсэг бол таг болон хаалга юм. Тагийг бий болгох эхний алхам бол илүү урт хавтан бэлдэх. Танд шаардагдах хэмжээ нь хавтангийн өргөнөөс хамаарч өөр өөр байна. Ойролцоогоор тооцоолохын тулд 1,2 м*1,2 м хэмжээтэй элсний хүрээг таглахын тулд 5 ширхэг хавтанг голоор нь хувааж ашиглана. Та хавтангуудыг элсний талбайн хүрээний өргөнтэй тааруулж бидний тооцооллоор 1,2 м урттай зүснэ. 5 ширхэг модыг 10 хэсэг болгон хувааж бэлдлээ.  Дараа нь хүрээний 2 захаас эхлэн  хоёр хоёр хавтанг  боолтоор бэхлэн хадна. Бэлдсэн 4 хавтанг хоёр хоёроор нь өмнө холбосноос өөрөөр хоёр захад дам нуруу байрлуулан хооронд нь холбож хадна. Төгсгөлд нь байрлуулах эцсийн самбарыг  нугастай холбосон боловч арай богино байна. Эдгээр нь мөн доод хэсэгт бэхлэгдсэн тул төгсгөлийн самбарыг эсрэг чиглэлд нугалж, түшлэг үүсгэх боломжтой. Дахин хэлэхэд, танд бусад хавтангуудад ашигласан хэдэн мод хэрэгтэй болно. Эдгээр нь арай том хэмжээтэй зүсэгдсэн байх бөгөөд эрэг дээр зөвхөн нэг хавтанд бэхлэгддэг,  энэ нь тэдгээрийг эргүүлэх, хүрээтэй харилцах боломжийг олгодог. Тэд түүн рүү бөхийж, арын түшлэгийг хүчтэй болгодог. 

Тэд мөн тагны хэсгүүдийг нээх, хаах бариулын хувьд маш сайн ажилладаг. 

Будах, элсийг байрлуулах:

Хамгийн сүүлчийн алхам бол будах болон талбайг элсээр дүүргэх. Аль болох хүүхдэд харшлахгүй эко будгийг өөрийн сонирхлын дагуу хүссэн өнгөөрөө  будаарай. Жигдхэн хөнгөн будсанаар хурдан хатах давуу талтай байдаг. Будсанаас хойш ямар будгаас шалтгаалан 24-48 цагт бүрэн гүйцэт хатна. Гүйцэт хатсаны дараагаас өөрийн бэлэн болгосон талбайгаа элсээр дүүргэж өгнө. Элсийг дүүргэхээс өмнө хогийн ургамлыг нэвтлэхээс сэргийлж тохижилтын даавуу эсвэл хулдаасыг дэвсэнэ. Талбайн ёроол хэсэгт тааруулан хэмжиж зүсээд хаддаг үдээсний машинаар хүрээтэй холбоно.  Тагийг нь хаах нь элс, тоглоомыг нуухын зэрэгцээ муур болон бусад амьтад орж бохирдуулахаас сэргийлнэ. Тагийг нээх үед хүүхдүүд тоглоод суухад тохиромжтой суудал болж өгдөг. Элс нэмэхдээ тоглоомын элс эсвэл элсэн байгалийн суурин газраас хол хөдөөгийн элс ашиглах шаардлагатай. Та хуучин элс хэрэглэж болохгүй, учир нь элс нь хурц үзүүртэй зүйлс,  химийн бодисоор бохирдсон зэргийг сайтар шалгаарай.  Ингээд таны хүүхдийн тоглох эрүүл, аюулгүй элсний талбай бэлэн болно. 

Бэлтгэсэн: С. Оргилцэцэг