Барилгын салбарын анхдагч бөгөөд сар тутам хэвлэгдэн гардаг "Барилга МН" сэтгүүл нь барилга, орон сууцны мэдээ, мэдээллийг олон нийтэд түгээхийн зэрэгцээ мэргэжлийн байгууллагуудын дуу хоолой болох зорилгоор 2010 оны гуравдугаар сараас үйл ажиллагаагаа явуулж эхэлсэн. Өөрийн гэсэн нийтлэлийн бодлого, баримтлах зарчим, чиг шугамын дагуу нийтлэл, мэдээллээ бэлтгэж ирсний үр дүнд өнөөдөр байнгын уншигчид, хамтран ажилладаг байгууллага, хэвлэлтийнхээ тоогоороо Монгол Улсдаа тэргүүлдэг. 

Сар тутамд 2500-3000 хувь хэвлэгддэг

Сар тутам салбарын аль нэг чиглэл, сэдвээр дагнан нийтлэл, мэдээллээ бэлтгэдэг бөгөөд Шинэ орон сууц болон Барилгын материалын үнэ ханшийн мэдээ мэдээллийг сэтгүүлээрээ дамжуулан тогтмол шинэчлэн хүргэж байна. Барилга МН сэтгүүл нь БХБЯ, БХТөв зэрэг төр болон төрийн бус байгууллагууд, барилгын салбарт үйл ажиллагаа явуулж буй аж ахуй нэгж байгууллагууд болон банк санхүү, уул уурхай салбарын компаниудын удирдлагуудад хүрдэг. Мөн Монгол Улсын хэмжээнд шуудангийн бүх салбар, сонин борлуулах цэг, супермаркет, номын дэлгүүрүүдээр дамжин уншигчдын гар дээр түгээгддэг.  

Үүнээс гадна Амины орон сууц барих болон бариулахаар төлөвлөж буй иргэд, хувь хүмүүст зориулсан цуврал зөвлөмж хүргэдэг “Шилдэг 100 амины орон сууц”, "Интерьер дизайн” каталог, “Барилга, үл хөдлөх хөрөнгийн судалгааны тайлан” -г  хэвлэн гаргадаг.