“Шинэ орон сууц, Үл хөдлөх хөрөнгө” үзэсгэлэнгийн шилдгүүд шалгарлаа

“Шинэ орон сууц, Үл хөдлөх хөрөнгө” үзэсгэлэнгийн шилдгүүд шалгарлаа

“BARILGA EXPO - 2023” олон улсын үзэсгэлэн, яармаг энэ жил гурван төрлөөр зохион байгуулагдсан бөгөөд хамгийн сүүлийн хэсэг болох “Орон сууц, Үл хөдлөх хөрөнгө”-ийн үзэсгэлэнд 120 орчим шинэ орон сууцны шилдэг төслүүд, амины орон сууцны хотхон, хаус төслүүд гурван өдрийн туршид амжилттай танилцуулагдан өндөрлөлөө. 

“Орон сууц, үл хөдлөх хөрөнгө” үзэсгэлэнд оролцогчдоос шилдгүүдийг шалгаруулдаг бөгөөд шагнал гардуулах ёслолд Барилга, Хот байгуулалтын яамны Хөгжлийн бодлого, газрын харилцаа, хот байгуулалтын газрын дарга Э. Батболд, Барилга МН-ийн үүсгэн байгуулагч, Төлөөлөн Удирдах Зөвлөлийн дарга Г.Батсүх, Үл Хөдлөх Хөрөнгийн Бизнес Эрхлэгчдийн Дээвэр Нэгдсэн Холбооны ерөнхийлөгч С.Батхүрэл хүрэлцэн ирж шилдгүүдийн баярыг хуваалцан шагналыг гардуулсан юм. 



"ШИЛДЭГ ҮЛ ХӨДЛӨХ ХӨРӨНГӨ ЗУУЧЛАГЧ"

  RE/MAX 100%



Re/max 100% office нь тасралтгүй 5 жил үйл ажиллагаа явуулж байгаа бөгөөд Re/max- ийн 70 гаруй оффисыг агентын чанар бүтээмжээрээ сүүлийн 3 жил тэргүүлж ажиллаж байгаа юм. Орон сууцны төслүүдтэй ажиллахдаа зах зээлийн судалгаанд суурилан үнийн бодлогыг тодорхойлон,  борлуулалт маркетингийн бодлогийг цогцоор нь хэрэгжүүлдэг. Тэд сүүлийн 3 жил тасралтгүй Barilga expo олон улсын үзэсгэлэн яармагт оролцож байгаа бөгөөд  уг үзэсгэлэнгээр дамжуулан хамтран ажилладаг төслүүдээ зах зээлд таниулцуулж байна. 


"ШИЛДЭГ ДЭВШИЛТЭТ ТЕХНОЛОГИ НЭВТРҮҮЛЭГЧ" 

Хан төгөл пропертез ХХК  “GREEN GARDEN RESIDENCE” 



Green Garden Residence нь Улаанбаатар хотын Шинэ суурьшлын бүс, Хан-уул дүүрэг, Яармагт байрлалтай эрүүл аюулгүй орчин, дуу чимээгүй, агаар хөрсний бохирдолгүй орчинд 1.4 га талбайд хүүхдийн цэцэрлэг, худалдаа үйлчилгээний төв зэргийг төлөвлөсөн 424 айлын орон сууц юм. Тус орон сууц нь давхар хоорондын дуу тусгаарлагч технологи ашигласан төдийгүй салхины сэнс болон нарны панелиар барилгын гадаах нийтийн эзэмшлийн талбай , ногоон байгууламж, тоглоомын талбай, гудамж, машины зогсоол гэх мэт бүхий л гадаах талбайг гэрэлтүүлэхээр бодолцон төлөвлөснөөрөө  онцлог юм.  


"ШИЛДЭГ ТӨСӨЛ ХЭРЭГЖҮҮЛЭГЧ" 

Тэнгэрт тэмүүлж, газарт гагнагдсан их бүтээн байгуулагч “ЖИГҮҮР ГРАНД ГРУПП” ХХК



“Жигүүр Гранд Групп” нь Монгол Улсын хувийн хэвшлийн тэргүүлэгч ууган компаниудын нэг бөгөөд 1989 онд байгуулагдаж, 33 жилийн хугацаанд тасралтгүй өргөжин 14 салбар компанитайгаар үйл ажилллагаагаа амжилттай явуулж байна. Тус групп нь нийтдээ 1200 гаруй ажилчидтайгаас группийн барилга үйлдвэрлэлийн салбарт 40 гаруй нарийн мэргэжлийн инженер техникийн ажилтан, 500 гаруй барилгын мэргэжилтэй ажилчдаас бүрдэж байна.


Энэ удаагийн үзэсгэлэнд “Жигүүр Гранд Группын 45 дахь төсөл болох New Life Garden төслөөрөө оролцож ийнхүү шилдгээр шалгарлаа. Тус төсөл нь нийгмийн хариуцлагын хүрээнд баригдаж буй дахин төлөвлөлтийн томоохон төсөл бөгөөд  нийт талбайн 85%-ийг эзэлхүйц ногоон байгууламжтай ЭКО хороолол болох юм.  


“ШИЛДЭГ ТӨСӨЛ”  

Өсөн нэмэгдэх үнэ цэнэ "ACTIVE GARDEN RESIDENCE" 


Аctive Garden Residence нь Улаанбаатар хотын шинэ суурьшлын бүс, Хан-Уул дүүрэг Яармагт байрлах эрүүл хөрс, цэнгэг агаар бүхий Богд уулын бэл, Туул голын хөвөөн дэх эрүүл, идэвхтэй амьдралын хэв маягийг эрхэмлэсэн бизнес зэрэглэлийн 856 айлын орон сууц юм. Оршин суугчдынхаа хүүхдүүдийн боловсролд зориулж Кембрижийн хөтөлбөртэй 640 хүүхдийн багтаамжтай улсын дунд сургууль, 120 хүүхдийн багтаамжтай цэцэрлэг, сургалт хөгжлийн төвүүдийг дэргэдээ төлөвлөсөн. Автомашины 1,000 ил зогсоол, 500 дулаан зогсоол, бүх төрлийн үйлчилгээг багтаасан 50,000мкв талбайтай олон улсын стандарт хангасан Монголын анхны шоппинг молл хэлбэрийн И-мартыг дэргэдээ төлөвлөснөөрөө онцлог юм. 


Шилдэг шалгаруулах арга хэмжээний дараа үзэсгэлэнд оролцогч байгууллагуудаа хүлээн авч NETWORKING арга хэмжээг зохион байгуулсан юм. Үүнд орон сууц, үл хөдлөхийн салбарын мэргэжилтнүүд хэрхэн бизнесийн харилцаа холбоо үүсгэх, хамтран ажиллах арга туршлагаа солилцон, ивээн тэтгэгч нартаа талархалыг гардуулан, азтантай, сугалаатай нэгэн үдшийг хамтдаа өнгөрөөсөн юм. 


“BARILGA EXPO - 2023” олон улсын үзэсгэлэн яармагийн бүх шилдгүүддээ баяр хүргэж, бизнесийн туршлага солилцсон бүх зочиддоо талархал илэрхийлье! 



Ерөнхий зохион байгуулагч: БАРИЛГА МН 

Хамтран зохион байгуулагч: БАРИЛГА, ХОТ БАЙГУУЛАЛТЫН ЯАМ 

                                                     БАРИЛГЫН ХӨГЖЛИЙН ТӨВ

                                                     ИТАЛИ УЛСЫН ЭЛЧИН САЙДЫН ЯАМ  

Ерөнхий ивээн тэтгэгч: ACTIVE GARDEN RESIDENCE”

                                            “ХОВД ЭКО ЦЕМЕНТ” ХХК

Ивээн тэтгэгч: GREEN GARDEN RESIDENCE”

                            МОНЦЕМЕНТ БИЛДИНГ МАТЕРИАЛС” ХХК

                   “МОНКОН КОНСТРАКШН” ХХК


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ