Олон улсын төлөөлөгчдийн “BUSINESS TOUR”- г зохион байгууллаа

Олон улсын төлөөлөгчдийн “BUSINESS TOUR”- г зохион байгууллаа

“BARILGA EXPO 2023” олон улсын үзэсгэлэн, яармагийн 2-р хэсгийг Монголын барилгын зах зээлд олон улсын нэр хүндтэй брэндүүдийг танилцуулах зорилгоор “International fair” буюу олон улсын оролцогчдын үзэсгэлэнг анх удаа зохион байгуулсан билээ.  Энэ хүрээд үзэсгэлэнд оролцогч олон улсын буюу Хятад, Солонгос, Казакстан, Итали, Турк, Герман зэрэг улсуудын төлөөлөгчдийг Монголын барилгын зах зээлд хэрэгжүүлж буюу томоохон төсөл хөтөлбөрүүдтэй танилцуулах “BUSINESS TOUR”- г 5-р сарын 06-ны өдөр зохион байгууллаа. Үүнд, 


ACTIVE GARDEN RESIDENCE 

Улаанбаатар хотын шинэ суурьшлын бүс, Хан-Уул дүүрэг Яармагт байрлах  эрүүл хөрс, цэнгэг агаар бүхий Богд уулын бэл, Туул голын хөвөөн дэх эрүүл, идэвхтэй амьдралын хэв маягийг эрхэмлэсэн бизнес зэрэглэлийн 856 айлын орон сууц юм.

MANDALA GARDEN цогцолбор хороолол 

Улаанбаатар хотын шинэ суурьшил, төлөвлөлтийн “А” зэрэглэлийн бүсэд ХУД-ийн 4-р хороо, Арцатын аманд  10 га газарт байрлалтай, гурван ээлж бүхий 2700 айлын 16 давхар 14 блок барилгаас бүрдэнэ.  Хүний өдөр тутмын хэрэгцээг хангах худалдаа үйлчилгээний төв, сургууль цэцэрлэг нь хотхон дотроо төлөвлөгдсөн. Цогц төлөвлөлтийн хүрээнд стандарт сайн зэрэглэлийн хотхонд цогцлох ёстой бүхий л шаардлагыг хангасан анхны хотхон юм. Инженерийн дэд бүтцийг байгуулахдаа газар доорх шугам сүлжээ рүү чөлөөтэй нэвтрэх нүхэн гарцыг байгуулж буй. Мөн оршин суугчдад зориулсан нийтийн тээврийн үйлчилгээг анх удаа нэвтрүүлэхээр төлөвлөж байна. “Mandala Garden” хотхоны бүхий л төлөвлөлт нь оршин суугчдын тав тухтай, эрүүл, аюулгүй орчныг бүрдүүлэхэд чиглэсэн.

ХАН ТӨГӨЛ хотхон 

нийт 22 га эдэлбэр газарт оршин суугчиддаа зориулсан нэгдсэн үйлчилгээний төв, 200 хүүхдийн цэцэрлэг, спорт цогцолбор, үзэсгэлэнт нуур, нүд хужирлам усан оргилуур, хүүхэд бүрийн онцлогт тааруулан цогцлоосон нас насны ангилалт тоглоомын талбай, гадна спорт талбай болон байгалийн сайханд амарч тухлах нийтийн эзэмшлийн талбай, стандартад нийцсэн дугуйн болон гүйлтийн замыг шийдэж өгсөнөөрөө онцлог.

“БАРИЛГАЧИН” худалдааны төв

“Барилгачин” худалдааны төвд үндсэн материал, засал чимэглэл, сантехник, цахилгаан, холбоо дохиолол, модон материал, төмөр материал зэрэг бүхий л нэр төрлийн барилгын материал худалдах ба нийт 20 мянган м.кв эдэлбэр газарт худалдааны төв, агуулах ложистикийг хамтад нь шийдэж өгснөөрөө онцлогтой.  






СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ