“Барилгын материал, техник технологи” болон “International fair” үзэсгэлэнгийн шилдгүүд шалгарлаа

“Барилгын материал, техник технологи” болон “International fair” үзэсгэлэнгийн шилдгүүд шалгарлаа

Монголын барилгын зах зээлд Барилгын салбарын шилдэг аж ахуй нэгж, байгууллагууд бүтээгдэхүүн, дэвшилтэт техник, технологи, хаус болон шинэ орон сууцны шилдэг төслүүдийг танилцуулдаг “BARILGA EXPO 2023” үзэсгэлэн, яармаг 16 дахь жилдээ амжилттай зохион байгуулагдаж байна. Энэ жилийн үзэсгэлэн илүү өргөжин Монголын барилгын зах зээлд олон улсын нэр хүндтэй брэндүүдийг танилцуулах зорилгоор BARILGA EXPO 2023 үзэсгэлэнгийн 2-р хэсгийг “International fair”  олон улсын оролцогчдын үзэсгэлэнг анх удаа байгуулсан бөгөөд 5 дугаар сарын 7 - ны өдөр Барилгын материал, техник технологи” болон “International fair” үзэсгэлэнгийн шилдгүүдийг шалгарууллаа. 


Хүндэтгэлийн арга хэмжээг нээж “BARILGA EXPO - 2023” үзэсгэлэнгийн  байгуулах хорооны дарга, Барилга МН үүсгэн байгуулагч Г.Батсүх, Барилгын хөгжлийн төвийн Барилга, барилгын материалын хэлтсийн дарга Д. Батням, Гадаад хэргийн яамны Гадаад худалдааны Эдийн Засгийн хамтын ажиллагааны газрын зөвлөх Д.Эрдэнэ-Очир  нар  үг хэлж, шагналыг гардуулсан юм. 


Тус үзэсгэлэнд гадна болон дотоодын салбарын шилдэг 250 орчим аж ахуй нэгж, байгууллагууд барилгын материал, шинэ бүтээгдэхүүн, дэвшилтэт технологио танилцуулсан бөгөөд 5 номинацийн эзэд тодорч цомоо гардан авсан юм. 


Шилдэг үйлдвэрлэгчээр Вестерн Холд ХХК-ийн Ховд эко цементийн  үйлдвэр 



Монголын 5 дахь цементийн үйлдвэр болох Ховд эко цементийн  үйлдвэр нь  Баруун бүсийн цементийн хэрэгцээг бүрэн хангаж, импортыг орлох  зорилготой бөгөөд Орон нутгаасаа цементийг хямдаар авах боломжийг олгож байгаа юм. Тус үйлдвэр нь 2020 оноос хойш ашиглалтад орсон хамгийн том бүтээн байгуулалт болж чадсан. Энэхүү үйлдвэр нь 350 ажлын байр шинээр бий болгож, 3000 орчим иргэдийн орлогыг нэмэгдүүлж байна. Үйлдвэрийн гол давуу тал нь ус ашиглахгүй хуурай аргын үйлдвэр гэдгээрээ байгаль орчинд ээлтэй, дэвшилтэт өндөр технологи ашиглан цемент үйлдвэрлэж байна.


Шилдэг ханган нийлүүлэгчээр Рисөрч Энд Дэвэлопмэнт ХХК 

   

Рисөрч энд Дэвэлопмэнт ХХК нь 2013 онд байгуулагдсан цагаасаа Монголын зах зээлд 100% Итали улсад үйлдвэрлэгдсэн чанартай  материалуудыг нийлүүлэн тасралтгүй 10 дахь жилдээ үйл ажиллагаа явуулж байна. Үүнд бэлэн тавилга, гоо сайхны тоног төхөөрөмж болон барилгын бүх төрлийн дотор заслын материалууд мөн гал тогооны хэншүү сорогч орон сууцны болон зочид буудлын автоматжуулалт гэх мэтчилэн маш олон төрлийн бүтээгдэхүүнийг захиалгаар болон бэлэн нийлүүлэн ажиллаж байна.


Шилдэг ханган нийлүүлэгчээр Росторг ХХК 

    

Монгол-Оросын хамтарсан “Росторг” компани нь 2012 оны 2-р сард байгуулагдсан бөгөөд ОХУ-ын “Металл профиль”, “Ондулин-СМ”, “Knauf insulation”, “Технониколь” - зэрэг компанийн төмөр дээвэр, төмөр болон хуванцар сайдинг, төмөр болон хуванцар борооны ус зайлуулах иж бүрдэл, XPS сайжруулсан хөөсөнцөр хавтан, доторлогооны рейк мод, “Ондулин”, “Ондувилла” болон Шинглас чулуутай хар цаасан дээвэр, “Кнауф” байгалийн дулаалгын эрдэст хөвөн, өнгөлгөөний тоосго, шилэн фасад, сэндвич хавтан, хар цаас зэрэг  барилгын бүхий л төрлийн орчин үеийн хэрэглээ, хэрэгцээг хангасан материалыг монголын зах зээлд нийлүүлж байна. Тус бүтээгдэхүүнүүд нь байгаль экологи, хамгийн гол нь хүний эрүүл  мэндэд ямар нэг хор нөлөө, харшил үзүүлэхгүй дэлхийн орчин үеийн стандартад нийцсэн бүтээгдэхүүнд юм. 


Дэвшилтэт техник технологи нэвтрүүлэгчээр Grohe Central Asia LLP



GROHE дэлхий даяар 150 улсад 6000 гаруй ажилчидтай, үүний 2600 нь Герман улсад ажилладаг ба угаалгын өрөө болон гал тогооны өрөөний бүрэн тоноглол үйлдвэрлэдэг дэлхийд тэргүүлэгч байгууллага юм. GROHE брэндийн бүтээгдэхүүнээс онцлон хэлбэл олонд танигдсан GROHE Eurosmart, GROHE термостатийн цуглуулга болон бидний бас нэгэн гайхалтай инновац болох GROHE Blue усны системийг дурдаж болох юм. Цаашлаад хэрэглэгчдийн хүсэлд нийцүүлэн ухаалаг, амьдралыг улам таашаалтай болгох, тогтвортой байдлыг дэмжин бүтээгдэхүүнээ үйлдвэрлэдэг бөгөөд 2020 оны 4-р сараас дэлхий даяар CO2 ялгаруулалгүйгээр үйлдвэрлэлээ явуулж эхэлсэн. 2021 оноос хуванцар хаягдалгүй сав баглаа боодолтойгоор бүтээгдэхүүнээ хэрэглэгчдээ хүргэхээр ажиллаж байна.


Дэвшилтэт техник технологи нэвтрүүлэгчээр   ИЭК- МОНГОЛ ХХК



ИЭК буюу Интернэйшнэл Электрикал Инжинеринг Компани нь ОХУ-ын цахилгааны инженирингийн үйлчилгээний хамгийн том, брэнд болсон үйлдвэрлэгч бөгөөд тус компанийн бүтээгдэхүүн ба үйлчилгээг барилга байгууламж, үйлдвэрийн газрууд болон нийтийн ахуйн үйлчилгээнд өргөн хэрэглэж байна. Одоогоор тус компани 4000 гаруй нэр төрлийн бүтээгдэхүүн үйлдвэрлэдэг бөгөөд жилдээ 200-500 төрлийн шинэ бүтээгдэхүүнийг үйлдвэрлэн нэвтрүүлж байна. ИЭК нь аливаа төсөл хэрэгжүүлэх, барилга байгууламж байгуулах, сэргээн засварлах, сайжруулах зэрэг үйл ажиллагаанаас гадна цахилгаан дамжуулах, цахилгааны самбар угсрах, кабель болон хамгаалалтын төхөөрөмж суулгах, гэрэлтүүлгийн холболт бусад цахилгаантай холбоотой тоног төхөөрөмж болон үйлдвэрийн зориулалтаар ашиглах дизайны өвөрмөц шийдэлтэй маш олон төрлийн бүтээгдэхүүнүүдээ зах зээлд гаргасаар байна.


“BARILGA EXPO 2023” олон улсын үзэсгэлэн яармагийн “Шинэ орон сууц, Үл хөдлөх хөрөнгө” хэсэг 5-р сарын 12-14-ны өдрүүдэд Мишээл экспо төвд зохион байгуулагдана. 


Ерөнхий зохион байгуулагч: БАРИЛГА МН 

Хамтран зохион байгуулагч: БАРИЛГА, ХОТ БАЙГУУЛАЛТЫН ЯАМ 

                                                     БАРИЛГЫН ХӨГЖЛИЙН ТӨВ

                                                     ИТАЛИ УЛСЫН ЭЛЧИН САЙДЫН ЯАМ      

Ерөнхий ивээн тэтгэгч: ACTIVE GARDEN RESIDENCE”

                                            “ХОВД ЭКО ЦЕМЕНТ” ХХК

Ивээн тэтгэгч: GREEN GARDEN RESIDENCE”

                             МОНЦЕМЕНТ БИЛДИНГ МАТЕРИАЛС” ХХК

                             “МОНКОН КОНСТРАКШН” ХХК




Дэлгэрэнгүй мэдээллийг 77113333-1, 9990-7816 утаснаас лавлана уу

www.barilgaexpo.mn 


Холбоотой мэдээ