“Шинэ дэвшилтэт, эко будгийн технологийн инновац’’ сэдэвт семинар болно
"BARILGA EXPO 2023" олон улсын үзэсгэлэн, яармагийн “INTERNATIONAL FAIR” хэсгийн үзэсгэлэнд оролцож буй БНСУ-ын "IREA CHEМICAL ENTERPRISE Co.,Ltd" компаниийн захирал Song, Sun-gap нь будгийн технологийн 40 жилийн туршлагатай, олон улсын эксперт юм.
Тус компаниас “INTERNATIONAL FAIR” хэсгийн үзэсгэлэнгийн нээлтийн өдөр буюу 5-р сарын 5-ны өдрийн 15:00 цагаас “Шинэ дэвшилтэт, эко будгийн технологийн инновац’’ сэдэвт семинарыг “Мишээл экспо төв”-ийн хурлын танхимд олон нийтэд нээлттэй буюу бүртгэлийн хураамжгүйгээр хүргэх гэж байна.
Энэхүү семинарт бизнес эрхлэгчид, будаг үйлдвэрлэгчид, төслийн худалдан авалтын баг болон будгийн технологи сонирхогчид, мөн худалдан авагч нар хүрэлцэн ирэх боломжтой.
БНСУ-ын “Irea Chemical Enterprise” компани нь 1999 онд үүсгэн байгуулагдан байгалийн гаралтай, онцгой үйлдэлтэй будаг үйлдвэрлэдэг бөгөөд химийн бүтээгдэхүүнийг хэрхэн хүний биед хор багатай, байгальд ээлтэйгээр үйлдвэрлэж болох талаар олон жил судалж, хөгжүүлсээр ирсэн будгийн технологийн хөгжүүлэгч компани юм. Тус компани нь байгальд ээлтэй гадна болон дотор ханын, шалны, замын тэмдэг тэмдэглэгээний, шалны усан суурьтай гипоксен будгуудыг үйлдвэрлэдэг.
БНСУ-ын стандарт INNO-BIZ гэрчилгээ, олон улсын чанарын стандартын ISO-9001, ISO-14001, KC-Mark, M-Mark европ стандартын ECO Labelling, REARCH, байгаль орчинд ээлтэй бүтээгдэхүүний RoHS гэрчилгээтэй.
"BARILGA EXPO 2023" олон улсын үзэсгэлэн, яармагийн “INTERNATIONAL FAIR” хэсэг болох 5-р сарын 5-7 - ны өдрүүдэд “Мишээл экспо”-ийн үзэсгэлэнгийн танхимын В-5 павильоноор зочлон байгаль орчинд ээлтэй, хүний эрүүл мэндэд сөрөг нөлөөгүй бүтээгдэхүүний талаар мэдээлэл аваарай.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.