МБЗТЗХолбооны ерөнхийлөгч гурван асуудалд анхаарч ажиллах саналыг дэвшүүлэн тавилаа

МБЗТЗХолбооны ерөнхийлөгч гурван асуудалд анхаарч ажиллах саналыг дэвшүүлэн тавилаа
Барилга, Хот байгуулалтын сайд Ц.Даваасүрэн барилгын салбарын төрийн бус байгууллагуудын удирдлагуудыг хүлээн авч уулзсан уулзалтыг үеэр МБЗТЗХолбооны ерөнхийлөгч Н.Дорж гурван асуудалд анхаарч ажиллах саналыг дэвшүүлэн тавилаа.
Үүнд: 
1. Зураг төслийн чанарыг хянах гол механизм нь магадлалын ажил байдаг. Барилгын тухай хуулийн 34.1.10-д Магадлал хийх иргэн хуулийн этгээдийг сонгон шалгаруулна гэж заасан. Иймд 2019 онд ЗГ-ын тогтоолоор баталсан ‘Барилга байгууламжийн зураг төсөл боловсруулах, магадлал хийх дүрэм’-ийг яаралтай шинэчлэн боловсруулж батлуулах.  Мөн 2019 онд БХБСайдын 213 дугаар тушаалаар батлагдсан ‘Барилга байгууламжийн зураг төсөлд магадлал хийх экспертэд тавих шаардлага, түүнийг өрсөлдөөний журмаар сонгон шалгаруулж, эрх олгох журам’-ыг тус тус шинэчлэх шаардлагатай.   
2. Зураг төслийн инженер архитеторуудын мэргэжил дээшлүүлэх сургалтыг МАЭ, МБНХ тус тусдаа  зохион байгуулж байгааг өөрчилж салбарын тулгамдсан асуудлыг шийдэхэд чиглэсэн нэгдсэн бодлогоор зохион байгуулах.
3. Өнөөдөр барилгын салбарын Мэргэжлийн Зөвлөлүүд бүгд орон тооны бус хэлбэрээр ажиллаж байгаа нь хангалтгүй байна. Ялангуяа Хот байгуулалтын талаар Яамнаас тодорхой бодлого чиглэлгүй явж ирлээ. Иймд Хот байгуулалтын Мэргэжлийн Зөвлөлийг Яамны дэргэд тодорхой орон тооны бүтэцтэй, хот төлөвлөлтөд оролцдог бүх мэргэжлийн чиглэлээр төлөөлөлтэй байгуулах нь зүйтэй. Өнөөдөр ажиллаж буй Хот Байгуулалтын Мэргэжлийн Зөвлөл зөвхөн архитекторуудаас бүрддэг тул бүх шатны ерөнхий төлөвлөгөө дэд бүтэц, инженерийн бэлтгэл арга хэмжээг маш хангалтгүй түвшинд тусгаж байна! Үүнд анхаарлаа хандуулах.


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ