“Barilga.mn” сайт 5 дахь удаагийн шинэчлэлтээ бүрэн хийж дуссан бөгөөд одоогоор 6 дахь удаагийн шинэчлэлтийн ажил хийгдэж байгаа билээ. Энэхүү шинэчлэлтээрээ барилгын салбарын чиглэлээр нийтлэл, мэдээлэл бичигчдийг дэмжих, олон нийтэд салбарын сонирхолтой мэдээлэл, контентийг хүргэх зорилгоор “НИЙТЛЭЛЧ” булангаа улам бүр идэвхжүүлсээр байна. 

Энэхүү буланд салбарын мэргэжилтэн, инженер, техникийн болон эрдэм шинжилгээний ажилтан, салбарын мэргэжлийн оюутнууд гээд ажил, мэргэжлийн хамааралгүйгээр тухайн хүн өөрийн бүтээлээ нийтлэх боломжтой. Ингэхдээ нийтлэлээ сэтгүүл зүйн бүхий л бичлэгийн төрөл зүйлээр бичиж болно. Тухайлбал,  нийтлэл, зөвлөгөө, ярилцлага, сурвалжлага, өгүүлэл, шүүмж гэх мэт. 

Нийтлэлд тавигдах шаардлага 

• Салбарын сэдэв, агуулгад бүрэн нийцсэн байх

• Оюуны өмчийн зөрчилгүй байх 

• Шинэлэг санаа, тодорхой асуудлыг дэвшүүлсэн байх

• Тухайн сэдвийнхээ хүрээнд зохих судалгааг хийсэн байх 

• Албан ёсны, сүүлийн үеийн статистик, тоо баримт болон бодит жишээн дээр тулгуурласан байх 

• Нийтлэл нь “Times new roman” фонтоор 12 үсгийн хэмжээтэйгээр хамгийн багадаа А4-ийн 3 нүүр  текст байх 

• Утга, найруулга зүйн хувьд ойлгомжтой, уялдаа холбоотой байх 

• Шаардлага хангасан зураг, тайлбартай байх 

“Barilga.mn” сайтын зүгээс жилийн эцэст “Оны шилдэг нийтлэлч”- ийг шалгаруулах бөгөөд шилдгийг шалгаруулахдаа тухайн нийтлэгчийн бичсэн шинэлэг байдал, нийтлэлийн тоо, уншигчдын тоо зэргийг харгалзан үзэх болно. 

Та бүхэн өөрсдийн бүтээлээ олон нийтэд хүргэхийг хүсвэл ЭНД дарж бүртгүүлнэ үү 

Холбоо барих: 9100-0200, 7711-1777