Гэртээ спорт авиралтын хана хийцгээе

Гэртээ спорт авиралтын хана хийцгээе

Иргэд улам бүр дасгал хөдөлгөөнтэй байхыг эрхэмлэн аль болох спортоор хичээллэдэг болсон. Фитнес, бассейн, иог гээд хүн бүрийн сонирхдог спортын төрөл нь өөр байдаг. Харин энэ удаад бид хүүхдэд зориулсан спортын хана гэртээ хэрхэн хийх зааврыг хүргэж байна. 

Хүүхдүүддээ хэрхэн авирахыг зааж, энэхүү спортод дурлуулан, эрүүл чийрэг бие бялдартай, спортод хайртай болон өсөхөд хувь нэмэр болно гэдэгт итгэлтэй. Авирах хана гэртээ болон хашаандаа байгуулснаар спорт заал, фитнес клуб зэрэгт очих шаардлагагүйгээр дасгал хөдөлгөөн хийж, зугаатай байх боломжтойгоос гадна санхүүгийн хувьд ч хэмнэлттэй байдаг. 


Ингээд авирах хана хийх заавартай танилцана уу. 


Хананы дизайн гаргах

Хэрэв та өөрийн байшин болон хашаандаа авирах зориулалттай байнгын бэхэлсэн ханатай болохыг хүсэж байвал, нэмэлт дэмжлэг хана барихыг зөвлөж байна. Газраас авирахад хангалттай зайтай талбайг сонгоорой.

Та авирах хана болон түүнийг тогтоох тулгуур буюу суурь хэсэгт байх ханыг хамтад нь хийх шаардлагатай. Тулгуур хананы бүтэц нь авирах хананы жинг тэсвэрлэх чадвартай байх хэрэгтэй бөгөөд үүнийг мэргэжлийн хүнээс зөвлөгөө аван хийж болох юм. Тулгуур хана нь илүү бат бөх, даац сайтай, тэсвэртэй байх нь хэн нэгэн ханан дээр авирсан байх үед аюулгүй байдлыг хангах гол зүйл байдаг. 


Авирах ханыг барих нийтлэг, тохиромжтой газар нь гарааш байдаг ба та машин байрлуулах болон бусад хэрэгцээт зайгаа тооцоолох хэрэгтэй. Хана барихаар төлөвлөж буй зай талбайд цахилгааны залгуур, агааржуулах хоолой байгаа эсэхийг сайтар шалгаарай. 


Гэрийнхээ ханыг бохирдуулахаас сэргийлж байвал бие даасан хана барихыг зөвлөж байна. Бие даасан хана нь байнгын оршин суух газар бус зөөвөрлөж байршуулах тохиолдолд хамгийн тохиромжтой байдаг. 


Загвараа гаргахын тулд бусад ижил төрлийн авиралтын ханатай заал, төвүүдээр зочилж зураг гарган тэмдэглэж шинэ санаа олж аваарай. Бусад хүмүүс гэртээ авирах хана хэрхэн барьсан талаар интернэтээс хайж, орон зайгаа хэрхэн ашигласан талаар сайтар судалгаа хийх нь илүүдэхгүй. Та өөрийн орон зайд хаана хэрхэн яаж байрлуулах талаар хананы загвараа цаасан дээр ноороглож буулгаснаар хамгийн зөв санааг эцэст нь хялбархан олох болно. 


Хэрэв та ханыг 3D хэлбэрээр дүрслэхийг хүсвэл картонон цаас эсвэл компьютерын программ ашиглан масштабтай загвар хийж болно. Дизайн санаагаа ханан дээр харандаагаар зурна. Төлөвлөсөн ханан дээрээ зураг зурахдаа харандаа, тууз, утас, бэхэлгээ бэлдэнэ. Гаргасан зураг нь бодит орон зайтай таарч байгаа эсэхийг нягтлаарай.


Ханан дээрх гишгэж авирах чулуу байршуулах ханаа тэгшхэн биш өнцөгтэй налуу байрлуулна. 

Авирах хана хамгийн өндөртөө 2,4 м буюу түүнээс доош өндөртөй байж болно. Энэ хэмжээ нь хананаас унах эрсдэлд аюул багатай байдаг. 20-45 см градусын хооронд хавтгай налуу хана нь олон төрлийн хөдөлгөөн хийхэд боломжтой байдаг. 

Материалын жагсаалт:

Жагсаалтаа гаргахаас өмнө материалын шаардлагатай хэмжээ төрөл материал тус бүрийг хэрхэн холбохоо тодорхой болгоорой.

 Хэрэглэгдэх материал:

  • Фанер

  • Хүрээний бэхэлгээ

  • Дрилл

  • Хадаас 

  • Туузан шугам

  • Хүрээний холбогч

  • Соронзон метр

  • Хүрээний булан

  • Харандаа

  • Алх

  • хөрөө

  • Цахилгаан өрөм

  • Өрмийн хошуу

  • Утасгүй дрилл

  • Нарийн хөрөө

  • Тасдагч

  • Бээлий

  • Хамгаалах нүдний шил

  • Шат

  • Мод хөрөөдөх тулгуур


Авирах хана байгуулах ерөнхий бүтэц.

Авирах хананы хэмжээ 2,4м*1,2м хэмжээтэй байна. Харин тулгуур хананы дам нуруудын хоорондын зай 41 см байх бөгөөд өргөн 1,2 м өндөр нь 2,4 м байна. Тулгуур хананы бэлдцүүдээ хооронд нь бэхлэхийн тулд шалан дээр байрлуулж, уулзваруудыг 2-оос доошгүй хадаасаар алх эсвэл хадаасны буугаар хадаж бэхэлнэ. 

Бэхэлж бэлдсэн тулгуур ханыг барилгын хананд байрлуулахдаа хананы дээд хэсгээс 30 см-ын зайтай параллель, харин доод хэсэгт тулгаж тогтооно. Тулгуур хананы дээд хэсгийг тогтоохдоо дам нуруудын хооронд 30 см-н зайтай 14-ийн хэмжээтэй 2 шүрүүп ашиглан таазанд бэхэлнэ. Доод хэсгийг тогтоохдоо  хана, шал хоёрт тулган байрлуулж дээрхтэй адил шаланд бэхэлнэ.


Тулгуур хананы хүрээний хэмжээтэй таарсан 2,4 м*1,2 м хэмжээтэй фанераа цахилгаан хөрөө ашиглан бэлдэнэ.



Фанерыг тогтоохдоо тулгуур хананы дам нуруу бүрд хадаас хадан бэлхэнэ. Үүний дараа хананд авирахад барих болон гишгэх чулуунуудыг байрлуулах нүх гаргана. Ингэхдээ өөрийн дурын газар эсвэл 20см*20см зайтай дөрвөлжин зурж, зурсан зураас огтлолцох цэгүүдэд 1,1 см-тай өрмийн хошуу ашиглан өрөмдөнө.



Ингээд хамгийн сүүлд барих, гишгэх чулуудыг тогтоох бөгөөд авирахад амар хялбар эвсэл бартаа саадтай байх эсэхийг та өөрөө шийдэж болох юм. 


Чулуунуудыг та зориулалтын худалдааны газраас өөрөө сонгож авах бөгөөд чулуунуудтай хамт зориулалтын тогтоогч бэхэлгээ дагалдан ирнэ. Түүнийг өөрийн бэлдсэн нүхэнд суурьиуулсанаар таны авирах хана бэлэн болно. Олон төрлийн өнгө загвартай чулуунуудыг сонгосон бол нэг өнгийг зэрэгцээ байрлуулахгүйг хичээгээрэй. 

Хамгийн сүүлд нь авирах хананы доор гимнастикын гудас эсвэл матрас байрлуулаарай.




 Бэлтгэсэн: С.Оргилцэцэг


Холбоотой мэдээ