“НОГООН БАРИЛГЫН БОЛОМЖ & ШИЙДЭЛ" арга хэмжээ болно
“НОГООН БАРИЛГЫН БОЛОМЖ & ШИЙДЭЛ" арга хэмжээ 2022 оны 12-р сарын 01-ний 13:30 цагт Millennium Plaza- д болно.
“Эрчим хүчний хэмнэлттэй, амины ногоон орон сууцны төсөл хэрэгжүүлэгчид, гүйцэтгэгчид, бодлого тодорхойлогчид, мэргэжлийн байгууллага, мэргэжлийн эксперт, санхүүжүүлэгчдийн нэгдсэн арга хэмжээ болох бөгөөд эрчим хүчний хэмнэлттэй амины орон сууцны ногоон зээл, санхүүжилтийн талаар зөвлөгөө мэдээлэл хүргэнэ. Мөн эрчим хүчний хэмнэлтэд амины орон сууц төлөвлөлт, сэргээгдэх эрчим хүчний төлөвлөлт, мэргэжлийн зөвлөмжийг мэргэжлийн инженер мэргэжилтэнүүдээс зөвлөгөө авах боломжтой.
Дэлхийн дулаарал, уур амьсгалын өөрчлөлттэй холбоотойгоор дэлхий нийтээр бүхийл салбарт Ногоон Эко тодотгол давамгайлах болсон. Ойрын жилүүдэд Тогтвортой хөгжилд нийцсэн төсөл хөтөлбөр хэрэгжүүлэх нь барилгын салбарын хөгжлийн чиг хандлага болоод байна. Барилгын салбарт хүлэмжийн хийн ялгарлыг бууруулах шийдэл нь НОГООН БАРИЛГА юм.
Амины орон сууцны төсөл хэрэгжүүлэгчид, гүйцэтгэгчид, иргэд бүтээн байгуулалтаа ногооруулах нь ойрын хөгжлийн ирээдүй, чиг хандлага тренд болох юм. “НОГООН БАРИЛГЫН БОЛОМЖ & ШИЙДЭЛ" арга хэмжээ нь ямар БОЛОМЖ & ШИЙДЭЛ байгааг эрэлхийлэх болно.
Ногоон барилга барих, ногоон барилга төлөвлөх гол үндэс нь эрчим хүчний хэмнэлттэй гэдгээс эхлэнэ. Хүлэмжийн хийг бодитой бууруулж байгаа хотууд, төсөл хөтөлбөрүүдэд олон улсын болоод дотоодын банкуудын урт хугацаатай ногоон зээлийн боломжууд, санхүүжилтийн талаар тус арга хэмжээний үеэр мэдээлэл хүргэх юм байна.