Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн  нийтлэлийг бэлтгэн хүргэдэг Барилга МН сэтгүүлийн 11 дүгээр сарын дугаар хэвлэгдэн гарлаа. 

Энэ дугаарын нүүр хуудсанд “Тоонот хаалга констракшн” ХХК хамтран ажилласан бөгөөд тус компани нь бүх төрлийн цонх, тавилга, шилэн хийц, хаалга, автомат хаалга, хаалт, авто зогсоолын автомат хаалга, шилэн хаалга, фасад хаалтууд хийж байна. 

Энэ дугаарт гарсан онцлох булангуудаас танилцуулбал…

Залуу инженер 

Эрдэмтэн хүн онолыг хөгжүүлдэг. Харин инженер хүн онолыг мэдэж, түүнээсээ практик шийдэл олж, хэрэгжүүлдэг. Чухам энэхүү онол, практикийг хослуулан салбартаа түүчээлж буй нэгэн “Залуу инженер”-ийг энэ удаагийн дугаартаа онцоллоо. Тэрээр усны барилга, байгууламжийн инженер мэргэжилтэй, нагаока технологийн их сургуулийн инженерийн ухааны доктор бөгөөд ШУТИС-д ирээдүйн чадварлаг инженерүүдийг бэлтгэхийн зэрэгцээ салбарын хөгжилдөө үнэтэй хувь нэмэр оруулж яваа билээ.

Тодруулга 

Заавал мөрдөх шаардлагуудыг агуулсан норм нормативын баримт бичгүүдийн тоо олширч, шинэ техник технологи нэвтрэх болгонд түүнийг дагасан норматив баримт бичгийг боловсруулж мөрдүүлэх ажил хоорондоо зөрчилдөх, давхардах зэрэг будилаантай байдал үүсгэдэг хяналтын байгууллагууд норм дүрмийг дураараа тайлбарлах боломжтой байдал, техникийн нормуудын хүрээнд дүрэм журам боловсруулж, аюулгүй байдлыг хангах байдлаас илүү арилжааны сонирхол дээгүүр тавигддаг байдал нь гол шалтгаан болдог юм байна. Тэгэхээр техникийн зохицуулалт нэвтрүүлснээр заавал мөрдөх заалт бүхий норматив баримт бичгийн тоог багасгах юм. 

Монгол уран бүтээлч 

“Монгол уран бүтээлч” булангаараа Монголын олон чадварлаг архитекторуудын бүтээн байгуулсан, сүндэрлэн боссон барилгыг тухайн архитекторын хамт онцлон танилцуулдаг билээ.

Барилгын салбарт бидний мэдэхгүй, өөрийн дотоод ертөнцтэй, мэргэжилдээ шимтэн дуралсан олон чадварлаг архитекторууд байдаг. Тэдний нэг болох ЧАНС ХХК-ийн ерөнхий архитектор, Хүрээ архитекторууд ТББ-ын хамтран үүсгэн байгуулагч, Үзүүрлэгч клубын санаачлагч, Мэргэшсэн архитектор Б.Уянгыг онцлон түүний зургаар бүтсэн “ГОВЬ КАРАВАНСЕРАЙ” жуулчны баазыг танилцуулж байна. Тэрээр ШУТИС-БАС-ын магистр зэрэгтэй, салбартаа 14 жил ажиллажээ.

Амины орон сууц 

Энэ удаагийн дугаартаа олон хүүхэдтэй гэр бүлд зориулсан дуплекс байшинг онцолж, уг байшингийн төлөвлөлт болон төсвийг танилцуулахаар бэлтгэлээ. Дуплекс загварын байшин нь энгийн байшинг бодвол орон зайг маш оновчтойгоор ашиглаж, багахан газарт ч барих боломжтой төдийгүй зардлын хувьд ч хэмнэлттэй гэдгээрээ давуу талтай. 

Дуплекс хаус, сууц гэхээр хүмүүс шууд хоёр давхар байшинг төсөөлчихдөг. Энэ буруу ойлголт юм. Гэхдээ хоёр давхар хаус, барилга төлөвлөж байгаа тохиолдолд унтлагын өрөөг ихэвчлэн хоёрдугаар давхарт төлөвлөдөг. Дуплекс хаус, сууц гэдэг нь тэрхүү унтлагын өрөөг нэг давхар барилга дотроо багтаан төлөвлөдгөөрөө маш онцлогтой.

Та чадна 

Иргэд улам бүр дасгал хөдөлгөөтэй байхыг эрхэмлэн аль болох спортоор хичээллэдэг болсон. Фитнесс, бассейн, иог гээд хүн бүрийн сонирхдог спортын төрөл нь  өөр байдаг. Харин удаад бид хүүхдэд зориулан спортын хана гэртээ хийх зааврыг хүргэж байна. Хүүхдүүддээ хэрхэн авирхыг зааж, энэхүү спортод дурлуулан, эрүүл чийрэг бие бялдартай, спортод хайртай болон өсөхөд хувь нэмэр болно гэдэгт итгэлтэй. 

СЭТГҮҮЛ ЗАХИАЛАХ

Онлайн унших: НОМЫН САН 

Утас: 9100-0233, 7711-3333-2