Бүтцээс илүү гадаргууг онцолсон суут бүтээл болох Гейдар Алиев төв

Бүтцээс илүү гадаргууг онцолсон суут бүтээл болох Гейдар Алиев төв

Барилгачин групп, Борлуулалтын менежер Б.Агиймаа


Хуучин ЗХУ-ын нэг хэсэг болох Каспийн тэнгисийн баруун эрэгт орших Азербайжаны нийслэл Баку хотод байрлах Их Британы алдарт архитектор Заха Хадид архитекторын “Гейдар Алиев”-ын Соёлын төв нь бүхэлдээ 101801м² эдэлбэр талбайг хамрах бөгөөд хэлбэр дүрсний хувьд хачирхалтай байдлаар төлөвлөгдсөн, бүтэцгүй мэт санагдах боловч түүний хэлбэр дүрс нь инженерчлэлийн нэг талын байдлыг өөрчлөн 2013 онд байгуулагдсан юм. Энэхүү барилга нь 2014 онд Лондонгийн дизайны музейн шагналыг хүртсэн.


Хоёр давхар сансрын таваг мэт хүрээ нь гаднах бүрхүүлийн дээд ба доод хэсэгт жигд муруйсан давхар хэсэгт зэрэгцээ байдлаар хийгдэж, баганагүй орон зайг бий болгохын тулд босоо бүтцийн элементүүдийг хөшигний ханын системд шингээсэн, бүтэц гэхээсээ илүү гадаргууг онцолсон энэхүү барилга бүхэлдээ онцгой нэгэн суут бүтээл болсон. 619,000 метр квадрат барилгын талбайтай бүхий энэхүү соёлын төв нь Заха Хадидын өвөрмөц содон барилгуудын нэг юм. 


Урсаж буй усны урсгал мэт тус барилга нь хязгааргүй, эцэс төгсгөлгүй гэсэн санааг илэрхийлдэг байна.


Энэхүү барилга нь өндөрлөг газар баригдсан бөгөөд төвөвлөсөн метроны шугамаар зочдыг дээш өргөгдсөн толгодын орой дээрх барилгаруу урт налуу цэцэрлэгт хүрээлэнгээр дамжуулан хүргэдэг хэсэгтэй байна. Төслийн хамгийн чухал боловч сорилттой элементүүдийн нэг нь барилгын гадаргуугийн  хэсэг байв.


Архитектор Заха Хадид, эрхэм FAIA нь түүний түнш Патрик Шумахер, төслийн архитектор Саффет Кая Бекироглу нартай хамтран тус төвийн хэлбэртэй зохицолдсон усан сан болон хүрхрээтэй холбож өгсөн хэд хэдэн ландшафттай хэсгийг бүрдүүлсэн.


Барилга доторх гурвалсан хэсэг бүхий төлөвлөлт нь төв хэсэгтээ нийлдэг бөгөөд энэ нь хэд хэдэн үйл ажиллагааг нэгэн зэрэг явуулах боломжтой. Эдгээр хэсгийн үйл ажиллагаанд номын сан, хурал хүлээн авалтын талбай, музейн хэсэг багтана. Харин үлдсэн хэсэг нь шаталсан ландшафт болон хувирна. 


1000 хүний суудалтай хурлын танхимын арын гэрэлтүүлэгтэй царс хавтангууд нь тод цагаан өнгөтэй тул интерьерийн хувьд дулаан байдлыг мэдрүүлдэг. Үндсэндээ энэхүү гайхалтай гоо үзэсгэлэн нь зөвхөн музей, номын сан, хурлын танхимыг холбосон олон нийтийн форум болох дотоод засал чимэглэлийн хөгжлийн нэгэн хэсэг болж байгаа юм. Энэхүү төлөвлөгөө нь Ром дахь Пиазза ди Спагна талбайг санагдуулам гурван хэмжээст гудамжны архитектурууд дээр төлөвлөгдсөн. 


Азербайжан улсын соёлын тэргүүний хатагтай Мехрибан Алиевагийн хүчтэй дэмжлэгтэйгээр барьсан уг барилга нь тухайн бүс нутгийн дурсгалт газар, шинээр чөлөөлөгдсөн улсын үндэсний соёлын бэлгэ тэмдэг байж магадгүй юм. Гэхдээ энэхүү барилга нь олон нийтийн зориулалттай юм.  

Тус төвд байрлах музей нь урлагийн бүтээлүүд, түүхэн дурсгалт зүйлс, архитектурын загварууд, видео бичлэгүүд, интерактив үзмэрүүдээр дамжуулан Азербайжаны түүх, үндэсний удирдагч Гейдар Алиевын өв уламжлал, хувийн амьдралыг харуулсан байнгын үзэсгэлэнгүүдийг үзүүлдэг.

 

Заха Хадидын барилгын загвар нь огт өөр, анхны, гэнэтийн шийдвэрээр дүүрэн байдаг 


Төвийн дотоод засал нь нарийн зүсэлттэй үргэлжилсэн гадаргуугаар бүрэгдсэн бөгөөд энэ нь барилгын хана таазыг налуу, нумарсан байдлаар илтгэгдэнэ. Эдгээр дүрсүүд нь JFK нисэх онгоцны буудлын TWA терминалын бүрхүүлийг санагдуулдаг. 

Барилгын доод давхарт тухайн төвийн бүх хэсэгт болж буй үйл ажиллагааг нэгтгэсэн олон нийтийн орон зайг бий болгох зорилготой жижиг танхим, талбайнууд байдаг. Тус барилгын шал нь тэгш хэмийн бус налуу байдаг бөгөөд хана, тааз нь урагш чиглэлтэй эргэлдсэн, нумарч мушгирсан дүрслэлтэйгээр бусад танхимуудтай холбогддог байна. 


Барилга нь үндсэндээ хоёр системээс бүрдэнэ: 

Орон зайн бүтцийн системтэй хосолсон бетон бүтээц. 


Зочдод интерьерийн уян хатан байдлыг мэдрүүлэхийн тулд том хэмжээтэй, чөлөөтэй орон зайг бий болгохоор босоо бүтцийн элементүүдийг хана, хөшигний ханын системд оруулж өгчээ. Харин гадаргуугийн геометрийн хэлбэр нь барилгын шалнаас баруун тийш урвуу байдлаар "нугасны сүүл" мэт нарийслалтай дахин давтагдашгүй өвөрмөц хэлбэрийг бий болгосон байна.  

Орон зайн хүрээний систем нь барилга байгууламжийг чөлөөт хэлбэрийн бүтэцтэй болгох боломжийг олгодог бөгөөд барилгын ажлын явцад цаг хугацаа хэмнэх зорилгоор бүтээгдсэн. 


Орон зайн бүтцийн сүлжээ ба чөлөөт давхаргын хоорондох уян хатан нийлэмжийг нэгтгэх зорилгоор дэд бүтцийг боловсруулсан. Эдгээр давхаргууд нь геометрийн цогцолбор, ашиглалт, төслийн гоо зүйг оновчтой болгох үйл явцаар бий болсон. 


Бетон эсвэл полиестерээр бэхжүүлсэн шилэн материалыг хамгийн тохиромжтой өнгөлгөөний материал болгон сонгосон бөгөөд тэдгээр нь барилгын дизайны хүчирхэг, уян хатан чанарыг хангахын зэрэгцээ олон төрлийн функциональ шаардлагад нийцдэг байна.




СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ