Өнөөдөр Шинэ үеийн барилгын салбар үүсэж хөгжсөний түүхт 96 жилийн ой, “Барилгачдын баяр” тохиож байна. Уг баярын хүрээнд Улс орны хөгжил дэвшил, бүтээн байгуулалтын эзэд болсон барилгын салбарын шилдэг аж ахуйн нэгжүүд, шилдэг барилгуудыг шалгаруулдаг уламжлалтай бөгөөд Барилгачдын талбайд барилгын салбарын "Шилдэг аж ахуй нэгж" болон "Шилдэг Барилга"-ыг тодруулах хүндэтгэлийн арга хэмжээ боллоо. 

2022 оны шилдгээр шалгарсан аж ахуйн нэгжүүдэд “Баганат өдөрлөг” бүхий цом, өргөмжлөл гардуулан, Барилгачдын талбайд тугийг нь мандуулан алдаршууллаа. Шагнал гардуулах ёслолын арга хэмжээнд БХБ-ын сайд Б.Мөнхбаатар, БХБ- ын Дэд сайд Э.Золбоо, БХБЯ-ны Төрийн нарийн бичгийн дарга С.Магнайсүрэн, Барилгын хөгжлийн төв ТӨҮГ-ын захирал Ц.Амарсанаа болон бусад албаны хүмүүс оролцож, барилгын салбарынханд мэндчилгээ дэвшүүллээ.

Шилдгээр шалгарсан аж ахуйн нэгж байгууллагууд:

Барилга угсралтын чиглэлээр

"НУТГИЙН БУЯН ГРУПП"

“СОЙЛ ТРЕЙД” ХХК

Инженерийн  шугам сүлжээний чиглэлээр

ОСНААУГ

Хөдөлмөрийн аюулгүй байдал, эрүүл ахуйн чиглэлээр

“МОНКОН КОНСТРАКШН”

Барилгын материалын үйлдвэрлэлийн чиглэлээр

“ЭВТ ЧУЛУУ” ХХК

“СТАР ВИНДОВ” ХХК

Барилга, байгууламжийн зураг төслийн чиглэлээр

“ЭМ ЭС ЭЛ” ХХК

“ӨЛЗИЙ  ИШ”ХХК

Өргөх байгууламж, түүний эд ангийн үйлдвэрлэл, угсралт, засвар, үйлчилгээний чиглэлээр

“МОНМАЧ” ХХК

Нийтийн аж ахуйн чиглэлээр

“СЭЛЭНГЭ ЦЭНГЭГ УС” ОНӨААТҮГ   тус тус шалгарлаа.