Барилга МН сэтгүүлийн №147 хэвлэгдэн гарлаа

Барилга МН сэтгүүлийн №147 хэвлэгдэн гарлаа

Энэ сарын дугаарын нүүр хуудсанд БЗД-ийн 8-р хороонд байрлалтай “Кайду” сити хотхон байршсан бөгөөд энэхүү төсөл нь эрүүл орчинд, нам тайван, дуу чимээгүй, аюулгүй орчныг бүрдүүлсэн орон сууц ба нийслэл хотынхоо зүүн зүгийн өнгө төрхийг тольдон харж, тав тухтай амьдрах хамгийн таатай орчныг бүрдүүлсэн. Тус дээд зэрэглэлийн орон сууц нь хамгийн орчин үеийн технологи, өвөрмөц шийдэл, модерн дизайныг хослуулсан таны мөрөөдлийн орон сууц болж чадна. “Кайду” сити хотхон нь бизнес ангиллын орчин үеийн шийдэл бүхий 23 давхар 8 блок, 966 айлын төсөл бөгөөд 4 төрлийн талбайн сонголттойгоор төлөвлөгдсөн байна. 


Энэ сарын дугаарт гарсан нийтлэлүүдээс онцлон танилцуулбал…

VIP ярилцлага: Энэ удаагийн ярилцлагын зочноор “Төрийн орон сууцны корпораци” ТӨХХК-ийн Гүйцэтгэх захирал Л.Батжаргалыг урилаа. Тэрбээр ШУТИС-ийн Эрчим хүч, автоматикийн инженер, Барилга угсралт, барилга бүтээцийн инженер гэх хос мэргэжилтэй бөгөөд 2016 оноос БХБЯ-ны Бодлого төлөвлөлтийн газрын дарга, Инженерийн дэд бүтцийн бодлогын хэрэгжилтийг зохицуулах газрын дарга, Барилга, барилгын материалын үйлдвэрлэлийн бодлогын газрын дарга, Сайдын зөвлөх зэрэг албан тушаалуудыг 2020 он хүртэл амжилттай хашжээ. Харин “Төрийн орон сууцны корпораци” ТӨХХК-ийн Гүйцэтгэх захирлын албан тушаалд 2020 оноос хойш томилогдон ажиллаж байгаа юм. 



Барилгын маркетинг: Барилгын материал, барилга угсралт, сантехник, цахилгаан, зураг төсөл гэх мэтийг барилгын төсөл хэрэгжүүлэгч худалдан авдаг болохоор хоёр бизнесийн хоорондох харилцаа буюу Business to Business (B2B) маркетингд илүүтэй хамааруулдаг.

B2B маркетинг өөрийн гэсэн онцлогтой ч маркетингийн үндсэн дараах зарчмуудыг маркетинг хийхдээ санаж байх хэрэгтэй. Барилгын маркетингийг хэрхэн амжилттай хийх алхамуудын талаар энэхүү нийтлэлээс уншиж танилцаарай. 



Хөндөх сэдэв: 1986 оны Карпатын газар хөдлөлтийн дараа явуулсан инженерийн судалгааны дүгнэлтэд “цутгамал барилгуудад эвдрэл үүссэн шалтгаан нь энэ төрлийн барилгын эзлэхүүн төлөвлөлтийн шийдэл, хийцлэлийн онцлог, арматурлал болон тооцооны  талаар зөвлөмж байхгүйгээс болсон байна, бүр нормд оруулж өгөх шаардлагатай” гэж дүгнэсэн байна. 


Монголд цутгамал барилгын талаар ийм зөвлөмж байхгүй, нормд ч тусаагүй байхад төлөвлөж эхэлсэн. Дээр заасан Баянзүрх дүүрэгт төлөвлөсөн орон сууцны хорооллын ижил үндэслэлгүй хийцийн шийдэл, тооцоогоор  зарим барилгууд баригдсан, одоо ч баригдаж байна. 


Энэ зөрчлөө арилгаж сургамж авахгүй бол Карпатын газар хөдлөлтөөр олон цутгамал барилгад эвдрэл үүссэн шалтгаан нь зураг төслийг техникийн тодорхой үндэслэл, зөвлөмжид тулгуурлан боловсруулаагүйгээс болсон гэх- гашуун сургамж манай улсад давтагдаж болзошгүй газар хөдлөлтөөр зарим цутгамал барилгуудад эвдрэл гэмтэл үүсэх бүр нурах аюулд ч хүрч болох юм. 


Амины орон сууц: Монгол улсад барилгын салбар эрчимтэй хөгжсөн цаг үе нь 96-н жилээр тоологдох болжээ. Энэ хугцаанд шинэ техник технологи инноваци асар хурдтай тухайн салбарт хэрэгжиж байгаа бөгөөд үүний салшгүй нэг хэсэг нь барилгын цахилгаан хангамжийн угсралт юм.


Цахилгаан бол маш их сэтгэл гаргаж хийх хариуцлагатай ажил энэ ажлын ард хэрэглэгч таны амь нас эд хөрөнгийн аюулгүй байдал тохь тухтай орчин ажил үйлчилгээ хэвийн явуулах гээд олон чухал асуудал байгааг анхаараарай.


Дуулгах сонин: Катарын үндэсний музей нь Катарын баялаг өв, соёлын талаар дэлхий нийтэд таниулж дуу хоолойгоо хүргэдэг нэгэн суут бүтээл юм. Энэхүү музей (NMoQ) нь баригдаж байх үеийн "дэлхийн хамгийн төвөгтэй барилга" гэж нэрлэгддэг, огтлолцсон давхар муруй дискүүдээс бүрдсэн гайхалтай бүтэцтэй барилга бөгөөд 2019 оны 3 дугаар сарын 28-нд олон нийтэд нээж, архитектурын шинэ бүтээлд хадгалагдсан хосгүй гайхалтай ололтыг түүхэнд мөнхөлжээ. Энэхүү барилгын хийцлэл, онцлогийн талаарх мэдээллийг хүргэхээр бэлтгэлээ. 


Интерьер: Хүүхдийн хүмүүжилд эцэг эх, асран хүмүүжүүлэгч нараас гадна чухал ач холбогдол үзүүлдэг зүйл бол тэдний сурч боловсрон өдрийн ихэнх цагийг өнгөрөөдөг газар болох цэцэрлэг юм. Энэхүү  орчин нь хүүхдийг уйдаадаггүй, сонирхолтой, бүтээлч, хүүхдэд шинэ зүйлсийг сургаж байх шаардлагатай. Тийм ч учраас цэцэрлэгийн интерьер нь багш нарын хичээлийн заах арга барилтай нийлээд бүтээлч байдлыг бий болгох, сурах хүсэл эрмэлзлийг төрүүлэхүйц байх ёстой юм. 




Хүүхдийн инээдээр цалгих энэхүү орчныг аль болох эерэг, сургамжтай, гэгээлэг байдлаар бий болгох нь цэцэрлэгийн үйл ажиллагаа эрхлэгчдийн хувьд багагүй сорилт болдог. Тиймээс энэ удаагийн “Интерьер” булангаараа “СаяСанаа” ХХК - ийн бүтээсэн цэцэрлэгийн интерьерийг танилцуулах гэж байна. 


СЭТГҮҮЛ ЗАХИАЛАХ

Онлайн унших НОМЫН САН 

Утас: 9100-0233, 7711-3333-2


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ