“Үл хөдлөх хөрөнгө зуучлагчдын нэгдсэн холбоо” ТББ-ын Удирдах зөвлөлийн дарга

“Үл хөдлөх хөрөнгө зуучлалын My Home үйлчилгээ”-ний Захирал Д.Доржсүрэн : 

Манай компанийн үндсэн зорилго бол хэрэглэгч, харилцагчдыг хүний хэрэгцээний хамгийн анхдагч чухал хэрэгцээ болох гэр орон, барилга, байшинтай болоход нь мэргэжлийн үйлчилгээ үзүүлэх явдал юм. Би энд мэргэжлийн гэдгийг тодотгон хэллээ. Манайх үл хөдлөх хөрөнгийн менежмент, хөрөнгө оруулалт, хөгжүүлэлт гэсэн чиглэлүүдээр үйл ажиллагаа явуулдаг.

Үл хөдлөх хөрөнгийн салбарын хөгжлийн тухай ярихад барилгын салбар болоод хөрөнгийн салбартай хамтатган ойлгох хэрэгтэй. Гэхдээ энд үл хөдлөх хөрөнгийн менежмент, зуучлал, худалдах, түрээслэх үйл ажиллагаа гээд нарийвчлан авч үзвэл манайд хөгжил гэхээр зүйл ерөөсөө харагдахгүй байна. Энэ нь угаасаа ямар ч туршлага, мэдлэг байхгүйтэй холбоотой. Тэгэхээр яг ямар түвшинд гэдэгт хариулт өгөх боломжгүй. Бид түвшин ярих хэмжээнд очоогүй байна.

Нээлттэй байлгүй яахав дэ. Гэхдээ би салбар гэдгийг өмнөх асуулттай уялдуулаад нарийвчлан авч үзсэн байдлаар хариуллаа. Сүүлийн хэдэн жилд хичнээн хэмжээний барилгууд ямархуу хэмжээнд баригдаж байгаа нь бидний нүдэнд ил байна. Шаардлага хангахгүй байгааг бүгд мэдэж байгаа. Одоо үүнийг засахад үл хөдлөх хөрөнгийн мэргэжилтнүүд үнэхээр их хэрэгтэй. Бидэнд маш их боломж байна.

Миний хувьд хэлэхэд мэргэжилтэн байхгүй, маш их дутагдаж байна гэж үздэг. Харин энэ салбарыг хөгжүүлэхийн төлөө мэргэшиж яваа хүмүүс цаашид ихээр бий болж байгаад баярладаг. Үл хөдлөх хөрөнгийн мэргэжилтэн болоход сургууль төгсөөд л болчихдог зүйл биш ээ. Энэ салбар өөрөө маш онцлог салбар. Олон талын өргөн, өндөр мэдлэгтэй байхыг шаарддагаас гадна туршлага хэрэгтэй. Үл хөдлөх хөрөнгийн бизнес нь өндөр үнийн дүнтэй яригддаг бизнес. Ийм хэмжээнд бизнес ярихад тэр хүн өөрөө тийм хэмжээний туршлага зайлшгүй байх шаардлагатай шүү дээ.

Манай компанийн хувьд бид удаан хугацааны хамтын ажиллагааны дүнд үндсэн ажилтнаа сонгож авдаг. Үндсэн ажилтнаар ажиллуулах тохиолдолд л шаардлагын тухай ярина уу гэхээс биш энэ салбарт ажиллах хүсэл сонирхолтой хэн байсан ч хамтран ажиллахад бэлэн. Үл хөдлөх хөрөнгийн бизнест хүч үзье, мэргэжилтэн болмоор байгаа хүмүүст манай үүд хаалга үргэлж нээлттэй. Та өөрийн ажилтай байсан ч хамаагүй энэ салбарт сонирхолтой байхад нэмэлт орлого олох боломж байгаа. Хамтдаа энэ салбарыг хөгжүүлцгээе. Ер нь үл хөдлөх хөрөнгийн мэргэжилтэн нь заавал аль нэг компанид үндсэн ажилтнаар байх шаардлага байдаггүй

Бид үйлчлүүлэгчийг болзошгүй маш олон эрсдлээс хамгаалж байгаа юм. Аль болох мэргэжлийн байгууллага, мэргэжлийн хүний үгийг, зөвлөгөөг сонсож авч байгаарай гэж хэлмээр байна. Үл хөдлөх хөрөнгө худалдан авахдаа сонголт хийнэ гэдэг өөрөө маш хариуцлагатай сонголт. Эргээд барилга барих гэж байгаа болон худалдах гэж байгаа хүмүүст ч гэсэн энэ хамаатай.

Давуу тал гэдэг дээр би мэргэжлийн гэдгийг хэлнэ. Мөн дээр нь бид зөвхөн зорилтот зах зээл дээр ажилладаг. Тодорхой сегмент дээр гэсэн үг. Манай байгууллагын хөнгөлөлт, урамшуулал гэдэг нь өөрөө таны сэтгэл ханамж юм гэдгийг би баталгаатай хэлж байна. Дээр нь нэмээд та яг юу хүсэж байгаагаа бидэнд хэлээрэй гэх байна.