Улсын их хурал, засгийн газраас 100 мянган айлын орон сууц хөтөлбөр хэрэгжүүлэх ажилдаа ханцуй шамлан орсон. Ажлын хэсгийнхэний хэлж байгаагаар санхүүжилтэн дээрээ тулж ирээд байна. Гэхдээ 100 мянган айлын орон сууцийг барьж байгуулахад ойролцоогоор хэдий хэр хөрөнгө зарахыг нь нарийн тооцоолон гаргаагүй байгаа юм. Хөрөнгө босгохын тулд эдийн засгийн эргэлтэнд оруулж эхлээд байгаа томоохон уул уурхайгаас гэж төлөвлөсөн. Тухайлбал гадны томоохон компаниудын монголд оруулах хөрөнгийг урьдчилсан байдлаар авч, орон сууц босгох ажлыг эхлүүлэх гарч байгаа гэдгийг хэлж байгаа юм. 100 мянган айлын орон сууц хөтөлбөрийг 2016 онд дуусгавар болно гэж үзэж байгаа. Мэдээж хэрэг иргэдэд олгохдоо үнэгүй төлбөргүй тараана гэж байхгүй. Моргежийн зээл яригдана гэсэн үг. Иргэдийг айлгаж хөдөлгөх газаргүй болгодог айхтар зүйл бол зээлийн өндөр хүү. Мөн урьдчилгаа төлбөр. Харин энэ асуудлуудыг шийдэх гарц байгаа гэдгийг 100 мянган айл хөтөлбөрийн ажлын хэсгийнхэн үзэж байгаа юм. Олон улсын туршлагаас харахад орон сууцны зээлийн хүү 6 хувиас илүүгүй байдаг. Манай улс ч энэ нөхцөлийг хангаж ажиллах ёстой гэдэг байр суурьтай байгаа юм. Харин үүнд хүргэхийн тулд монгол банк, сангийн яам зэрэг холбогдох байгууллагууд санаачилга гарган ажиллах хэрэгтэй гэдгийг ажлын хэсгийнхэн хэлж байна. Тэгвэл урьдчилгаа төлбөр төлж чадахгүй олон иргэд бий. Гэхдээ толгой өвтгөх зүйлгүйгээр шийдэж бас болно. Өнөөдөр уул уурхайгаас орж ирсэн мөнгийг эх орны хишиг болгон бэлнээр тарааж байгаа. Энэ тогтолцоог багахан өөрчлөөд хүний хөгжил  сангаар дамжуулан тухайн иргэний урьдчилгаа төлбөрийг аваад, эх орны хишиг хувийг шууд урьдчилгааны төлбөрт суутгах байдлаар гээд хэд хэдэн болом байгаа юм. Энэ талаар зам тээвэр барилга хот байгуулалтын яам судалгаа ч явуулж үзсэн байна.100 мянган айлын хөтөлбөр гэр хорооллын айлуудад түлхүү чиглэгдэж байгаа юм. Газрыг нь зах зээлийн үнээр үнэлж 1, 2 өрөө байраар солих, мөн бэлэн мөнгөөр худалдан авах зэргээр зохицуулалт хийхээр төлөвлөжээ. 100 мянган айлын орон сууц барих боломжгүй гэдгийг сангийн яам мэдэгдэж байсан удаатай. Тэгвэл монгол банк арай өөр байр суурьтай байгаа. Тухайлбал гадна дотноос ирж байгаа мөнгийг бэлнээр тараагаад байх биш хөрөнгийн зах зээлийг хөтөлж бонд хэлбэрийг сонгох. Түүгээрээ дамжуулаад зээлийн хүүг бууруулах гээд иргэдэд аль болох эрсдэл хийгээд боломжтой хэлбэрийг харж байгаагаа хэлж байгаа юм. Өнөөдөр ажлын хэсэг хуралдаад ирэх 1 дэхь өдөр гэхэд санхүүгийн бүрэн схемийг гаргахаар болж байна. Цаг алдахгүй ажлаа эхлүүлэх шаардлагатай.