Монголын хамгийн өндөр барилга ''BLUE SKY'' цамхаг удахгvй ашиглалтанд орно

Монголын хамгийн өндөр барилга ''BLUE SKY'' цамхаг удахгvй ашиглалтанд орно

Одоогоор Монгол Улсад барьж байгуулсан хамгийн өндөр барилга болох “Blue Sky” цамхаг нь Улаанбаатар хотын төв хэсэг, Сүхбаатарын талбайн чанх урд байрладаг бєгєєд 105 метр өндөр уг барилгыг харсан гадна дотны хэн ч болов Монгол Улсын хєгжил дэвшлийг илэрхийлэгч энэхүү барилгаар бахархах сэтгэл тєрєх биз ээ. Монгол улсын нүүр царай болж чадахуйц их бүтээн байгуулалтыг хийхээр зорьсон Чоно Корпорацийн захиалгын дагуу уг цогцолборын зураг, төслийг БНСУ-ын архитектурын A Групп компани гаргасан ба 2006 оны 7-р сараас эхлэн барилгын ажил нь эхэлсэн энэхүү цамхаг нь өвөрмөц дизайн, технологийн шинэ дэвшил, барилгын чанар зэргээрээ барилгын салбарт нэгэн шинэ хуудсыг нээсэн билээ.

“Blue Sky” цамхаг нь АНУ-ын “Council on High Buildings and Urban Habitat” хүрээлэнгийн 2010 оны 9-р сард гаргасан “Дэлхийн Улс Орнуудын Хамгийн Єндєр Барилгууд”-ын жагсаалтанд Монгол Улсаа төлөөлөн орсон нь энэхүү барилга аль хэдийн олон улсын тавцанд улс орны нүүр царайг илэрхийлж эхэлснийг харуулж байгаа юм.

Дарвуулт усан онгоцны хэлбэр бүхий Монгол орны мєнх хєх тэнгэрийг билэгдэн бүтээсэн “Blue Sky” цамхаг нь нийт 25 давхраас бүрдэх бєгєєд энд Монголын хамгийн анхны олон улсын үйлчилгээний стандартыг хангасан 5 одтой зочид буудал, пентхаус орон сууц, сүүлийн үеийн тоног төхөөхөмжөөр бүрэн тоноглогдсон А зэрэглэлийн оффисоос гадна хурал, хүлээн авалтын танхимууд, 20 метр урт усан сан, саун, жакузи бүхий фитнес тєв, дэлхийн алдарт брэндүүдийн бүтээгдэхүүн бүхий бутик дэлгүүрүүд, Ази, Европын орнуудын єнгє тєрхийг илэрхийлсэн чадварлаг тогооч бүхий тансаг зэрэглэлийн ресторанууд зэрэг байрлах юм байна.
Одоогийн байдлаар барилгын гадна фасадны болон сантехник, цахилгааны ажил нь бүрэн хийгдэж дуусан, тоног төхөөрөмжүүд нь суурилдагдаад байгаа бөгөөд 2010 оны эцсээр оффис, орон сууц, хамгийн өндөрт байрлах “Blue Sky Lounge” зэрэг нь ашиглалтанд орсноор цамхагийн үйл ажиллагаа эхэлж хамгийн анхны үйлчлүүлэгчдээ хүлээн авахад бэлэн болох ажээ.

Монгол Улсын хамгийн өндөр, хамгийн анхны өвөрмөц дизайнаар баригдсан, Улаанбаатар хотын хамгийн анхны олон улсын 5 одтой зочид буудал бүхий, олон улсын жишигт хүрсэн үйчилгээний хамгийн өндөр чанарыг нэвтрүүлж буй зэргээрээ онцлог “Blue Sky” цамхагийн үйл ажиллагаа эхэлснээр шинээр 400 гаруй ажлын байр бий болох ба уул уурхайн салбарын эрчимтэй хөгжлийг даган Монгол Улсыг зорих гадны хөрөнгө оруулагчид, тэдгээртэй хамтран ажиллагсдын шаардлагад нийцэхүйц үйлчилгээ бүхий цогцолборын  үйл ажиллагаа тун удахгүй эхлэх гэж байна.

Холбоотой мэдээ