Мушгирсан байдлаараа өвөрмөц дүр төрхийг бий болгосон Mеркури Тауэр

Мушгирсан байдлаараа өвөрмөц дүр төрхийг бий болгосон Mеркури Тауэр

Уламжлалт архитектурын эргэлт

Mеркури Тауэр нь 31 давхар хүртэл гайхалтай өндөрт бүтээгдсэн барилга юм. Энэ нь Заха Хадид архитекторын 2016 онд гэнэтийн явдлын улмаас нас барахаас өмнөх хамгийн сүүлийн загваруудын нэг бөгөөд барилгын дундуур урсгал мэт гайхалтай мушгиралт нь жинхэнэ архитектурын суут бүтээл гэж хэлж болох юм. Энэхүү гайхалтай тансаг зэрэглэлийн 5 одтой барилга нь шинэлэг загвар бүхий дахин давтагдашгүй хийцлэлтэйгээрээ онцлогтой. Меркури Тауэрын гадна тохижилтын ажил явагдаж, төслийн 2-р шатны барилгын ажил үргэлжилж байгаа бөгөөд Мальта улсын Сент Жулианс хот дахь 125 метрийн өндөрт байрлах GFRC фасад, шилэн хашлага суурилуулах ажил ахисан шатандаа явж байна. Барилгын дотор өрөөний хуваалт 70м2-150м2 хүртэлх хэмжээтэй. Тус барилгын 2 үе шатыг 2022 оны 9 дүгээр сард барьж дуусгах төлөвлөгөөтэй ажиллаж байгаа аж.

Байгалийн гэрлээр дотор талдаа бүхэлдээ гэрэлтэх орчин үеийн дизайн

Төсөл нь хоёр үе шатыг багтаасан бөгөөд нэгдүгээр үе шат нь 68,140м² талбайтай, 31 давхар ба хамгийн онцлох шинж чанар нь 9-11 давхрын хоорондох мушгирсан байдлаараа өвөрмөц дүр төрхийг бий болгоно. Энэхүү барилгын зориулалт нь хосолсон байдлаар ашиглагдах бөгөөд барилгын доод хэсэгт 275 айлын орон сууц, дээд хэсэгт дан зочид буудлын өрөөнүүдээр зохион байгуулагдсан. 

Хоёрдугаар үе шат нь 65,000м² талбайтай, 22 давхар олон зориулалтаар ашиглагдах барилга юм. Энэхүү барилга нь үргэлжилсэн өргөн цар хүрээтэй бөгөөд өвөрмөц онцлог бүхий эко ногоон амралт зугаалгын орон зайг бий болгосон. Меркури тауэрын зүүн талын өндөрлөг хэсэг нь зам дагуух гол анхаарал татахуйц фасадтай.

Мөн газар доошоо зургаан давхар хийгдэж байгаа бөгөөд барилгын гаднах нийтийн задгай талбай нь 4259мкв бол зүлэгжүүлсэн ногоон байгууламж нь 1750мкв байх ажээ. 


Энэхүү төслийг хэрэгжүүлэгч нь Мальта дахь томоохон хөрөнгө оруулагч бөгөөд үл хөдлөх хөрөнгийн салбарын нөлөө бүхий хүмүүс юм. Энэ бол тэдний өнөөг хүртэл хэрэгжүүлж буй хамгийн нэр хүндтэй төсөл бөгөөд Сент Жулиан дахь орон сууцны барилга байгууламжийн чанар, техникийн үзүүлэлтийг дээшлүүлэх боломжтой аж.

Меркури Тауэр төсөл бол Ж.Портеллигийн өнөөг хүртэл хийсэн хамгийн амбицтай ажил юм. Ж.Портелли олон улсад нэр хүндтэй Заха Хадид Архитекторын компанид хосгүй өндөр цамхгийн зураг төслийг захиалан хийлгэжээ. Энэхүү төсөл нь насан туршийн архитектурын ололт амжилтын алтан өв юм.

Эхний барилгын хэлбэрийн хувьд гайхалтай босоо шугам, өвөрмөц мушгиралт нь энэ арал дээрх бүх барилга, орон сууцнаас ялгарах нь дамжиггүй юм. Өнгөлгөөний материалын сонголт нь бусад олон тооны шохойн чулуун фасадаас ялгарах бөгөөд хоёрдугаар үе шатанд зарим нэг ялгаатай нь ногоон байгууламж, гайхалтай, зохион байгуулагдсан задгай талбайг бий болгох юм байна. 

Барилгын дизайн нь тухайн газрын газар хөдлөлтөд өртөмтгий байдал, түүнчлэн салхи, далайн нөлөөг харгалзан үздэг. Үүнээс шалтгаалан дизайныг боловсронгуй болгохын тулд CFD /Зөрчлийн гэрээ/-ээр нарийвчилсан шинжилгээ, салхин хонгилын туршилтын үр дүн, дүгнэлтэд хэрэглэгчдийн тав тухыг хамгийн өндөр түвшинд байлгах үр ашигтай бүтцийн шийдэлд хүрсэн.

Нэмж дурдахад 2-р шатны барилга нь хүйтэн дайны үеийн хадгалагдсан хонгилуудын дээгүүр хэсэгчлэн баригдсан тул суурь шийдлийг бүтцийн хувьд өөрчлөх эсвэл шинээр хийцлэхэд хүндрэлтэй юм. Жагсаалтад орсон барилга байгууламжид ачааллын хувьд сөрөг нөхцөл байдал үүсгэхгүйн тулд бүх талын шийдлийг хийсэн. 

Барилгын материалын сонголтыг захиалагч болон барилгын ажлын багтай сайтар ярилцсаны дараа хийх шаардлагатай байдаг учир тэр тал дээр маш их анхаарч ажиллажээ. Барилгын ажил дээр ур чадвар болон ажиллах хүчний нөөцийг хамгийн сайн ашиглаж чадсан бөгөөд /In situ/ бетон цутгалтын технологийг сонгосон нь маш том давуу тал болсон байна. Төсөлд хамгийн сайн тохирсон систем, түүхий эд материалын зохих сонголтыг мөн хийсэн. Гүйцэтгэгч багт шилдэг менежерүүдийн хамт гадаадад өндөр барилга барих туршлагатай барилгын мэргэжилтэн, инженерүүдийг багтаахаар зохион байгуулагдсан. Лондон болон Ойрх Дорнодоос сурсан шилдэг туршлагад суурилжээ.

Зургаан давхар барилгын доорх зоорин хэсэг барихад бэрхшээлтэй байсан нь мэдээж хэрэг. Гэхдээ шохойн чулуулаг ашигласан нь давуу тал болжээ. Ухалтын явцад хэсэг газар хагарал гарч байсан тул уг материалыг ашигласан туршлагатай геотехникийн инженерийн удирдлаган дор суурилан амжилттай хийгдсэн байна.

Зоорийн төвшний тоог тухайн орон нутгийн гүний ус буюу “далайн” төвшнөөс хамааруулан тодорхойлсон. Шохойн чулууны маш сайн даац нь далайн усны түрэмгий нөхцөлийг харгалзан бүх зүйлийг сайтар тодорхойлон бүтээгдсэн юм.

Тус бүс нутаг дахь хур тунадас тооцоолох аргагүй байгаа тул бүх бүтээн байгуулалтууд нь их хэмжээний борооны усыг хадгалах үүрэгтэй бөгөөд газар доорх хэсэг нь В7 төвшинд хангалттай хийгдсэн. 

Хэдийгээр барилга тэр чигтээ бетон боловч шаардлагатай хэсгүүдэд ган карказ суулгаж өгсөн. Хамгийн даацтай ган элементүүд нь зарим хэсэгтээ 3 давхарга бүтэцтэй, 3 талт хэмжээс бүхий хэлбэртэй байна. Энэхүү ган карказын загварыг бетон хундаамын нь онцлогт тааруулж нарийвчлалтай бүтээсэн ба жижиг ажлуудыг хөнгөвчлөхийн тулд урьдах барилгын гол бүтцийг ашигласан байна. 

Тиймээс зарим багана, шалны хэмжээст 6-7 метрийн тохируулга хийх мөн газрын төвшнөөс 50-60м доош байх нь чухал юм.



Инженерийн үндсэн шийдлүүд

  • Хэд хэдэн хязгаарлагдмал нөхцөлүүдээр 6 давхар газар доорх зоорин хэсэг барих
  • Меркури барилгын бүтэц нарийн төлөвлөлт хийгдэх бөгөөд байшингийн дотоод хэсэгт нөлөөлөхөөс зайлсхийж 20м-ийн зайтай бетонон хүрээ хийгдэх
  • Тауэрын эргэн тойронд зай талбайг өргөтгөхийн тулд баганын хэмжээг багасгахыг зөвшөөрөх
  • 9-11-р төвшний хооронд, зориулалтын усан сан дээгүүр шилжүүлэх бүтэцтэй мушгирсан талбай нь Мальтыг саадгүй үзэх боломжийг олгодог.
  • Өргөн цар хүрээ бүхий саравч, амрах талбайг төлөвлөх
  • 22 давхар цамхгийн ачааллыг даах, хонгилуудын эргэн тойронд шилжүүлгийн нарийн төвөгтэй бүтцийг бий болгох,
  • Урт дамнуулсан орон зайд баганагүй бүтэц нь барилгын харагдцад саад учруулахгүй. 

Энэхүү тауэрын бүтэц нь голд байрлах бетон карказ бүхий 2 бетон цөмөөс бүрдэнэ. 

Зурагт харж байгаачлан: 

Бүтцийн хувьд 

1.Авирах хаалт 

2. Гол тавцан

3. Цутгамал тавцан 

4. Эрмэг хаах тавцан

5. Ил боловсруулалтын систем

6.Түлхэх-татах тулгуур 

7. Босоо тэнхлэг

8. Анкер

9.Хэвний ажил 


Хэвний ажил нь барилгын салбарын зайлшгүй бүрэлдэхүүн хэсэг бөгөөд бетон цутгаж хэлбэр гаргаж өгнө.   

Автомат хэв       


Энэхүү автомат хэвийг ашиглан давхар бүрийн бетон цутгалтыг, зөрүүгүй тэгш хэмд хийн дээд давхар хүртэл ашиглана. 

Барилгын эргэн тойрон дахь багана нь дунд тэнхлэгт багана, булангийн тэнхлэгт, хөндлөн баганаас бүрдэнэ. 

  • T-боолт
  • Дам нуруу холболт 
  • Бэхэлгээ холболт 


Энэ бүтцэд багана дам нуруу, хаалт гэх мэт ган элемент нь мүфьтийн /бат бөх байдлыг хангах/ холболтоор хоорондоо холбогддог.    

Архитектурын шийдлээр дунд хоёр бетон багана нь тэнхлэгийн хүчээр бусад хүрээлэн буй багануудыг түшиглэн байрлана. Энэхүү байгууламжийг барихын тулд хайч шиг хэлбэртэй бетонон ханаар 2 тауэрын холболтуудыг хийж өгсөн. Энэ нь барилгын ажлыг нурах, бүтэлгүйтэхээс сэргийлдэг юм. 

Краны бэхэлгээ 


Кран өргөх ашиглалтын стандартын дагуу ажил хийгдэж аливаа нэгэн осол, гэмтэл гаргахгүй үүднээс хамгаалалт ашиглан барилгын ажил явагдана. 

  • Анкерын боолт 
  • Тогтоосон шугамаас 6 инч доогуур байрлана

Суурилуулалт 

  1. Хуурай бетонд цооног өрөмдөх
  2. Анкерын боолт оруулах 
  3. Суурин байрлуулах 
  4. Чангалагч боолт , чичиргээний дор сулрахаас сэргийлэхэд ашиглагддаг
  5. Толгойг нь чангалах

Багананы дээд хэсэгт холбон өгч буй боолтууд нь ган холболтуудыг баганатай холбоход ашиглагддаг. 

Анкерын боолт нь үндсэн материалд баганыг бэхлэх үүрэгтэй бөгөөд Меркурий Тауэрын барилгын ажил дээр (25.400) 1.000, Ил гарсан боолтын хэмжээ 1,75 инчтэйгээр ашиглагдсан. 


Меркури Тауэрын барилгын гол онцлог бүхий голын мушгиралтыг нарийн төлөвлөлтийн дагуу бүтээц тал дээр анхаарч ажиллаж байна. 

Оршин суугчдад зориулсан үйлчилгээ, тохижилт – 5 одтой орон сууцны орчин

Гадна талбай харагдах байдал

Mеркури Тауэр дахь оршин суугчдад бүх талын стандартын дагуу бусад орон сууцаас маш олон талаараа онцлог давуу талуудтай байх тохилог, тохь тухтай орчинг бий болгож өгсөн. Үүнд тусгай зориулалтын 24 цагийн үйлчилгээ, хамгаалалтын систем, цэвэрлэгээ, засвар үйлчилгээ, усан бассейнд нэвтрэх эрх, цэцэрлэгийн дээвэр дээр нам гүмд амрах талбай, жилийн туршид болж буй үйл явдлуудыг цаг тухайд нь авах боломжтой арга хэмжээний хуанли зэргийг оршин суугчдад олгох болно. 

Барилга дотор 29 цахилгаан шат байгаа бөгөөд хамгийн дээд тал нь 7м/с хурдтай өндөр хурдны лифт юм. Нийт 29 цахилгаан шатны 20 нь зорчигчийнх, 9 нь үйлчилгээний зориулалттайгаар ашиглагддаг. Зорчигчийн 10 цахилгаан шат нь хосолсон системээр ажиллана.


Мөн автомашины зогсоолоос эхлээд өрөөний үйлчилгээ, хүүхэд асрах үйлчилгээ, амралтын рашаан сувилал, орчин үеийн фитнесс төв, хурал цуглаан хийх танхим, таны өдөр тутмын амьдралыг тав тухтай, аз жаргалтай болгон хөнгөвчлөх нэмэлт сонголтууд байдаг. 

Оршин суугчид талбайгаар зугаалж, рашаан сувиллын өрөөнд амарч, цэнгээний газарт коктейль ууж байгаа эсэхээс үл хамааран энэ нь үргэлж гэртээ байгаа юм шиг сэтгэгдэл төрүүлдэг. Уг байгууллагын бүтээн байгуулалтын явцад эрчим хүчний хэрэгцээ, халуун ус, дулааны хуваарилалтыг зохицуулдаг ухаалаг эрчим хүчний эргэлтийн системтэй.

Энэхүү төсөл нь хотын нэг хэсэг болж, далайн эргийн ландшафт болон хүрээлэн буй орчныг сайжруулах замаар хоттой нэгтгэх зорилготой юм.

 

“Барилгачин групп”

Борлуулалтын менежер Б. Агиймаа

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ