Сүхбаатар аймгийн ГХБХБ-ын салбарын зөвлөгөөн "Цахим шилжилт-2022" сэдвийн хүрээнд боллоо
Сүхбаатар аймгийн Газрын Харилцаа, Барилга Хот Байгуулалтын салбарын зөвлөгөөн "Цахим шилжилт-2022" сэдвийн хүрээнд /2022.05.24/ зохион байгуулагдлаа. Зөвлөгөөнөөр барилгын салбарын цахимжуулалт, барилгын нэгдсэн бүртгэл мэдээллийн системийн хөгжүүлэлт, газрын удирдлагын цахим системийн хэрэглээ, хамтын оролцоог хангасан байгаль орчинд ээлтэй газар зохион байгуулалт, хөгжлийн ерөнхий төлөвлөгөөг боловсруулах, хот байгуулалтад анхаарах асуудлууд, газар хамгаалах, нөхөн сэргээх, бэлчээрийг зохистой ашиглах, барилгын материалын чанар, хүртээмж, улсын болон орон нутгийн хөрөнгө оруулалтаар баригдаж буй барилга байгууламжийн чанар, стандарт зэрэг сэдвийн хүрээнд онол, практик, эрх зүйн зохицуулалтын талаар илтгэл хэлэлцүүлгүүд өрнөж, санал солилцсон юм. Мөн Барилгын хөгжлийн төвийн үйл ажиллагаа болон улсын төсвийн болон Азийн хөгжлийн банкны санхүүжилтээр хэрэгжиж буй төсөл арга хэмжээний захиалагчийн техник хяналтын тухай танилцуулгыг хүргэлээ.
Зөвлөгөөнд Барилга, хот байгуулалтын яамны Барилга, барилгын материалын үйлдвэрлэлийн бодлогын хэрэгжилтийг зохицуулах газрын дарга Д.Гантулга, Газар зохион байгуулалт, геодези зураг зүйн газрын дарга А.Энхманлай, Барилгын хөгжлийн төвийн Захиргаа удирдлагын хэлтсийн дарга Г.Түвшинжаргал, Норм, нормативын хэлтсийн дарга Д.Алтанхуяг, ББЗХХ-н хяналтын инженер М.Төртүвшин, Г.Батбаяр болон аймгийн ЗДТГ, Онцгой байдлын газар, Мэргэжлийн хяналтын ерөнхий газар “Цонх, хаалга үйлдвэрлэгчдийн холбоо”, Сүхбаатар аймгийн барилгачдын холбоо, нутгийн төрийн байгууллагын төлөөллүүд оролцлоо.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.