Энэ жил 15 нас хүрч буй “BARILGA EXPO 2022” үзэсгэлэн, яармаг Барилгын материал, техник технологи /04.29-5.01/ болон Шинэ орон сууц, хаус дизайны /05.06-08/ чиглэлээр “Мишээл экспо” төвд амжилттай зохион байгуулагдаж, уламжлал ёсоор шидгүүдээ шалгаруулан, хүндэтгэлийн арга хэмжээ “Сөүл” ресторанд болж өндөрлөлөө. 

Хүндэтгэлийн арга хэмжээг нээж “BARILGA EXPO - 2022” үзэсгэлэнгийн  байгуулах хорооны дарга Г. Батсүх, Барилгын хөгжлийн төвийн тэргүүн дэд захирал О.Одбаяр, Барилгын хөгжийн төвийн дэд дарга Д. Ибрай, Хот байгуулалт, хөгжлийн газрын Барилга, хот байгуулалтын хэлтсийн дарга Д. Хан- Уул нар үг хэлж, шагналыг гардуулсан юм. 

BARILGA EXPO -2022 үзэсгэлэн яармагийн ерөнхий зохион байгуулагчаар Барилга МН, хамтран зохион байгуулагчаар Барилга, Хот Байгуулалтын Яам, Барилгын хөгжлийн төв, Нийслэлийн хот байгуулалт хөгжлийн газар, Ерөнхий ивээн тэтгэгчээр  "NCD GROUP" , "БАРИЛГАЧИН ХУДАЛДААНЫ ТӨВ", ивээн тэтгэгчээр "МОНКОН КОНСТРАКШН" ХХК МАНДАЛА ГАРДЕН ХОТХОН болон “ХАН ТӨГӨЛ Пропертизын” GREEN GARDEN хотхон ажиллаж байна.   

Энэ удаагийн үзэсгэлэн, яармагт барилгын төсөл хэрэгжүүлэгчид, барилгын материал үйлдвэрлэгчид, ханган нийлүүлэгчид, барилгын салбарын шилдэг аж ахуй нэгж, шинэ технологи нэвтрүүлэгчид зэрэг 250 орчим аж ахуй нэгж оролцож байгаагаас 7 ААН шилдгээр шалгараад байна. 

Шилдэг дэвшилтэт технологи нэвтрүүлэгчээр МОНЦЕМЕНТ БИЛДИНГ МАТЕРИАЛС ХХК

Үндэсний үйлдвэрлэгч “Монцемент Билдинг Материалс” ХХК нь 2015 онд орчин үеийн дэвшилтэт, байгаль орчинд ээлтэй эко технологиудыг нэвтрүүлэн жилд 1 сая тонн цемент, цементийн клинкер боловсруулах хүчин чадал бүхий хуурай аргын цогц үйлдвэрийг барьж ашиглалтад оруулан үйл ажиллагаагаа тасралтгүй сайжруулан ажиллаж байна. Түүнчлэн үйлдвэрийн нэг хэсэг болох цагт 120 тонн цемент үйлдвэрлэх хүчин чадал бүхий клинкер боловсруулах үйлдвэрийг Сонгино хайрхан дүүргийн нутаг дэвсгэрт барьж байгуулсан нь аж үйлдвэрийг цогцолбороор нь хөгжүүлэх үлгэр жишээ загвар болоод байна. 

Тэд хаягдал дулааныг дахин боловсруулж, цахилгаан эрчим хүч үйлдвэрлэх WHR систем нэвтрүүлсэн, Үйлдвэрийн эргэлтийн усны 90 хувийг боловсруулан дахин ашиглах эко системтэй, 2021 оноос moncement sales аппликейшныг анх удаа нэвтрүүлээд байгаа бөгөөд 1000 гаруй мэргэжлийн боловсон хүчин, инженер техникийн ажилчдыг ажлын байраар хангаж байгаа шилдэг үйлдвэрлэгч юм.  

Шилдэг дэвшилтэт технологи нэвтрүүлэгчээр ТЕРМИГАС ИМПИАНТИ ТЕХНОЛОГИ ХХК

ТЕРМИГАС ИМПИАНТИ ТЕХНОЛОГИ ХХК нь Монголын зах зээлд 2010 оноос нэвтэрч  эхэлсэн ба  барилгын салбарт олон төслийг хэрэгжүүлж үйл ажиллагааны цар хүрээгээ тэлсээр байна. Тус компани нь барилгын салбарт цахилгаан, механик сантехникийн систем суурилуулалтын уламжлалт ба шинэлэг үйл ажиллагааны туршлагатай тэргүүлэгч компани бөгөөд байгаль орчинд ээлтэй, эрчим хүчний хэмнэлттэй чанарын өндөр үзүүлэлттэй, европын стандартыг хангасан бараа бүтээгдэхүүнүүдийг Монгол улсын барилгын салбарт нийлүүлдэг билээ. Тэдний эрхэм зорилго бол Монголынхоо хэрэглэгчдэд чанартай материал нийлүүлэх юм. 

Шилдэг шинэ орон сууцаар МОНКОН КОНСТРАКШН ХХК МАНДАЛА ГАРДЕН ХОТХОН

Мандала гарден хотхон нь Улаанбаатар хотын шинэ суурьшил, төлөвлөлтийн “А” зэрэглэлийн бүсэд ХУД-ийн 4-р хороо, Арцатын аманд 10 га газарт байрлалтай, гурван ээлж бүхий 2700 айлын 16 давхар 14 блок барилгаас бүрдэнэ.  Хүний өдөр тутмын хэрэгцээг хангах худалдаа үйлчилгээний төв, сургууль цэцэрлэг нь хотхон дотроо төлөвлөгдсөн. Цогц төлөвлөлтийн хүрээнд стандарт сайн зэрэглэлийн хотхонд цогцлох ёстой бүхий л шаардлагыг хангасан анхны хотхон юм. Инженерийн дэд бүтцийг байгуулахдаа газар доорх шугам сүлжээ рүү чөлөөтэй нэвтрэх нүхэн гарцыг байгуулж байгаа бөгөөд оршин суугчдад зориулсан нийтийн тээврийн үйлчилгээг анх удаа нэвтрүүлэхээр төлөвлөжээ.

Шилдэг ханган нийлүүлэгчээр ДЕЛЬТА ЭЛЕВАТОР ХХК

DELTA LIFT компани нь ЕВРОП стандартын Дэлхийд хүлээн зөвшөөрөгдсөн 36 жилийн түүхтэй KLEEMANN группийн цахилгаан шат, урсдаг шат болон бусад бүтээгдэхүүнийг Грек, Хятад улс дахь үндсэн үйлдвэрүүдээс бүтээгдэхүүнийг шууд нийлүүлэлт хийж, угсралт, засвар үйлчилгээ, сэлбэг хэрэгслийг ханган нийлүүлж ажилладаг. Грек, Хятад, Монгол инженерүүд хамтран угсралт, засвар үйлчилгээ, сургалт, ажлын зураг төслийг боловсруулах, үүнтэй холбоотой ажлуудад техникийн зөвлөх үйлчилгээг үзүүлдэг билээ. Монголын зах зээлд байгаль орчинд ээлтэй цахилгаан шат санал болгож байгаа нь цахилгаан шатны зах зээлд нэгэн хөгжил дэвшлийг авчирч байна гэж хэлж болох юм. 

Шилдэг үйлдвэрлэгчээр МОНГОЛЫН АЛТ /МАК/ ХХК

Монголын Алт МАК ХХК нь барилгын материалын үйлдвэрлэл чиглэлээр МАК Евроцемент, МАК Евроблок, МАК Евровиндоор бүтээгдэхүүнүүдийг үйлдвэрлэн хэрэглэгчдэд нийлүүлж байгаа билээ. МАК Евроцементийн үйлдвэр нь Дэлхийд тэргүүлэгч FLSmidth компанийн дэвшилтэт техник технологи, тоног төхөөрөмжийг нэвтрүүлсэн өндөр автоматжуулалт бүхий үйлдвэр бөгөөд жилд 1сая тонн цемент 100 000 тонн шохой үйлдвэрлэх хүчин чадалтай.

Түүнчлэн Германы “ТОПВЕРК” группийн “Хесс ААС Системс”-ийн технологиор хийт бетоны үйлдвэрийг ашиглалтад оруулж, хүн болон байгаль орчинд ээлтэй, орчин үеийн дэвшилтэт технологийн дагуу үйлдвэрлэгдсэн “Евроблок” нэрийн бүтээгдэхүүнийг үйлдвэрлэн зах зээлд нийлүүлж байна. 

Шилдэг төсөл хөтөлбөр хэрэгжүүлэгчээр   ДУЛААН ШИЙДЭЛ ТӨСӨЛ

Дулаан шийдэл төсөл нь 2018 оноос эхлэн Улаанбаатар хотын гэр хорооллын хувийн сууцыг дулаалж, дулаан алдагдлыг багасгаснаар агаарын бохирдлыг бууруулахад хувь нэмрээ оруулах зорилготой хэрэгжиж байна. Төслийн хүрээнд барилгын БЖДБ-үүдийг дэмжин, мэргэжлийн дулаалгын бригад болгон сургаж, хэрэглэгчдэд дулаалга хийх ногоон зээлд хамрагдах боломжийг санхүүгийн байгууллагуудтай хамтран нээлээ. Мөн түүнчлэн, дулаалгын зах зээлийн системийг хөгжүүлж, чанарын өндөр түвшинд, стандарт технологийн дагуу дулаалгын шийдлийг хийж гүйцэтгэх нийлүүлэгч талыг хэрэглэгчтэй холбон ажиллаж байна. 

Шилдгийн шилдэг гранпри Хан төгөл пропертиз ХХК - ийн  Green garden residence

Green garden residence нь Улаанбаатар хотын Шинэ суурьшлын бүс, Хан-уул дүүрэг нүхтийн задгайд байрлалтай эрүүл аюулгүй орчин, дуу чимээгүй, агаар хөрсний бохирдолгүй орчинд 1.4 га талбайд хүүхдийн цэцэрлэг, худалдаа үйлчилгээний төв зэргийг төлөвлөсөн 424 айлын орон сууцны хотхон юм. Гэр бүлийн гишүүн бүр жилийн аль ч үед эрүүл, машингүй аюулгүй орчинд идэвхтэй дасгал хөдөлгөөн хийх боломжтой. Мөн тусгай хэрэгцээтэй иргэд явах боломжтой зам талбайг шийдэж өгсөн. Хотхоны 73 хувийг авто зогсоол, ногоон байгууламж, гадна тохижилт, хүүхдийн тоглоомын талбай байхаар төлөвлөж өгсөн. Мөн хүүхдийн цэцэрлэг, худалдаа, үйлчилгээний төвийг хотхон дотроо шийдэж өгснөөрөө онцлогтой. 

Энэ жилийн үзэсгэлэнгийн бас нэгэн онцлог бол үзэсгэлэн үзэхээр ирсэн үзэгчдээ бүртгэсэн бөгөөд тэдгээр бүртгэлтэй үзэгчдээс 4 азтан шалгаруулж, хүндэтгэлийн арга хэмжээний үеэр шагналыг гардууллаа. 

Барилга МН  HUAWEI NOVA 8I буюу 1,200,000 төгрөгийн үнэ бүхий гар утасны азтанаар Н.Ганцолмон 

Бэзү Технологи ХХК - ийн BOSSTON брэндийн 500,000 төгрөгийн 50 литрийн халуун усны бойлерын азтанаар Н.Насанзун

Номин Мишээл ХХК - ийн  INCGO брэндийн гарын бэлгийн азтанаар С. Саранцацралт 

Барилгачин худалдааны төвийн 3,000,000 төгрөгийн эрхийн бичгийн азтанууд тус тус шалгарлаа.  

Ташрамд дуулгахад “BARILGA EXPO 2022” үзэсгэлэн, яармаг нь barilgaexpo.mn сайт дээр цахим хэлбэрээр давхар болсон бөгөөд үзэсгэлэн үзэж амжаагүй хэрэглэгчид маань тус сайт руу нэвтрэн оролцогч байгууллагуудын цахим талбайгаар зочлон тухайн компанитай шууд холбогдох боломжтой юм.