15 жилтэйгээ учран золгож буй “BARILGA EXPO 2022” үзэсгэлэн яармаг Шинэ орон сууц, хаус дизайны чиглэлээр 2022 оны 05.06-08-ны өдрүүдэд “Мишээл экспо” төвд үргэлжилж байгаа бөгөөд өнөөдөр 12 цагт нээлтээ хийлээ. 

Үзэсгэлэнгийн нээлтэд BARILGA EXPO 2022 үзэсгэлэнгийн яармагийн зохион байгуулах хорооны дарга Г.Батсүх, Барилга, хот байгуулалтын яамны Бодлого төлөвлөлтийн хэлтсийн дарга Д.Гүнболд, Барилгын хөгжлийн төвийн Дэд захирал Б.Ибрай , Орон сууц нийтийн аж ахуйн хэлтсийн дарга Т.Ганбаатар, Нийслэлийн хот байгуулалт хөгжлийн газрын Хот байгуулалтын хэлтсийн дарга Д.Хан -Уул, Хот төлөвлөлтийн хэлтсийн дарга С.Даланжаргал, Хот байгуулалт хариуцсан мэргэжилтэн Мөнх-Энэрэл, Монголын Барилгын Инженерүүдийн Холбооны ерөнхийлөгч А.Ариунболд, Үл Хөдлөх Хөрөнгийн Бизнес Эрхлэгчдийн Дээвэр Нэгдсэн Холбооны Гүйцэтгэх захирал Д.Мөнхтүвшин, Ерөнхий ивээн тэтгэгч NCD GROUP-ийн Маркетинг борлуулалтын ахлах менежер н.Лхагваа, Ивээн тэтгэгч Монкон констракшн ХХК-ийн гүйцэтгэх захирал Г.Батбаяр, Борлуулалт, үйл ажиллагааны газрын захирал Б.Батаа, Ивээн тэтгэгч GREEN GARDEN RESIDENCE-ийн Маркетинг борлуулалтын газрын захирал Д. Базаргүрүү, AGGS ХХК Гүйцэтгэх захирал Г.Сономжамц, AGGS ХХК Үйл ажиллагаа хариуцсан захирал А.Мөнхбаяр нар хүрэлцэн ирж ёслолын арга хэмжээг нээлээ. 

Шинэ орон сууц, хаус дизайны үзэсгэлэн, яармагт ипотек, компанийн болон хувь лизинд хамрагдах боломжтой Улаанбаатар хотод захиалга авч буй хаус болон шинэ орон сууцны 60 орчим шилдэг төслүүд танилцуулагдах төдийгүй амины орон сууцны хамгийн сүүлийн үеийн загвар дизайн, оновчтой шийдлүүдийг үзэж, энэ цаг үеийн шилдэг реалторуудаас зөвлөгөө аван үр хойчдоо өвлөгдөх үнэт хөрөнгөө сонгох боломжтой юм. 

Үзэсгэлэнгийн өдрүүдэд орон сууцнуудын үнэ 15-45 хүртэлх хувийн хямдрал, онцгой урамшууллыг хэрэглэгчдэдээ олгож байгаа төдийгүй үнэ төлбөргүй сургалт, семинарт хамрагдан, мэргэжлийн хүмүүсээс зөвлөгөө авах боломжтой юм. 

Мөн уг үзэсгэлэн яармаг давхар barilgaexpo.mn дээр цахим хэлбэрээр зохион байгуулагдаж байгаа бөгөөд оролцогч байгууллагуудын цахим талбай руу зочилсноор үзэсгэлэнд танилцуулагдаж байгаа материал, техник технологи, шинэ орон сууцны төслүүдтэй танилцах боломжтой аж. 

Ерөнхий ивээн тэтгэгч -  "NCD GROUP" , "БАРИЛГАЧИН ХУДАЛДААНЫ ТӨВ" 

Ивээн тэтгэгч - "МОНКОН КОНСТРАКШН" ХХК , “GREEN GARDEN RESIDENCE” 

Зохион байгуулагч: БАРИЛГА МН 

Хамтран зохион байгуулагч: БХБЯ, БХТ, НХБХГазар