Барилгын салбарын төв хэвлэл болох Барилга МН сэтгүүлийн №143 хэвлэгдэн гарлаа. 

Энэ сарын дугаарын нүүр хуудсанд “Турк Азиа МЛМ” ХХК хамтран ажилласан бөгөөд  тус компани нь 2015 оноос эхлэн Турк улсын Турказиа Группийн Монгол дахь албан ёсны төлөөлөгчөөр ажиллаж чанарын шаардлага хангасан евро стандартын бүх төрлийн барилгын материалыг харилцагчдынхаа захиалгаар хямд үнэ, өргөн сонголттой, хурдан шуурхай, баталгаатай нийлүүлж байна.

Энэ дугаарт гарсан онцлох булангуудаас танилцуулбал…

VIP ярилцлага: 

Барилгын салбарын шинжлэх ухааны гавьяат зүтгэлтэн, ШУТИС - ийн зөвлөх профессор, Ардын багш, академич Д. Дашжамцыг энэ удаагийн VIP ярилцлагадаа урилаа. 

Тэрээр Монгол орны геотехникийн нөхцөлийг гүнзгий судалж түүнд тохируулан барилга байгууламжийг төсөллөх онолын үндэслэл болон үндэсний норм дүрмүүдийг боловсруулж, судалгааны үр дүнгүүдээ үйлдвэрлэлд нэвтрүүлсэн төдийгүй барилгын салбарт мянга мянган чадварлаг мэргэжилтнүүдийг бэлтгэн гаргасан, манай үеийн шилдэг эрдэмтэн хүн билээ. Түүний дундаршгүй их оюун мэдлэгээс багаханыг ч болов уншигч танаа хүргэж байна. 

Нийтлэл: 

Худалдан авагч, үйлчлүүлэгчдэдээ хамгийн ойр очих цөөхөн үр дүнтэй сувгуудын нэг бол үзэсгэлэн, яармагт оролцох юм. Тухайн үзэсгэлэнд зориулж талбайгаа хэрхэн тохижуулах, зохион байгуулах талаар судлах,  энэ талын мэдлэгтэй болох нь ярвигтай ажил боловч гаргасан санхүү, цаг хугацаагаа үр дүнтэйгээр ашиглах боломжтой юм шүү. 

Энэхүү бичвэрийг уншсаны дараа та үзэсгэлэнгийн талбайгаа зөв зохион байгуулах нь ямар ач холбогдолтойг мэдэж авсан байх болно. 

Дуулгах сонин: 

Уламжлалт архитектурын эргэлт болох Mеркури Тауэр нь 31 давхар хүртэл гайхалтай өндөрт бүтээгдсэн барилга юм. Энэ нь Заха Хадид архитекторын 2016 онд гэнэтийн явдлын улмаас нас барахаас өмнөх хамгийн сүүлийн загваруудын нэг бөгөөд барилгын дундуур урсгал мэт гайхалтай мушгиралт нь жинхэнэ архитектурын суут бүтээл гэж хэлж болох юм. 

Энэхүү гайхалтай тансаг зэрэглэлийн 5 одтой барилга нь шинэлэг загвар бүхий дахин давтагдашгүй хийцлэлтэйгээрээ онцлогтой. Меркури Тауэрын гадна тохижилтын ажил  явагдаж, төслийн 2-р шатны барилгын ажил үргэлжилж байгаа бөгөөд Мальта улсын Сент Жулианс хот дахь 125 метрийн өндөрт байрлах GFRC фасад, шилэн хашлага суурилуулах ажил ахисан шатандаа явж байна. Барилгын дотор өрөөний хуваалт 70м2-150м2 хүртэлх хэмжээтэй. Тус барилгын 2 үе шатыг 2022 оны 9 дүгээр сард барьж дуусгах төлөвлөгөөтэй ажиллаж байгаа аж.

Амины орон сууц: 

Бид өмнөх дугаарт эрчим хүчний хэмнэлтийг үр ашиг өндөртэй байлгая гэвэл дараах бүрэлдэхүүн хэсгүүдийг судалж мэдсэн, хэрэгжүүлсэн мөн дадалтай болсон байх ёстой гэж үзэцгээсэн ба юуны түрүүнд дарааллын дагуу эрчим хүчний хэмнэлттэй төлөвлөлтийн талаар товчхон ойлголт авсан билээ. 

Тэгвэл энэ удаад 

1. Эрчим хүчний хэмнэлттэй төлөвлөлт

2. Оновчтой материалын сонголт

3. Чанартай гүйцэтгэл

4. Эрчим хүчний хэмнэлттэй дадал, автоматжуулалт

5. Зүй зохистой ашиглалт болон тогтмол үзлэг, үйлчилгээ

6. Хүрээлэн буй орчиндоо эерэг нөлөө үзүүлэх

Иймээс дарааллын дагуу эрчим хүчний хэмнэлттэй оновчтой материалын сонголтыг хэрхэн хийх талаар үзэцгээе.

Төсөл хөтөлбөр: 

“Төсөл бол эдийн засаг, эдийн засаг бол төсөл” гэсэн шинэ хандлага олон улсын төвшинд газар авч байна. Үйлдвэрлэл хөгжүүлж, эдийн засгаа тэлэх чиглэлд Монгол Улсын Засгийн газар өчнөөн хөтөлбөр баталж тус хөтөлбөрийн дагуу хэдэн зуун төсөл хэрэгжиж байна. Хувийн хэвшлийнхэн ч цаг хугацаатай уралдан шинэ төслүүд хэрэгжүүлж яваа. 

Улс даяар хэрэгждэг энэ бүх төслийг олон улсад хүлээн зөвшөөрөгдсөн арга зүйгээр хэрэгжүүлэхгүй бол амжилтад хүрэхгүй, дэлхийтэй өрсөлдөх тухай бодохын ч хэрэггүй юм. Шинэ ертөнцөд шинэ төслийг шинэ аргаар хэрэгжүүлэхгүй бол урагшилж өгдөггүй зовлон ганц Монголынх биш бөгөөд дэлхийн улс бүр ийм асуудалтай нүүр тулж байна. 

Судалгаа: 

Өнгөрсөн хоёр жилийн хугацаан дахь эдийн засгийн хүндрэлтэй нөхцөл байдал, хил гаалийн саатал, олон удаагийн хатуу хөл хорио, үнийн өсөлтөөс үүдэж төрийн захиалгаар буюу улсын төсвийн хөрөнгө оруулалтаар барилга барьж буй барилгын компаниуд санхүүгийн хувьд хүндэрч, ихэнх компаниуд банк, ББСБ, бараа ханган нийлүүлэгч, хувь хүмүүс, татвар нийгмийн даатгалын байгууллагуудад ихээхэн хэмжээний өр зээлтэй болж цаашид үйл ажиллагаа явуулахад хүндрэлтэй боллоо. 

Тиймээс тендертэй холбоотой зарим асуудлыг “Хөгжлийн төлөө барилгачдын нэгдэл” ТББ-ын Тэргүүн Ч.Наранбаатараас тодрууллаа. 

Энэ сарын дугаарт гарсан зөвхөн онцолсон булангуудыг танилцуулсан бөгөөд эдгээрээс гадна шинэ материал, мэргэжлийн зөвлөгөө, шинэ орон сууц, материалын үнэ ханш болон бусад нийтлэлүүдийг та сэтгүүлээсээ дэлгэрэнгүй уншиж танилцаарай.

Бид дараагийн дугаартаа илүү олон сонирхолтой, хэрэгтэй мэдээллийг хүргэх тул та доорх холбоосоор дамжуулан сэтгүүлээ захиалан үнэгүй хүргүүлэн аваарай. 

СЭТГҮҮЛ ЗАХИАЛАХ

Онлайнаар унших НОМЫН САН 

Утас: 9100-0233, 7711-3333-2