Барилгын салбарын аж ахуйн нэгж байгууллагуудын дунд жил бүр уламжлал болгон зохион байгуулагддаг “BARILGA BASKETBALL 2022” сагсан бөмбөгийн аварга шалгаруулах тэмцээн 10 дахь жилдээ “ЧУХАГ СПОРТ ТӨВ”-д 2022.03.19-20-ны өдрүүдэд зохиогдох бөгөөд өнөөдөр нээлтийн арга хэмжээ болж тэмцээн эхэллээ. 

“BARILGA BASKETBALL 2022” тэмцээний зохион байгуулагч Барилга МН, Хамтран зохион байгуулагчаар  БХБЯ, БХТ, МБҮА ажиллаж байгаа бөгөөд нээлтийн арга хэмжээнд  Зохион байгуулах хорооны дарга Г.Батсүх, Гүйцэтгэх захирал Д.Цолмонгэрэл, БХБЯамны Хяналт-шинжилгээ, үнэлгээ дотоод аудитын газрын дарга О.Лхагвацэдэн, БХТ-ийн захирал Ц.Амарсанаа, "ТОСК" ТӨХХК-ийн Гүйцэтгэх захирал Л.Батжаргал, МБҮА-ийн Дэд ерөнхийлөгч Л.Ариунболд, МБИХолбооны ерөнхийлөгч А.Ариунболд нар хүндэт зочдоор хүрэлцэн ирж нээлтийг хийлээ.

Хоёр өдрийн турш үргэлжлэх тус тэмцээнд нийт 42 багийн 400-гаад тамирчид оролцож байгаа бөгөөд тэмцээний аваргууд 3 дугаар сарын 20-ны өдөр тодрох юм.  

Энэхүү тэмцээн нь барилгын салбарын ААНБ-уудын хамтын ажиллагааг өргөжүүлэх, найз нөхдийн хүрээг тэлэх, цагийг үр бүтээлтэй өнгөрүүлэх боломжийг олгодог нөхөрсөг тэмцээн гэдгээрээ онцлогтой юм. 

Нийт баг тамирчиддаа амжилт хүсье!