Барилга МН сэтгүүлийн шинэ оны эхний дугаар хэвлэгдэн гарлаа

Барилга МН сэтгүүлийн шинэ оны эхний дугаар хэвлэгдэн гарлаа

Сар бүр тогтмол хэвлэгддэг Барилга МН сэтгүүлийн №140 хэвлэгдэн гарч захиалагч та бүхэнд хүргэгдэн очиход бэлэн боллоо. 

Энэ сарын дугаарын нүүр хуудсанд Барилгачин групп хамтран ажилласан бөгөөд  тус групп нь Барилгын материалын худалдаа, Барилгын гүйцэтгэгч, хөдөлмөрийн бирж, Барилгын зөвлөгөө мэдээлэл, Тээвэр ложистикийн сүлжээ, Мэргэжлийн болон ур чадварын сургалт, Барилгын материалын ханган нийлүүлэлт чиглэлээр үйл явуулдаг бөгөөд сэтгүүлийн нүүр хуудсанд тун удахгүй нээлтээ хийх “Барилгачин худалдааны төв”-ийн мэдээллээ байршуулсан байна.  


Онцлох булангуудтай танилцана уу

VIP ярилцлага: Сар бүрийн гол ярилцлагадаа “Пи Си Ди Пи” ХХК-ийн захирал Ч.Маралмааг урилаа. Тэрээр Москва хотын Барилга Инженерийн дээд сургуулийг Барилгын инженер мэргэжлээр төгссөн бөгөөд “Бау Констракшн” ХХК Ерөнхий Инженер, “М-Си-Эс Проперти” ХХК Төслийн удирдагч, “М-Си-Эс Проперти” ХХК Дэд захирал гээд салбартаа 25 жил ажиллаж буй туршлагатайн дээр төслийн менежмент гэдэг зүйлийг барилгын салбарт нэвтрүүлэхийг зорин ажилладаг эмэгтэй билээ. 


Төлөв байдал: Өнгөрсөн оны барилгын салбарын нөхцөл байдал, хийж хэрэгжүүлсэн ажлыг дүгнэн, энэ онд макро эдийн засаг болон салбарын эдийн засгийн нөхцөл байдал ямар байх, ипотекийн зээлийн мэдээлэл, барилгын материалын үнийн өсөлтөд авч хэрэгжүүлэх арга хэмжээ мөн улсын төсвийн хөрөнгөөр баригдах барилга байгууламжийн талаарх тойм мэдээлэл, салбарын төлөөллүүдийн тодруулгыг хүргэж байна.


Монгол уран бүтээлч: Өмнөх дугаартаа бид дэлхийн стандартад нийцсэн иж бүрэн цогцолбор, Монголын анхны өвлийн спортын ордон болох "Степпе арена" мөсөн өргөө төслийн архитектурын шийдлийн талаар танилцуулсан бол энэ удаагийн дугаартаа  инженерчлэлийн онцлогийн талаар танилцуулж байна. Уг төслийн ерөнхий гүйцэтгэгчээр “Улаанбаатар барилга” ХХК ажилласан юм. Тиймээс Мөсөн өргөө төслийн угсралт, инженерчлэлийн талаар тус компанийн ерөнхий инженер, МУ-ын Зөвлөх инженер Г. Чулуутыг урьж ярилцлаа.

Амины орон сууц: Эрчим хүчний хэмнэлттэй байшин, дулаан алдагдалгүй барилга, пассив байшин, хайбрид байшин гээд бидэнд сүүлийн үед маш олон ойлголтууд гарч ирсээр байна. Гэтэл үнэндээ эрчим хүч, түүний зөв хэрэглээ, хэмнэлтийн талаар жинхэнэ ойлголт бүдгэрч иргэд зөвхөн шинэ технологи эсвэл аль болох зузаан дулаалгын материал эсвэл бүр хэн нэгний барьсан байшин л эрчим хүчний хэмнэлт гэж ойлгох хандлага давамгайлж байгаа нь ихээр ажиглагдаж байна. Тиймээс эрчим хүч гэж юу болох түүнийг бид яагаад хэмнэх ёстой, эрчим хүчний хэмнэлтэд суралцах нь яагаад чухал талаар сэтгүүлийнхээ энэ оны эхний дугаараас эхлэн мэдэж авцгаая.  

Үл хөдлөх хөрөнгө: Цар тахлын улмаас үүсэх эдийн засгийн хямралыг даван туулахаар улс орнууд эдийн засгаа дэмжсэн урьд өмнө байгаагүй их хэмжээний мөнгөний хөтөлбөр, хөнгөлөлт, урамшууллыг хэрэгжүүлж байгаа ч эдийн засгийн сэргэлтийн хурд нь улс орон бүрт харилцан адилгүй байна.  

Энэ нь тухайн орны засгийн газраас хэрэгжүүлсэн бодлого, ковид-19-н тархалт, хэр гүн нэрвэгдсэн, хөл хорионы түвшин, үргэлжилсэн хугацаа, хил боомт, бусад салбарт нөлөөлөх нөлөөллөөс хамааралтай. Энэхүү нийтлэлээр 2021 онд үл хөдлөх хөрөнгийн зах зээл дээр гарч буй өөрчлөлтүүд ба ковид-19-н нөлөөллийг авч үзнэ.

Дуулгах сонин: Нийгэм цаг үеэ даган хүмүүний амьдралд бий болж буй энэ шинэ хэрэгцээг архитекторууд хэрхэн шийдвэрлэх талд яг одоо толгойгоо “гашилгаж” байна гэж хэлэхэд болно. Угаас том асуудал араасаа том шийдэл, том өөрчлөлтийг шаарддаг шүү дээ. Энд дурдагдах барилгууд нь ирээдүйд тулгарах асуудлыг шийдэхэд тань бага ч гэсэн хувь нэмэр оруулах шийдэл, дизайнтай байх болно. 

Ингээд ирэх онд ашиглалтад орох хүлээлт үүсгэж буй барилгуудаас танилцуулж байна.

Энэ сарын дугаарт гарсан зөвхөн онцолсон булангуудыг танилцуулсан бөгөөд эдгээрээс гадна шинэ материал, мэргэжлийн зөвлөгөө, шинэ орон сууц, материалын үнэ ханш болон бусад нийтлэлүүдийг та сэтгүүлээсээ дэлгэрэнгүй уншиж танилцаарай.

Бид дараагийн дугаартаа илүү олон сонирхолтой,  хэрэгтэй мэдээллийг хүргэх тул та доорх холбоосоор дамжуулан сэтгүүлээ захиалан үнэгүй хүргүүлэн аваарай. 



СЭТГҮҮЛ ЗАХИАЛАХ

Онлайн унших НОМЫН САН 

Утас: 9100-0233, 7711-3333-2

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ