Сар бүр тогтмол хэвлэгддэг Барилга МН сэтгүүлийн №139 хэвлэгдэн гарч захиалагч та бүхэнд хүргэгдэн очиход бэлэн боллоо. Энэ сарын дугаарын нүүр хуудсанд “Эган Монкор” ХХК хамтран ажиллаа.  

Сэтгүүлийн дугаар бүрт салбарын нэр хүнд бүхий эрхмүүдийг урин ярилцдаг “VIP ярилцлага”, төрөл бүрийн судалгаа, салбарын тулгамдаж буй асуудлын хүрээн дэх нийтлэл, мэргэжилтнүүдийн төрөл бүрийн зөвлөгөө, иргэдэд зориулсан амины орон сууцны төрөл бүрийн мэдээлэл, шинэ орон сууц, барилгын гол нэрийн 12 материалын үнэ ханш зэрэг бусад мэдээллүүд багтдаг. Харин энэ сарын дугаарт гарсан онцлох булангуудын талаарх товч мэдээллийг доор хүргэж байна. 

Сэтгүүлийн онцлох булангуудтай танилцана уу

VIP ярилцлага: Салбартаа 40 гаруй жил ажиллаж, салбарынхаа хууль дүрэм, бодлогын баримт бичгийг боловсруулалцаж, эх орныхоо хөгжилд өөрийнхөө хүч хөдөлмөрийн харамгүй зориулсан Завхан аймгийн хязгаар нутгийн хүү Д. Дамбыг энэ удаагийн VIP ярилцлагадаа урьлаа. 

Тэрээр ШУТИС -ийн хүндэт профессор, Монгол улсын зөвлөх  инженер бөгөөд барилгын материалын үндэсний үйлдвэрлэгч “Айвуун аргалант” ХХК - ийн ерөнхий захирлаар ажилладаг билээ. 

Судалгаа: Улаанбаатар хотод баригдаж байгаа шинэ орон сууц /ШОС/ - ны судалгаа, тооллогыг Барилгын хөгжлийн төв болон Барилга МН хамтран хийж гүйцэтгээд байгаа бөгөөд судалгааны үр дүнг цувралаар танилцуулж байгаа билээ. 

Өмнөх дугааруудад Шинэ орон сууцны нийлүүлэлт, үнэ ханш болон Барилгын хийцлэл, чанарын талаарх судалгааг нийтэлсэн бол энэ удаад Амины орон сууцны зах зээлийн судалгааг хүргэж байна. 

Амины орон сууц: Манайх шиг эрс тэс уур амьсгалтай оронд амины орон сууцны нарийн деталь ажлуудыг мэргэжлийн байгууллага болон мэргэжлийн хүнээс зааварчилгаа авч хийгээгүйгээс болж иргэд эд хөрөнгө санхүүгээрээ хохирдог. 

Амины орон сууцыг зуны улиралд бариулаад чанарын үзүүлэлтийн гол шалгуур нь өвлийн улирал болон хаврын улиралд чанар нь мэдэгддэг. Өвөл болохоор тухайн байшингийн дулаан алдалт, цан цохих, хөрсний овойлт хөлдөлт, хавар болохоор дээвэр таазнаас ус гоожих гэх мэт олон асуудал тулгардаг. Бидний хүргэх энэ удаагийн зөвлөгөө “Амины орон сууцны дээврийн агааржуулалт” сэдвээр мэдээлэл бэлтгэлээ.

Шинэ материал: Цементийн хэрэглээг бууруулах нь бетоны нүүрстөрөгчийн ялгарлыг багасгах хамгийн үр дүнтэй арга болоод байгаа юм. Энэхүү ажлын хүрээнд олон төрлийн судалгаа хийгдэж байгаагаас Карбон бетон нь нилээд анхаарал татаж байгаа төдийгүй ХНГУ-д 2019 онд карбон бетоноор анхны барилгыг барьсан байна. 

Бэхэлгээт бетонон хийцлэл нь барилгын салбарт 100 гаруй жил ноёлсоор ирсэн ч шинээр гарч ирж буй бетон нь илүү даац, илүү урт хугацааны хэрэглээтэй, илүү хөнгөн болсон нь энэ салбарт шинэ дэвшил болоод байгаа юм. Судлаачдын үзэж байгаагаар энэхүү материал нь барилга архитектурын салбарт хувьсгалыг авчирч байна. 

Мэргэжилтний үг: Өвлийн нөхцөлд цутгамал бетон төмөрбетон бүтээцийг хэвийн орчин бүрдүүлж бэхжүүлэх хэд хэдэн аргууд байдаг. 

Иймээс бетон бүтээцийг үйлдвэрлэх технологи горим, түүний нэр төрөл, овор хэмжээ, хийцлэлийн шаардлага, талбайн зохион байгуулалтыг шинээр боловсруулан мөрдөх технологийн карт, урьдчилан бэлтгэж ажилбарыг хангасан байх шаардлагатай. 

Дуулгах сонин: АНУ-ын архитектор Фрэнк Ллойд Райт нь XX-р зууны хамгийн нөлөө бүхий, алдартай архитекторын нэг бөгөөд түүний "Органик архитектур" хэмээгддэг үзэл баримтлалын хамгийн шилдэг жишээ нь "Fallingwater" юм. Уг бүтээл нь Америкийн архитектурын хамгийн шилдэг, агуу бүтээлээр нэрлэгддэг төдийгүй 2019 онд Дэлхийн өвд бүртгэж авсан байна.

Пенсильваны мужийн Милл Рун хот, далайн төвшнөөс дээш 396 метрийн өндөрлөгт “Bear Run” хэмээх Байгалийн Дархан Цаазат Газарт урсдаг гол нь 9 метрийн өндрөөс цутгадаг тэрхүү цутгаланд “Fallingwater house” байршдаг юм. 

Сар тутмын Барилга МН сэтгүүлээ захиалаад үнэгүй хүргүүлэн аваарай. 

Та сэтгүүл захиалах бол ЭНД дарна уу.

Онлайнаар унших бол ЭНД дарна уу. 

Утас: 9100-0233, 7711-3333-2