Дэлхий дээрх хамгийн сонин содон 10 барилга

Дэлхий дээрх хамгийн сонин содон 10 барилга

Анаашны дүрстэй барилга


Хонделлатте Лапорте нэртэй францын архитекторын компаний загвар гаргаж 2012 онд гүйцэтгэсэн францын нэгэн хүүхдийн цэцэрлэгийн барилга. Уг барилгаас  нэвтрэх хэсэгт байрласан аварга том анаашнаас гадна хэд хэдэн амьтдын дүрс бүхий баримлуудыг харж болох юм. Уг төсөлийг гүйцэтгэгч архитектор нь барилгын санааг хүүхдийн төсөөлөл болон бүтээлч байдалаас санаа авсан хэмээн дурдсан байна. 

Арабын эмират дахь Дубайн жааз 


Дубайн жааз 150м өндөр, 105м уртын хэмжээ бүхий дэлхий дээрх хамгийн том зургийн жааз юм. Энэхүү архитекторын содон бүтээл нь Фернандо Донис ( Недерланд болон Мексикод төвтэй олон улсад үйл ажиллагаа явуулдаг Донис архитекторын компанийг үүсгэн байгуулагч)-ын санаа бөгөөд тэрээр уг хөшөөг бүтээхдээ дубайд дахин нэгэн барилгаас илүүтэйгээр хөшөө дурсгал хэрэгтэй хэмээн үзсэн гэсэн бөгөөд энэхүү зурагийн жааз хэлбэртэй хөшөө нь одоо байгаа хотын түүхэн дурсгалт хөшөөд болон хотын түүхийг нэгтгэн жаазлах ба ирээдүйг илэрхийлж байгаа гэсэн  санааг илэрхийлэн бүтээсэн байна. Гэхдээ уг бүтээлийг тойрсон маргаан Дубайн засгийн газараас явуулсан сонгон шалгаруулалтад Донис ялах үеэс л дэгдэж эхэлсэн ба Донис уг хөшөөний барилгын ажил нь ямарч гэрээ контракт болон цалин хөлсгүйгээр хийгдсэн хэмээн мэдэгдсэн аж.

Белгий Бруссели дэхи Атом

 

Инженер Андре Ватеркеин ба архитектор Андре болон Жан 

Полак нарын загвар ба Атомаас сэдэвлэн бүтээсэн барилга нь анхлан 1958 онд Брусселид  Ворлд файр нэртэй олон улсын аж үйлдвэр, шинжлэх ухаан, технологи болон урлагын үзэсгэлэнд зориулан босгосон байна. Уг байгууламж нь эр зоригийг илэрхийлснээрээ сонгогдсон  ба атомын бөмбөгийн эрэн үеийг илэрхийлэн бүтээгдсэн байна. 

Харагдах байдал нь хоорондоо холбогдсон 9 ширхэг гялалзсан зэвэрдэггүй ган төмөр бөмбөлөг байдалтай ба үүнээс 6 бөмбөлөг нь олон нийт орох зориулалттай байна. Инжерийн ур чадварыг илтгэн уг байгууламжид хамгийн хурдан буюу 5м/сек-ийн хурдтай цахилгаан шат байдаг ба уг цахилгаан шат нь 6 сарын өмнө л бүтээгдсэн байна. Уг барилга нь одоогоор музей хэлбэрээр ашиглагдаж байна.  

4. Илинден - Крушево хот, Бүгд Найрамдах Македон Улс


Илинден бол 1974 онд бүтээгдсэн зураач Жордан Грабулоски, Искра Грабулоска нарын бүтээсэн хөшөө юм. Энэхүү хөшөө нь 1903 оны Илиндений бослогод оролцсон дайчид, хувьсгалчид, болон 1941- 1943 онд болсон Македонийн үндэсний эрх чөлөөний тэмцлийн партизан цэргүүдэд зориулсан хөшөө юм. Бөмбөг дотор Бүгд Найрамдах Крушевогийн ерөнхийлөгч Никола Каревын бунхан, мөн дуучин Тоше Проескигийн баримал байдаг байна.

5. Загасны аж ахуйг хөгжүүлэх үндэсний зөвлөл - Энэтхэг, Хайдарабад


Энэхүү загас хэлбэртэй аварга том барилга нь Энэтхэгийн Хайдарабадын ойролцоо байрладаг Үндэсний загас агнуурыг хөгжүүлэх зөвлөлийн бүс нутгийн оффис юм. 2012 онд баригдсан уг барилгыг Барселона дахь Фрэнк Геригийн "Загас" зохиолоос санаа авч бүтээжээ.

6. Вуши Ванда Соёлын Аялал жуулчлалын хотын үзэсгэлэнгийн төв - Хятад улсын Вуши хот


Аварга том эргэдэг цайны сав хэлбэртэй энэ барилга нь Хятадын үзэсгэлэнгийн төв бөгөөд орон нутгийн зан заншлыг харуулах зорилготой юм. Барилгын эргэдэг бүтэц нь бага оворын галзуу хулгана, алсыг харагч, болон усан парк зэрэг зугаа цэнгэлийн үйлчилгээ хийх боломжыг бүрдүүлдэг байна. 


7. Шоон байшин - Нидерландын Роттердам


Архитектор Пиет Бломын зохион бүтээсэн энэхүү налуу байшингуудыг "хотын дээвэр шиг амьдрах" үзэл баримтлалд тулгуурлан бүтээжээ. Шоо хэлбэрийн байшигууд нь 45 градусаар хазайсан бөгөөд зургаан өнцөгт хэлбэртэй тулгуур дээр байрладаг. Энэхүү дизайны зорилго нь орон зайг оновчтой болгох, доторх өрөөнүүдийн хуваарилалтыг сайжруулах явдал юм.

8. Бүжиглэж буй байшин - Прага хот, Чех


Бүжиглэж буй байшинг 1992 онд Владо Милунич, Фрэнк Герритэй нар хамтран зохион бүтээж, 1996 онд барьж дуусгасан. Энэхүү барилга нь одоо Нидерландын даатгалын компани болох “Nationale-Nederlanden”-ийн барилга болсон байна. Барилгыг барих үеээр деконструктивист хэв маяг (эсвэл "шинэ-барокко") нь Прага дахь барокко, готик болон урлагийн шинэ барилгуудтай харьцуулахад маш их ялгарч байсан тул тухайн үед маргаантайгаар баригдсан байна.

9. “Шарп” дизайны төв - Канад


Шарп (хурц) дизайны төв нь Онтариогийн урлаг, дизайны коллежийн нэг хэсэг юм. Уг барилгыг "Alsop" болон "Robbie Young + Wright" хэмээх Архитекторын 2 компани хамтран зохион бүтээжээ. Энэхүү барилга нь газраас 26м өндөрт байрласан 12 ширхэг ган баганагаар бэхлэгдсэн тэгш өнцөгт хэлбэртэй байгууламжаас бүрдэнэ. Барилга нь оюутны хотхоны хамгийн эртний барилгын дээгүүр бүрхсэн байдалтай бөгөөд уг эртний барилгатай лифт, шатаар холбогдсон байдалтайгаар байдаг байна.

10. Сэлфридж их дэлгүүрийн барилга - Бирмингем, Англи


"Future Systems" архитектурын фирмийн зохион бүтээсэн Сэлфридж их дэлгүүрийн барилга нь Бирмингем дэх хамгийн алдартай барилга юм. Энэ барилга нь ган төмрөн рам дээр бетон шүршиж хийсэн хийцтэй юм. 2003 онд баригдаж дууссан уг барилга нь архитектурын бэлгэ тэмдэг болсон бөгөөд Бирмингемийн сэргэн мандалтад томоохон хувь нэмэр оруулсан гэж үздэг байна.

Орчуулсан: С.Мөнхцэцэг

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ