Нэг маягийн зураг, төсөл шинэчлэгдэн батлагдлаа

Нэг маягийн зураг, төсөл шинэчлэгдэн батлагдлаа

Нийгмийн үйлчилгээний барилга байгууламжуудыг ижил загвараар барих “Нэг маягийн зураг, төсөл” шинэчлэгдэн батлагдлаа. Монгол Улсын 2020 оны Төсвийн тухай хуулийн 12.4.2-т  зааснаар “Улсын төсвийн хөрөнгө оруулалтаар ирэх жилүүдэд хэрэгжүүлэх төсөл, арга хэмжээний техник, эдийн засгийн үндэслэл, зураг төсөл боловсруулах" ажлын хүрээнд Барилга, хот байгуулалтын сайдын 2020 оны 169 дүгээр тушаал батлагдсан.  Энэ тушаалын дагуу эхний ээлжийн найман барилга байгууламжийн нэг маягийн иж бүрэн зураг, төслийг хийж гүйцэтгэн дууслаа.

 Үүнд,

  • “Дунд сургуулийн спорт заалны зориулалттай барилгын нэг маягийн зураг төсөл” / 540,720 м2/
  • “Ерөнхий боловсролын сургуулийн дотуур байрны зориулалттай барилгын нэг маягийн зураг төсөл” /100,160 ортой/, /тоосго, төмөр бетон каракас хийцлэлтэй/ 
  • “Ерөнхий боловсролын дунд сургуулийн зориулалттай барилгын нэг маягийн зураг төсөл” /320,640 суудалтай/ -“Хөгжлийн бэрхшээлтэй хүүхдэд зориулсан цэцэрлэг, сургуулийн зориулалттай барилгын нэг маягийн зураг төсөл” /цэцэрлэг-150, сургууль-320 хүүхдийн суудалтай/ 
  • “Ерөнхий боловсролын бага сургуулийн зориулалттай барилгын нэг маягийн зураг төсөл” /160 хүүхдийн суудалтай/ “Хүүхдийн цэцэрлэгийн зориулалттай барилгын нэг маягийн зураг төсөл” /50, 150, 200 хүүхдийн хүчин чадалтай/
  • Эрүүл мэндийн төв барилгын нэг маягийн зураг төсөл /10,15,22 ортой/ 
  • Соёлын төв барилгын нэг маягийн зураг төсөл /200,400 суудалтай/ зураг, төсөл хийгдсэн байна.

Эдгээр  зураг төслийг ирэх жилүүдэд баригдахаар төлөвлөгдсөн нийгмийн үйлчилгээний барилга байгууламжид ашиглах боломжтой юм.

Өнгөрсөн хугацаанд улсын төсвийн хөрөнгөөр улсын хэмжээнд баригдсан боловсрол, эрүүл мэнд, соёл, нийгмийн хамгааллын салбарын бүтээн байгуулалтууд нь хүчин чадлын хувьд ижил боловч төсөвт өртөг нь харилцан адилгүй байсаар ирсэн. Харин нэг хэв маягийн техник, эдийн засгийн үндэслэл, зураг төслөөр барилга байгууламжийг барих нь цаг хугацаа хэмнэх, төсвийн үрэлгэн зардлыг багасгах зэрэг олон талын ач холбогдолтой юм.


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ