ЖАЙКА: Монгол Улсын хөгжил цэцэглэлтэд хувь нэмрээ оруулсаар байх болно

ЖАЙКА: Монгол Улсын хөгжил цэцэглэлтэд хувь нэмрээ оруулсаар байх болно

“Үндэсний хөгжлийн цогц төлөвлөгөө боловсруулах төсөл” хэрэгжээд гурван жил боллоо. Өнөөдөр Барилга, хот байгуулалтын яам, Жайка олон улсын байгууллага, Үндэсний хөгжлийн газар хамтран төслийн хаалтын цахим хурлыг амжилттай зохион байгууллаа. Энэхүү төсөл нь  “Монгол Улсын хүн амын нутагшилт, суурьшлын хөгжлийн ерөнхий төсөл” болон “Бүсчилсэн хөгжлийн бодлого”-ыг боловсруулахад дэмжлэг үзүүлэх, эдгээр бодлогын баримт бичгүүдтэй  харилцан уялдах, хот, хөдөөгийн хөгжлийн ялгааг бууруулах, хүн амын нутагшилт, суурьшлын оновчтой тогтолцоог бүрдүүлэх, нутаг дэвсгэрийн тэнцвэрт хөгжлийг бий болгох, тогтвортой хөгжлийг дэмжих замаар хот, суурин газарт тулгарч буй асуудлыг шийдвэрлэж, “Алсын хараа – 2050” Монгол Улсын урт хугацааны хөгжлийн бодлогын баримт бичгийн хэрэгжилтийг хангахад хувь нэмэр оруулах зорилготой юм.

Японы Олон улсын хамтын ажиллагааны ЖАЙКА байгууллагаас “Үндэсний хөгжлийн цогц төлөвлөгөө” боловсруулах Төслийн зөвлөх багийг шалгаруулж, 2019 оны 01 дүгээр сараас Барилга, хот байгуулалтын яам, Үндэсний хөгжлийн газартай хамтран уг төслийг хэрэгжүүлж эхэлсэн байдаг.

Барилга, хот байгуулалтын яам, Үндэсний хөгжлийн газраас салбарын яамд, тэдгээрийн харьяа байгууллагууд болон орон нутгийн захиргааны байгууллагууд, эрдэм шинжилгээ, судалгааны хүрээлэн, эрдэмтэн, судлаачидтай хамтран Төслийн багийн хийсэн холбогдох судалгаа, төлөвлөлтийн шийдлийн хувилбарыг хэлэлцүүлэх, тэдгээрийн санал, зөвлөмжийг тусгах ажлуудыг үе шаттайгаар хийж, 13 удаагийн цуврал семинар, хэлэлцүүлэг, дэд ажлын ажлын хэсгийн хурлыг зохион байгуулжээ.   

Төслийг ЖАЙКА-гийн Төслийн багийн гадаадын 19 зөвлөх салбарын асуудлуудыг хариуцан ажилласан байна. Тиймээс цар тахалын улмаас зөвлөх багийнхан хаалтын хэлэлцүүлэгт цахимаар оролцож, нээж үг хэллээ. Түүнчлэн хэлэлцүүлэгт Барилга, хот байгуулалтын яамны Газрын дарга Б.Гүнболд, Барилгын хөгжлийн төвийн ХАНБНСТХ-ийн дарга С.Давааням, Үндэсний хөгжлийн газрын БОНХБТХ-ийн дарга Д.Эрдэнэбаяр, Жайка-гийн Төслийн багийн ахлагч Ц.Хашимото нар Хүн амын нутагшилт, сууршлын хөгжлийн ерөнхий төсөл, Үндэсний хөгжлийн цогц төлөвлөлт,  Бүсчилсэн хөгжлийн бодлогын талаар илтгэл тавьж хэлэлцүүлэг өрнүүллээ.

Цахим хуралд БХБЯ-ны Газрын дарга Ц.Баярбат БХБЯ-ны харьяа БХТ-ийн Тэргүүн дэд захирал О.Одбаяр,  Жайка-гийн Токио дахь төв байгууллагын Дэд бүтцийн менежмент, хот байгуулалт, бүсчилсэн хөгжлийн газрын орлогч дарга К.Санүй, Жайка-гийн Суурин төлөөлөгч Эрика Тамүра, нар болон холбогдох байгууллагуудын төлөөлөл, аймгуудын удирдлагын төлөөлөл, эрдэмтэн судлаачдаас бүрдсэн 90 гаруй хүний бүрэлдэхүүнтэй цахим танхим хосолсон хэлэлцүүлэг өрнөсөн юм. Хурлыг хааж Жайка-гийн суурин төлөөлөгч Эрика Тамүра үг хэллээ. Тэрбээр Монгол Улсад энэхүү төсөл амжилттай хэрэгжлээ. Жайка Олон Улсын байгууллагаас Монгол Улсад өнгөрсөн хугацаанд 384 тэрбум иений хөрөнгө оруулалт оруулжээ. Одоо Хот байгуулалт, хот төлөвлөлтийн чиглэлд ажиллаж байна. Цаашид ч Монгол Улсын хөгжилт цэцэглэлтэд хувь нэмрээ оруулсаар байх болно гэдгээ илэрхийлсэн юм.


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ