“Барилга МН” ХХК болон Монголын Барилгын гүйцэтгэгч байгууллага /МБГБХ/ - уудын холбоо хамтран ажиллах санамж бичиг байгуулж, 10 дугаарын сарын 18 - ны өдөр гарын үсэг зурлаа. Санамж бичгийн хүрээнд талууд бие биенийхээ үйл ажиллагааг дэмжин, харилцан мэдээлэл солилцож, хамтын ажиллагаагаа өргөжүүлэн ажиллах юм. 

Тухайлбал, Барилгын үйлдвэрлэлийн технологи, удирдлага зохион байгуулалт, ААН байгууллагууд ажиллах хүчнийг дэмжихтэй холбогдсон асуудлаар нийтлэл материалыг бэлтгэн, сурталчлах, нээлттэй уулзалт, хэлэлцүүлэг, сургалт, семинарыг хамтран зохион байгуулах, хийж гүйцэтгэсэн судалгаа шинжилгээний ажлын эмхэтгэл, ном товхимол, мэдээллийг харилцан солилцох, нэг талын зохион байгуулж буй гадаад, дотоод арга хэмжээ, сургалт, семинар, танилцах аялалд талууд харилцан төлөөлөгчдөө оролцуулах гэх мэт олон талаар хамтран ажиллахаар боллоо.