Сантехникийн материал нь барилгын судас гэгддэг. Чанаргүй сантехникийн материалаас үүдэн барилгын чанарт нөлөөлөх, насжилт багасах, эдийн засгаараа хохирох гэх мэт олон талын сөрөг нөлөөг бий болгож байдаг билээ. Манай улсын хувьд 100 хувь импортоор сантехникийн материалаа худалдан авдаг бөгөөд чанарын хувьд асуудал болсоор байна. Тиймээс худалдан авалт хийхдээ албан ёсны борлуулагчаас авах нь эрсдлийг багасгадаг. Тиймээс сантехникийн худалдааны чиглэлээр үйл ажиллагаа явуулдаг “Эган Монкор” ХХК - ийн ерөнхий захирал Н.Оюунжаргалтай ярилцлаа. Уг компани нь сантехник угсралтын технологийн дэвшил болох “РUSH– FIT“ системийг барилгын зах зээлд нэвтрүүлж, 2022 он гэхэд бие даасан  угсралтын үйл ажиллагаа явуулахаар  алсын хараатай ажиллаж байгаа юм. 

Танай компанийг барилгын сантехник угсралтын салбарт цоо шинэ технологийн дэвшлийг нэвтрүүлсэн гэж харж байгаа. Багажгүй угсралт гэгдээд байгаа  “РUSH– FIT“ систем буюу “РВ хоолой холбох хэрэгсэл” - ийн  талаар танилцуулахгүй юу? 

Барилгын салбарт технологийн хөгжлийг харуулсан олон  шинэ бүтээгдэхүүнүүд нэвтэрч байна. Үүний нэг нь бол цэвэр ус халаалтын  РВ хоолой холбох хэрэгсэл юм.  Физик, хими, механик үзүүлэлтээрээ хамгийн сайн “Рolybuteleny”  гэдэг  түүхий эдээр хийгдсэн  хуванцар  бүтээгдэхүүн юм. Энэ түүхий эдийн гол онцлог бол зэврэхгүй, нян бактери үүсгэхгүй, хөлдөлт ба халууныг тэсвэрлэх чанар өндөр, дулаан дамжуулах  чанар өндөр , бат бөх, удаан эдэлгээтэй байдаг.  Мөн  “РUSH– FIT“ систем буюу түлхэх аргаар угсрагддаг учраас угсралт энгийн хялбар,  цаг хугацаа зардал хэмнэсэн  эдийн засгийн өндөр үр ашигтай  бүтээгдэхүүн  юм. Солонгосын чанарын менежментийн гэрчилгээ, Технологи шинэчлэлийн гэрчилгээ , өндөр үр ашгийн гэрчилгээнүүдээс гадна  ISO-9001, АНУ, Орос, Хятад, Япон, Англи, Канад, Австрали, Бразил зэрэг улс орнуудын эрүүл ахуйн болон чанарын гэрчилгээ сертификатуудаар баталгаажин Олон Улсын хэмжээнд хүлээн зөвшөөрөгдсөн. 2008 онд Монгол Улсын стандартаар   (MNS- ISO 2008)  батлагдаж Монгол Улсад хүлээн зөвшөөрөгдсөн. Хоолойдоо 50 жил, холбох хэрэгсэлдээ 25 жилийн баталгаатай бүтээгдэхүүн юм.  Сүүлийн үед барилгын компаниуд  чанарыг их анхаарах болсон нь бидний хувьд маш том давуу тал болж байна.  Барилгын чанар  нь   барилга бүтээцийн  судас болсон  сантехник ямар  байгаагаас их хамаардаг гэж ойлгож болно.  

РВ хоолой холбох хэрэгслийн  ашиглалтын хүрээ нь  ямар байдаг вэ? 

Нийтийн орон сууц болон амины орон сууцанд угсрахаас гадна  цэвэр усны хоолой гэдэг утгаараа хүнсний үйлдвэрлэлийн салбар, хөдөө аж ахуй, газар тариалангийн  салбарт ч бас ашиглагдаж болно. 

Галын хоолой холбох хэрэгсэл дээр төдийлөн анхаардаггүй. Энэ тал дээр ямар чанар, стандартыг хангасан байх ёстой вэ? Туршилтаар баталгаажсан байдаг уу?

Одоо барилгуудад  төмөр, цайран хоолойгоор  галын хоолойг угсарч байна. Гэвч сүүлийн  үед энэ хоолойн үнэ эрс өсөн нэмэгдсэн. Мөн  угсрахад нэлээн ажиллагаа ордог онцлогтой. Энэ утгаараа шинэ төрлийн  галын хоолойг эрэлхийлэх зах зээлийн чиг хандлага бий болоод байна. Бид энэ чиг хандлагад нийцүүлэн  галын CPVC хоолой холбох хэрэгслийг нийлүүлэхээр ажиллаж байна. Юуны өмнө бид холбогдох зөвшөөрөл стандартыг нь гаргуулах тал дээр анхааран ажиллаж байна. Энэ нэлээн амаргүй ажил  байгаа.  Яагаад гэвэл Монголд галын хоолойг заавал төмөр байх ёстой гэж үзэн  хуванцар хоолойг хүлээн зөвшөөрдөггүй. Гэвч зах зээлийн чиг хандлагыг харгалзан тухайн улсынхаа судалгаа туршилтаар батлагдсан зохих гэрчилгээ стандартуудыг авсан бүтээгдэхүүнийг хүлээн зөвшөөрөх нь чухал  болов уу . Бидний нийлүүлэх гэж буй  CPVC галын хоолой нь  878^OC хэмийн галын туршилтаар батлагдсан БНСУ-д хүлээн зөвшөөрөгдсөн бүтээгдэхүүн юм. 

Намар болж байна. Олон газрууд халаалтын шийдлээ хийж эхэллээ. Тиймээс танай шалны усан халаалтын автомат удирдлагатай системийг талаар уншигчдадаа хүргэе гэж бодож байна. Хэрэглэгчдэд ямар давуу талуудыг бий болгож байна вэ? 

Шалны  усан халаалт гэдэг нь төвийн болон цахилгаан халаалтын тогооноос гарсан усыг халаалтын хоолойгоор дамжуулан өрөөг жигд халаадаг систем юм. Манай орны хувьд энэхүү систем  нэвтрээд 10  гаруй жил болж байгаа бөгөөд  нэлээдгүй олон барилга орон сууцанд угсарсан байдаг. Энэ нь  ус хуваарилах (коллектор) төхөөрөмжид байгаа хаалтыг нээж хаах байдлаар халаалтыг тохируулдаг механик систем байсан. Энэ хугацаанд шалны усан халаалтын талаар  хэрэглэгчдийн дунд “Өрөө маш дулаахан тав тухтай байсан” гэх эерэг  ойлголтууд их байсан. Гэвч өрөөний температурын өсөлтөөс болж  агаар хуурайших, толгой эргэх, доороос хэт  халах  гэх мэт шинж тэмдэгтүүд илэрч “Шалны халаалт нь Монголд тохирохгүй” гэж үзэх  үзэл бодол  байсныг үгүйсгэхгүй. Энэ нь тухайн өрөөний температурыг тохируулах  автомат  систем  нэвтрээгүй байсантай холбоотой байсан юм. Ингээд хэрэглэгчийн эрэлт хүсэлтийг хангах мөн техник технологийн хөгжлийг дагах хэрэгцээ шаардлагын улмаас шалны усан халаалтын автомат удирдлагатай системийг нэвтрүүлсэн. Энэ нь халаалтын температураа  хэрэглэгч хүссэнээрээ  тохируулах боломжтой  систем бөгөөд   дээрх  асуудлуудыг  бүрэн  шийдэх боломжтой болсон юм. Төвийн шугамын халаалтгүй тохиолдолд хоолойгоор гүйж байгаа шингэнийг халаахын тулд  бойлертой холбох бөгөөд  энэ нь олон янзын их үүсвэрээр ажилладаг. Жишээлбэл, газаар, цахилгаанаар, нам даралтын зуух буюу хатуу түлшээр гэх мэт. Эдгээр эх үүсвэрүүдээс сонгосноор шалны халаалтын систем гүйж байгаа дулааны шингэнээ халаах боломжтой болдог.

Бойлертой холбогдсон автомат удирдлагатай систем

Шалны усан халаалтын  систем нь дараах давуу байдлыг бий болгодог. 

• Ердийн радиотараар (пар) халах системийг бодвол дулаан зөөгчийн халах температур бага байдаг тул дулаан эх үүсвэрийн ашигт ажиллагааг дээшлүүлээд зогсохгүй өрөө бүрийн температурын тохируулагчтай болгосноор дулааны энергийг 20-30 хувь хэмнэх боломжтой болдог 
• Өрөөнүүд жигд халдаг учраас өрөөний аль ч хэсэгт температур жигд байдаг онцлогтой юм.  
• Тухайн хэрэглэгч өөрийн хүссэнээр өрөө бүрийн температурыг өөрчлөн удирдах боломжтой
• Гадна орчныг температур хувьсах үед өрөөний температурыг автоматаар тохируулдаг.
• Өндөр баталгаатай РВ хуванцар хоолойг ашигласнаар зэврэлт үүсэхгүй, ашиглалтын хугацааг уртасгадаг
• Шалны бүх гадаргууд халаалтыг өгснөөр жигд халдаг тул тоосонцор болон бусад хэлбэрийн бохирдол бага, эрүүл ахуйд тохирхомжтой орчинг бүрдүүлнэ. 

Танайх зөвхөн борлуулах биш угсрах ажлыг гүйцэтгэдэг үү? 

Бид 2022 он гэхэд угсралтын үйл ажиллагаа явуулдаг болно гэсэн зорилготой ажилласан. Энэ үйл ажиллагаа эхлүүлэхтэй холбоотой  бэлтгэл ажлуудаа үндсэндээ хангагдсан. Угсралтын ажлын чанар нь угсралтын багийн ур чадвар туршлагаас их хамаарах учраас  хүний нөөцийн бодлого дээр нэлээн анхаарч ажилласан даа.  

Сүүлийн жилүүдэд  ямар төслүүдтэй хамтран ажиллаж байгаа вэ? 

Сүүлийн 5 жилд  хэрэгжүүлсэн төсөлд  ажлуудаас дурдвал :  

2016 онд: Дүнжингарав худалдааны төвийн замын урд 12 давхар орон сууцны шалны халаалт болон цэвэр ус

2018 онд: Нарны гүүрний баруун талд Peace Town - 2 шалны халаалт

2019 онд: Хан уул дүүрэг Хүүшийн аманд байрлах 80 айлын 4 блок орон сууц “Belmonte luxury residence” –д шалны халаалт болон цэвэр ус

2020 онд Дүнжингарав худалдааны төвийн замын урд “National park” 3 блок 15 давхар орон сууцанд шалны халаалт (Автомат систем)

2020-2021 онд: Хан уул дүүрэг Хүүшийн аманд байрлах “Belmonte luxury residence” 2-р ээлжийн 3 блок 15 давхар орон сууцанд Шалны халаалт болон цэвэр ус 

Тэрэлжид байрлах Хаус хороолол 2 давхар 8 блок хувийн сууцанд шалны халаалт, цэвэр ус    гэх мэт ажлуудыг гүйцэтгэсэн байна. 

Таны бизнесдээ баримталдаг зарчим тань юу вэ? 

Ямар ч  бизнесийн хувьд   хамтрагч болон хэрэглэгчиддээ  бүтээгдэхүүн үйлчилгээний талаар  ямар үнэ цэнийг хүргэх вэ? гэдэг асуудал маш чухал байдаг. Яагаад гэвэл энэ нь  бизнесээ  хэрэгжүүлэхэд ямар зарчим баримталж ажиллах вэ? гэдгийг тодорхойлох үндэслэл болж өгдөг.  Манай компаний хувьд бүтээгдэхүүн үйлчилгээний талаар хурдтай   байх, чанартай байх, боломжийн үнийн саналтай байх , сайн  үйлчилгээ үзүүлэх гэсэн   үнэ цэнийг хүргэхээр зорин ажиллаж байна. Эдгээр үнэ цэнийг хүргэхдээ хариуцлагатай байх, итгэмжтэй байх, ёс зүйтэй байх, үнэнч шудрага байх гэсэн бизнесийн алтан зарчимуудыг баримтлан ажиллаж байна.  

Вэб сайт:  https://aikangmonkor.barilga.mn/

Утас: 94556790, 88191140