Цаг уурын эрс тэс уур амьсгалтай Монгол Улсад барилга бүтээн байгуулалтын ажил хүйтний улирал эхэлмэгц зогсдог цаг аль хэдийн ард хоцорчээ. Учир нь Японы “Айзава групп”-ын хөрөнгө оруулалттайгаар  үүсгэн байгуулагдсан “Айзава Монгол” ХХК улирлаас хамааралгүйгээр бетон зуурмаг үйлдвэрлэх зориулалттай, орчин үеийн шилдэг техник технологид суурилан, жилийн дөрвөн улиралд тасралтгүй бетон зуурмаг нийлүүлж эхлээд даруй 10 жил болоод байна.

Японы “Айзава групп” нь 1935 онд үйл ажиллагаагаа эхлүүлсэн бөгөөд Япон улсын анхдагч үйлдвэрүүдийн нэгийн хувьд улсынхаа хөгжил цэцэглэлтэд өнөөг хүртэл өөрийн бодит хувь нэмрээ оруулсаар иржээ. Тус групп нь Япон улсад 17 бетон зуурмаг болон 13 бетон хийц эдлэлийн үйлдвэр, найман салбартайгаар үйл ажиллагаа явуулдаг. Түүнчлэн ОХУ-ын Владивосток, БНХАУ-ын Шанхай, БНВУ-ын Хо Ши Мин хо, Сингапурт өөрийн компаниудтай бөгөөд бетон зуурмаг, бетон хийц эдлэл үйлдвэрлэлийн салбарт 90 гаруй жил ажилласан арвин туршлагатай компани юм.

Монголын бетоны хөгжлийн чиг хандлагыг тодорхойлогч “Айзава Монгол” ХХК нь хүйтний улиралд бетон үйлдвэрлэх боломжтой үйлдвэрийг 2012 онд ашиглалтад оруулснаас хойш өнөөг хүртэл амжилттай ажиллаж байна. 

Тус үйлдвэрийн давуу тал нь М700–М1000 хүртэл маркийн өндөр чанарын зуурмагийг цагт 150м³-г үйлдвэрлэх хүчин чадалтай тоног төхөөрөмж, удирдлагын системээр бүрэн тоноглогдсонд оршино.

Хүйтний улиралд бетон зуурмаг ашиглахад эхэн үеийн хөлдөлт ихээхэн хор уршигтай байдаг. Бетон зуурмагийг эхэн үеийн хөлдөлтөөс сэргийлэхэд бетоны хэм маш чухал юм. Тэгвэл өвлийн бетон зуурмаг цутгалтын салбарт мэргэшсэн “Айзава Монгол” ХХК-ийн хамт олон түүхий эдийн температурыг хянахын зэрэгцээ, тээвэрлэлтийн хугацаа, гадна орчны температурыг тооцоолон зуурмагийг цутгахад хамгийн тохиромжтой хэмд тогтмол барин нийлүүлдэг байна. 

Ингэснээрээ Монголын барилгын салбарын хамгийн тулгамдсан асуудал болсон хүйтний улиралд барилга угсралтыг үргэлжлүүлэхэд шаардлагатай их хэмжээний бетон зуурмагийг тасралтгүй нийлүүлж байгаль, цаг уурын хүчин хамаарахгүйгээр ажиллах боломжийг бүрдүүлээд байгаа юм.

“Айзава Монгол” ХХК бетон зуурмагаа Шангри-Ла зочид буудал, VII хороолол төсөл, Орон сууц, Оффис үйлдвэрийн барилга, Дулааны IV цахилгаан станцын 120мгВ Турбин, Төв цэвэрлэх байгууламжийн тусгай шаардлагатай бетон, КН апартмент, Яармагийн гүүр, Замын цагдаагийн гүүрэн гарц гэх мэтчилэн олон олон төслүүдэд нийлүүлэлт хийн ажиллаж байна.

ВЭБ САЙТ: https://aizawa-mongol.barilga.mn/

ХОЛБОО БАРИХ: 94092836, 94012836