"Мөсөн өргөө" спортын ордон өнөөдөр нээлтээ хийлээ

"Мөсөн өргөө" спортын ордон өнөөдөр нээлтээ хийлээ

Дэлхийн стандартад нийцсэн иж бүрэн цогцолбор, Монголын анхны өвлийн спортын ордон болох "Мөсөн өргөө" - ийн барилгын ажил дуусаж, өнөөдөр нээлтээ хийлээ. 

Хан-Уул дүүргийн “Шинэ яармаг” хороололд барьсан  энэхүү спортын ордонд хоккей, уран гулгалт, шорт трейкийн тэмцээн уралдаанаас гадна сагсан бөмбөг, гар бөмбөг, уран сайхны гимнастик, бокс зэрэг багийн болон ганцаарчилсан спортын төрлүүд, соёл, урлагийн тоглолт, экспо, хурал зэрэг олон нийтийг хамарсан арга хэмжээ зохион байгуулах боломжтой. Өөрөөр хэлбэл, мөсөн дээр зориулалтын хавтан дэвсээд энгийн заалны шал шиг болгодог аж. Суудлын тоог хоккейн тэмцээн зохион байгуулагдахад 2600, бусад арга хэмжээнүүдэд 3500 хүртэл нэмэх боломжтой юм.

Мөсөн өргөө төслийн барилгын концепц болох үндсэн хэлбэр нь газрын хэвгийг ашиглан мөсөн дээр гулгах хөдөлгөөнөөс санаа авч тектоникийг уран сайхны болон архитектурын хэлбэрийн  харьцаа болон хуваагдал хоорондын илэрхийлэмж үүсгэсэн налуу барилгуудын нийлмэл бүтэцтэй.   

Энэхүү ордон нь олимпын стандартаар буюу 60х30 хэмжээтэй, 12.7 мянган ам метр талбайтай бөгөөд 15 сая ам.долларын өртгөөр баригджээ. 

"Мөсөн өргөө" спортын ордны барилга, архитектурын талаар дэлгэрэнгүй уншихыг хүсвэл энд дарна уу

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ