Шинэ үеийн барилгын салбар үүсэж хөгжсөний 95 жилийн ойн баярын хүрээнд зохион байгуулагдаж буй салбарын томоохон арга хэмжээ болох "BARILGA EXPO 2021" үзэсгэлэн 14 дэх жилдээ Мишээл экспо төвд өнөөдөр 12 цагт нээлтээ хийлээ. 

Нээлтийн ёслолд Барилга, Хот байгуулалтын сайд Б. Мөнхбаатар, Газрын дарга Б. Гүнболд болон холбогдох албан тушаалтнууд, Барилгын хөгжлийн төвийн захирал Ц. Амарсанаа, Дэд захирал Д. Ибрай болон холбогдох албан тушаалтнууд, МБҮА-ийн Захирал Л. Хулан, МБМҮХ-ны менежер Г. Цэрмаа, Ерөнхий ивээн тэтгэгч “Эрхэт Монгол групп” ХХК-ийн маркетинг хариуцсан дэд захирал Г. Эрдэнэтөгс, Ерөнхий ивээн тэтгэгч “Тэсо пропертис” ХХК-ийн Захирал П. Лхагвадорж, “Тэсо пропертис групп”-ын гүйцэтгэх захирал Б.Мөнхзолбоо, Ивээн тэтгэгч “Монкон Констракшн” ХХК-ийн гүйцэтгэх захирал Л. Батхуяг зэрэг салбарын төлөөллүүд оролцлоо.

Үзэсгэлэнд барилгын салбарт үйл ажиллагаа явуулж буй 120 гаруй ААН байгууллагууд нэвтрүүлж буй шинэ дэвшилтэт техник технологи, захиалга авч буй шинэ сууцны төсөл хөтөлбөрүүд, барилгын материалуудаа иргэд олон нийтэд танилцуулж эхлээд байна. Мөн үзэсгэлэнгийн нээлтийн үйл ажиллагаа болоод оролцогч компаниудын бүтээгдэхүүн, барилгын материал, шинэ орон сууцны мэдээллийг онлайн хэлбэрээр www.barilgaexpo.mn сайтаас шууд LIVE-р хүлээн авч үзэх боломжтой. 

Үүнээс гадна үзэсгэлэнд оролцогч байгууллагууд зөвхөн үзэсгэлэнгийн өдрүүдэд худалдан авагч нартаа зориулан хямдрал, урамшуулал, хөнгөлөлтийг зарладаг бөгөөд энэ жилийн хувьд 30 орчим компани шинэ орон сууц болон барилгын материалдаа 50 хүртэлх хувийн урамшууллыг зарлаад байна. /Зарлагдсан урамшууллыг ЭНД дарж үзнэ/

Үзэсгэлэн 9 дүгээр сарын 9-12-ны өдрүүдэд үргэлжлэх тул та бүхнийг "BARILGA EXPO 2021" үзэсгэлэнд хүрэлцэн ирж барилгын салбарын хөгжил дэвшилтэй танилцан, хямдрал, урамшуулалтай худалдан авалт хийхийг урьж байна.

Ерөнхий зохион байгуулагч: Барилга МН

Хамтран зохион байгуулагч: БХБЯам, БХТөв, МБҮАссоциаци

Ерөнхий ивээн тэтгэгч: "Эрхэт Монгол групп" ХХК, Teso Properties LLC

Ивээн тэтгэгч: Монкон Констракшн ХХК