Барилга МН сэтгүүлийн 136 дахь дугаар хэвлэгдэн гарлаа

Барилга МН сэтгүүлийн 136 дахь дугаар хэвлэгдэн гарлаа

Шинэ үеийн барилгын салбар үүсэж хөгжсөний 95 жилийн ой, Барилгачдын баярыг угтсан Барилга МН сэтгүүлийн 9-р сарын дугаар хэвлэгдэн гарлаа. Барилга МН сэтгүүлийн дугаар бүрт тогтмол гардаг ярилцлагын булан, төрөл бүрийн судалгаа, салбарын тулгамдаж буй асуудлын хүрээн дэх нийтлэл, мэргэжилтнүүдийн зөвлөгөө, иргэдэд зориулсан булан болон амины орон сууцны төрөл бүрийн мэдээлэл, шинэ орон сууц, барилгын гол нэрийн материалын үнэ ханш нийтлэгддэг билээ. 


Энэ удаагийн дугаарын нүүр хуудсанд Пирамид Индастри” ХХК  хамтран ажиллаа.  


Сэтгүүлийн онцлох булангуудыг танилцуулж байна.


VIP ярилцлага: Барилгачдын баярт зориулсан энэ удаагийн дугаарын VIP зочноор БХБ- ийн сайд Б.Мөнхбаатрыг урьж, ярилцлаа. 

Тэрээр улс төр судлаач, хуульч, Лондонгийн их сургуулийн бизнесийн удирдлагын магистр зэрэгтэй бөгөөд Боловсролын яам, Хөдөлмөр, нийгмийн хамгааллын дэд сайд, Баянзүрх дүүргийн Засаг дарга, Улаанбаатар хотын орлогч дарга, уул уурхайн салбар гээд олон чиглэлд ажиллаж туршлагажсан нэгэн. Тийм ч учраас өнөөгийн барилга, хот байгуулалтын салбарыг цогцоор нь харж, шат ахиулан хөгжүүлэх төлөвлөгөөг гарган, богино хугацаанд олон ажлын ард гараад байгаа юм. 

Барилгачны алдар: Хот төлөвлөлт, барилгын зураг төслийн салбарт 41 ажил ажиллаж буй МУ-ын Зөвлөх архитектор, Монгол Улсын “Гавьяат барилгачин” цол тэмдэгт Хот төлөвлөлт, Судалгааны институтийн Хот төлөвлөлтийн хэлтсийн дарга Л.Ганбатыг урин ярилцлаа. 

Тэрээр Улаанбаатар хот болон орон нутгийн хөгжлийн ерөнхий төлөвлөгөө, хэсэгчилсэн ерөнхий төлөвлөгөө, салбарын болон Замын-Үүд чөлөөт бүсийн мастер төлөвлөгөө, ТЭЗҮ, хот төлөвлөлтийн суурь судалгаа, барилгын зураг төсөл боловсруулах олон төсөлд удирдагч, дэд удирдагч, зохиогч архитектор, хот төлөвлөгч зохиогчоор ажилласан. Одоо Улаанбаатар хотын 2040 он хүртэлх хөгжлийн ерөнхий төлөвлөгөө боловсруулах ажлын Архитектур, орон зайн төлөвлөлт, Зам тээврийн  ажлын хэсгийг ахлан ажиллаж байна.

Дэвшилтэт технологи: Бөмбөгөр хэлбэр дэх энергийн хуваарилалт, агаар сэлгэлт, гэрэлтүүлгийн жигд байдал зэрэг нь хүний биед эерэг нөлөөтэй нь батлагдаж, дэлхийд олон улсад нарийн судлагдан технологи нь улам боловсронгуй болж хөгжсөөр байна. 

Тиймээс энэ удаагийн “Дэвшилтэт технологи” булангаараа  хамгийн эко, эрчим хүчний хэмнэлттэй, урт насжилттай хэмээн үнэлэгдээд байгаа Япон технологи бүхий “Sку” бөмбөгөр байшинг танилцуулж байна.  

Мэргэжлийн зөвлөгөө: Манай орны тэр дундаа Улаанбаатар хотын онцлог бол төмөр бетон хийц бүхий угсармал орон сууцны барилга ихтэй бөгөөд шинээр баригдаж байгаа  төмөр бетон каракас эсвэл төмөр бетон бүрэн цутгамал хийцийн барилгуудад оршин суугчдийн хувьд ч дуу чимээний бохирдол тулгамдсан асуудал болсон нь та бидэнд ил билээ.


Амины орон сууц: Амины орон сууцтай болохоор төлөвлөж буй иргэдийн хандлага нь эдийн засгийн хэмнэлттэй, ашиглалтын зардал бага, эрүүл мэнд байгаль экологид ээлтэй, ногоон барилгын стандартад нийцсэн гэх мэтчилэн олон хүчин зүйлд анхаарч сонголтоо хийдэг болсон. Ногоон барилгын стандартыг мэдэж байх хэрэгтэй. 

Гадна, дотроосоо сайхан байшин байлаа ч хүний эрүүл мэндэд сөрөг нөлөөтэй өөрөөр хэлбэл, гаднаа гяланцаг дотроо паланцаг байшин босвол асуудал араасаа дагуулж, үргүй зардал гарсаар байх болно.

Дуулгах сонин: 10 гаруй жил, 550 сая долларын хөрөнгө оруулалт, архитекторын уран шийдлийн дараа дэлхийн 2-р дайны үеийн орхигдмол уурхайн карьер нь тансаг зэрэглэлийн Inter Continental Shanghai Wonderland гэх Хятадын уран барилгын шинэ хуудсын тэргүүн эгнээнд бичигдэх үзэсгэлэнтэй сайхан орчин бүхий зочид буудлын талаарх 3 дахь цувралыг хүргэж байна. 


Сар тутмын Барилга МН сэтгүүлээ захиалаад үнэгүй хүргүүлэн аваарай. 


Та сэтгүүл захиалах бол ЭНД дарна уу.


Онлайнаар унших бол ЭНД дарна уу. 


Утас: 9100-0233, 7711-3333


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ