Лед гэрэл нь улайсдаг гэрлээс 8 дахин бага эрчим хүч зарцуулдаг

Лед гэрэл нь улайсдаг гэрлээс 8 дахин бага эрчим хүч зарцуулдаг

БНСУ-ын лед гэрлийн салбартаа тэргүүлэгч үйлдвэр болох дэлхийн 20 гаруй улсад өөрийн бүтээгдэхүүнээ нийлүүлдэг “DSE” компанийн HIPPO брэндийн лед гэрлийг 2019 оноос Монголын зах зээлд албан ёсны эрхтэйгээр нийлүүлж буй “Амар Гранд” ХХК-ийн Ерөнхий захирал Б.Батсүрэнтэй богино хугацаанд ярилцлаа. 

Сайн байна уу? Юуны өмнө лед гэрлийн үүсэл, хувьсан өөрчлөлт болоод сүүлийн үеийн гэрэл нь ямар онцгой чанартай болж буй талаар асуумаар байна?

Сайн байна уу? Та бүхэнд энэ өдрийн мэнд хүргэе. Лед гэрлийг, анх 1962 онд Америкийн зохион бүтээгчид болох Питтман, Биард нар LED гэрлийн анхны хэт ягаан туяаны хувилбарыг гарган патентыг авч байсан гэдэг. Шар өнгийн LED-ийг 1972 онд М.Жорж Крафорд Монсанто компанид, 1991 онд цагаан LED-ийг Нарухито Иваса химийн Nichia компанид, 1994 онд цэнхэр LED-ийг Японд Шүжи Накамура зохион бүтээсэн. Тэр үеэс хойш өнөөдрийг хүртэл лед гэрэл маш их хувьсан өөрчлөгдөж улам боловсронгуй болсоор байна. Одоо үед дэлхий даяар улайсах гэрлийн хэрэглээг багасгаж эрчим хүчинд хэмнэлттэй эко лед гэрлийг түлхүү хэрэглэх болсон.


Харин манай улсад?

Монгол Улсад 2000 оноос эхлэн лед гэрлийг ашиглаж байгаа. Гэсэн хэдий ч одоогоор зарим нэг байгууллага, айл өрхүүд улайсдаг гэрэл ашигласаар байгаа нь харагддаг. Гэрэлтүүлэг бидний амьдралд маш чухал байр суурь эзэлдэг. Чанартай гэрэлтүүлэг хэрэглэгчиддээ нийлүүлэх нь эрүүл мэнд болон эдийн засгийн хувьд хэрэгтэй учраас энэ бизнесээ эхлүүлсэн.

Бидний өдөр тутмын амьдралд гэрэл ямар нөлөөтэй, хэрэгцээ шаардлага ямар байдаг талаар ярих нь зөв байх?

Таны ажил, гэр, үйлчлүүлж байгаа орчны интерьерийн нэг чухал хэсэг бол мэдээж гэрэлтүүлэг байдаг. Чанартай сайн материалаар интерьерээ бий болгосон хирнээ гэрэлтүүлэг нь тун тааруу байгууллага, айл өрхүүд байдаг. Тэгэхээр маш сайн шийдэл, үнэтэй материалаар интерьерээ шийдсэн ч гэрэлтүүлэг муу бол орчин тухгүй болно. Энэ нь гэрэлтүүлгийн чанар муу орчинд удаан хугацаанд нь байх нь таны болон ойр тойрны хүмүүсийн хараанд сөргөөр нөлөөлдөг найдвартай, сайн чанарын гэрэлтүүлэг бидний ажиллаж амьдрах орчинд хамгийн чухал гэдгийг хэлэх зөв байх. 

Зах зээлд борлуулагдаж байгаа гэрэлтүүлгийн чанар ямар байгаа бол? 

Өнөөдрийн байдлаар манай улсын зах зээл дээр борлуулагдаж байгаа LED гэрэлтүүлгийн хэрэгслүүд үйлдвэрлэгчээс шалтгаалж үнэ болоод чанарын хувьд нэлээд их зөрүүтэй байна. Борлуулагдаж буй тэр их LED гэрэлтүүлгүүд нь хүчдэл болоод гүйдлийн тохируулга тохиромжтойгоор хийгдээгүй, дулаан шингээх эд анги дутагдалтай байдаг

Ерөнхийдөө материалын чанар дээр их хэмжээний хэмнэлт гаргаснаар хямд үнэтэй гэрэлтүүлэх хэрэгсэлүүд их хэмжээгээр худалдаалагдаж байна л даа. Хэдийгээр үнэ хямд мэт энэ нь ашиглалтын зардал өндөр гаргадаг. Өөрөөр хэлбэл амархан шатах, бүдгэрэх, тог зарцуулалт өндөр байх зэргийг тооцон үзвэл үнэтэй, чанартай гэрлээс илүү өртөгтэй болсон байдаг.

Улайсдаг гэрлээс лед гэрлийн давуу тал нь юу вэ?

Лед гэрэл нь уламжлалт улайсдаг гэрлээс 8 дахин бага эрчим хүч зарцуулдаг бөгөөд 25 дахин удаан эдэлгээтэй гэсэн тооцоо байдаг. Гэрэлтүүлэх чадвар болон хүний нүдэнд үүсэх ачаалал багатай гэх мэт ашигтай давуу талтай нь аль хэдийн батлагдаад ихэнх улс орнуудын хэрэглээ болоод удаж байна гэж хэлж болох юм. 

Улайсдаг гэрлийн хэрэглээ нь эрчим хүчний зарцуулалт өндөр тул эрчим хүчний сүлжээний ачааллыг нэмэгдүүлж агаарын бохирдол, уур амьсгалын өөрчлөлтөд сөрөг нөлөө үзүүлдэг.


Та өөрийн зах зээлд нийлүүлж буй HIPPO LED гэрлийн талаар уншигчдад мэдээлэл өгөөч? 

Энэхүү гэрэл нь БНСУ-д евро стандартаар үйлдвэрлэгдсэн. HIPPO брэндийн гэрлүүд нь лед драйвер болон LED-үүд нь хамгийн тохиромжтой байдлаар төлөвлөгдсөн, цахилгааны хэлбэлзэлд тэсвэрлэх чадвар сайтай байдаг. Халалт болон гадны нөлөөллөөс LED-үүдээ сайн хамгаалсан бүтэцтэй. Тиймээс эдэлгээний хувьд зах зээлд борлуулагдаж буй бусад гэрэлтүүлгийн хэрэгслүүдээс насжилтаар 2-3 дахин удаан, эрчим хүчний хэмнэлтийн хувьд ч ижил стандартын гэрлүүдээс 30-80% илүү байдаг. Гал дэмждэггүй материалаар хийгдэж, үйлдвэрээс бүх гэрэлтүүлэгтээ 18 сарын баталгаа өгдөг. 


Одоогоор хэрэглэгчдийн сайн мэдэх нэмэх-хасах лед гэрлээс гадна уур, ус, тоосны хамгаалалттай прожектор, нүдэн гэрэл, ламп, Т8, Т5 загварын лед гэрлүүд, Панел, Спот, Коб нүдэн гэрэл, гарааш, агуулахын зориулалттай гэх мэт 70 гаруй нэр төрлийн гэрлүүдийг зах зээлд нийлүүлж байна.




ВЭБ САЙТ: https://amargrand.barilga.mn/


УТАС: 7015-2020, 8675-2020


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ