Сар тутмын Барилга МН сэтгүүлийн 8-р сарын дугаар хэвлэгдэн гарч эрхэм захиалагч, уншигч таны гарт очиход бэлэн боллоо. 

Барилга МН сэтгүүлийн дугаар бүрт тогтмол гардаг ярилцлагын булан, төрөл бүрийн судалгаа, салбарын тулгамдаж буй асуудлын хүрээн дэх нийтлэл, мэргэжилтнүүдийн зөвлөгөө, иргэдэд зориулсан булан болон амины орон сууцны төрөл бүрийн мэдээлэл, шинэ орон сууц, барилгын гол нэрийн материалын үнэ ханш нийтлэгддэг билээ. 

Энэ удаагийн дугаарын нүүр хуудсанд “Универсум групп” ХХК  хамтран ажиллаа.  

Сэтгүүлийн онцлох булангуудтай танилцана уу.

VIP ярилцлага: Салбартаа хийж бүтээсэн зүйлээрээ нэр хүндтэй, манлайлагчдыг VIP ярилцлагадаа урьж, тэдний бахархам амжилт, уран бүтээлийн талаар хүргэдэг билээ. 

Энэ удаагийн дугаартаа “Тэргүүний барилгачин”, “Алтан гадас” одонт, “Аж үйлдвэрийн гавьяат ажилтан”, “Монгол улсын гавьяат барилгачин” цол тэмдэгт Хөтөлийн “Цемент Шохой” ХК-ийн Гүйцэтгэх захирал А.Шоовдорыг урин ярилцсанаа хүргэж байна. 

Нийтлэл: Зар сурталчилгаа гэдэг ойлголт нь барилгын материал гэдэг нэр томьёоны хувьд хаа сайгүй байдаг өргөн хэрэглээний саван, автомашин, унадаг дугуй гэх бараа бүтээгдэхүүнтэй ижил утгатай бөгөөд эдгээр нь барилгын материал борлуулдаг компаниудтай нягт холбоотой ойлголт юм. Нэг үгээр хэлбэл маркетинг гэдэг нь бүх төрлийн бараа үйлчилгээний Брэндийг бий болгохын тулд хийж буй үйлдэл, хүчин чармайлт гэж ойлгож болно. 

Энэ талаарх дэлгэрэнгүй мэдээллийг энэхүү булангаас үргэлжлүүлэн уншина уу. 

Мэргэжилтний санал: Барилга МН сэтгүүлийн 2021 оны 07 сар №134 дугаарын 43-50-р хуудсанд хэвлэгдсэн “Зам, талбайн борооны ус зайлуулах шийдэл, төлөвлөлтийн асуудлууд” гэсэн нийтлэлийн үргэлжлэлийг хүргэж байна. 

Энэхүү нийтлэл нь зам, талбайн борооны ус зайлуулах техникийн шийдлүүд, тэдгээрийн инженерийн төлөвлөлт, тооцооны асуудлуудыг агуулна. 

Тодруулга: Дэлхийн нийтэд тархаад буй цар тахлын улмаас манай орны төдийгүй олон улс орны материалын татан авалтууд удааширч, үүнтэй холбоотойгоор тээвэрлэлт хүндэрч өнгөрсөн жилийн мөн үеэс үнэ маш их өссөн үзүүлэлттэй байна. 

Материалын үнэ нэмэгдэх гол хүчин зүйл болоод байгаа тээвэрлэлтийн нөхцөл байдлаас шалтгаалан олон асуудал, эрсдэлүүд бий болж байна.

Амины орон сууц: Энэ удаагийн зөвлөгөө мэдээллээр барилгын чанарын гол үзүүлэлт болох амины орон сууцны суурийн төрлүүдийн талаар мэргэжлийн зөвлөгөөг “Амины орон сууцны инновац хөгжлийн төвийн зөвлөх, Монгол улсын зөвлөх инженер Б.Баярхүүгийн бэлтгэсэн зөвлөгөөг хүргэж байна.

Дуулгах сонин: 10 гаруй жил, 550 сая долларын хөрөнгө оруулалт, архитекторын уран шийдлийн дараа дэлхийн 2-р дайны үеийн орхигдмол уурхайн карьер нь тансаг зэрэглэлийн Inter Continental Shanghai Wonderland гэх Хятадын уран барилгын шинэ хуудсын тэргүүн эгнээнд бичигдэх үзэсгэлэнтэй сайхан орчин бүхий зочид буудлын талаарх 2 дахь цувралыг хүргэж байна. 

Үнэ ханш

Сар тутмын Барилга МН сэтгүүлээ захиалаад үнэгүй хүргүүлэн аваарай. 

Та сэтгүүл захиалах бол ЭНД дарна уу.

Онлайнаар унших бол ЭНД дарна уу. 

Утас: 9100-0233, 7711-3333