Барилгын үйл ажиллагааны тусгай зөвшөөрөл олгох үйл ажиллагааг бүрэн цахимд шилжүүлэх ажлын хүрээнд программын туршилтын ажил нь 2021 оны 07 дугаар сарын 01-ний өдрөөс эхлээд байна. 

Үүнтэй холбоотойгоор Барилга, хот байгуулалтын сайдын 2021 оны 06 дугаар сарын 25-ны тушаалаар “Барилга байгууламжийн зураг төсөл боловсруулах, барилгын ажил гүйцэтгэх, барилгын материалын үйлдвэрлэл, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх хуулийн этгээдэд тусгай зөвшөөрөл олгох, үйлчилгээний хөлс тогтоох, тэдгээрт хяналт, тавих журам” - ыг шинэчлэн баталлаа. 

Хуулийн этгээд тусгай зөвшөөрлийн өргөдлийн хүсэлтийг Барилгын салбарын мэргэжилтэн болон хуулийн этгээдийн мэдээллийн нэгдсэн сан /тусгай зөвшөөрлийн цахим систем/ буюу http://www.license.mcis.gov.mn/ сайтаар дамжуулан гаргана. Хүсэлт гаргагч нь ДАН системээр нэвтрэн иргэний баталгаажуулалтаа хийж, ХУР системд бүртгэлээ үүсгэх юм. 

Харин өргөдлийн хүсэлтийг шийдвэрлэхдээ зохион байгуулагч байгууллага нь өргөдөл хүлээн авснаас 5 хоногийн дотор барилгын асуудал эрхэлсэн төрийн захиргааны төв байгууллагад илгээх бөгөөд  холбогдох шийдвэрийг 5 хоногийн дотор гаргах юм. 

Барилгын үйл ажиллагааны тусгай зөвшөөрөл болон хот байгуулалтын баримт бичиг байгуулах боловсруулах суурь хөлсний хэмжээ 420 мянган төгрөг байна. 

Барилгын үйл ажиллагааны тусгай зөвшөөрлийн хүсэлтийг илгээх үйл ажиллагаа нь төрийн мэдээллийн сангуудтай холбогдсон тус тус цахим программд бүртгүүлэх инженер, техникийн  ажилтнууд E-mongolia платформд бүртгүүлсэн байх шаардлагатай.

Тус системд бүртгүүлэх гарын авлагатай  http://license.mcis.gov.mn/ сайтад нэвтэрч танилцана уу 

         Журмын дэлгэрэнгүйг эндээс уншиж танилцана уу. 

Хуулийн этгээдэд тусгай зөвшөөрөл олгох, ажлын төрөл, суурь шаардлага

Барилга байгууламжийн зураг төсөл боловсруулах, барилгын ажил гүйцэтгэх, барилгын материалын үйлдвэрлэл, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх хуулийн этгээдэд тусгай зөвшөөрөл олгох, хяналт шалгалт тавих үйлчилгээний хөлсний хэмжээ