Шүршдэг хөөсөн дулаалга нь модон араг хийцтэй барилгыг ч гал түймрээс найдвартай хамгаална

Шүршдэг хөөсөн дулаалга нь модон араг хийцтэй барилгыг ч гал түймрээс  найдвартай  хамгаална


Эрс тэс уур амьсгалтай манай оронд дулаан байшинд амьдарна гэдэг өвлийн улирлын хамгийн том асуудал юм. Дулаалгын материалаа булуу сонгох, дулаалгаа буруу хийх зэргээс шалтгаалж байшин дулаан алддаг. Энэ нь таны үл хөдлөх хөрөнгө муудаж, үнэлэмж унахаас гадна таны эрүүл мэндэд сөргөөр нөлөөлж тав тухыг хамгийн ихээр алдагдуулдаг. 


Тэгвэл бид дэлхийн бүхий л оронд ашиглагдаж буй шүршдэг хөөсөн дулаалгыг санал болгож буй Гэрчулуу Констракшн ХХК-ийн үүсгэн байгцуулагч Т.Отгонтөмөртэй ярилцлаа 


Гэрчулуу Констракшн ХХК-ийн үйл ажиллагааны чиглэл, зорилгоо танилцуулаач?


Бид 2005 оноос барилгын салбарт бизнесийн үйл ажиллагаа эхлээд 2007 оноос амины орон сууц барих чиглэлээр дагнан ажиллаж Монголын эрс тэс уур амьсгалд тохирсон дулаан алдагдал багатай амины орон сууцны төслүүд хэрэгжүүлсээр ирлээ.


Миний бие компаниа байгуулаад 16 жилийн хугацаанд компанийн үйл ажиллагааг тасралтгүй сайжруулсаар ирсэн бөгөөд одоо залгамж залуу үетэйгээ хамтран шинэ шатанд гаргахаар ажиллаж байна.


Барилгын чанар нь гүйцэтгэл болон материалаас шууд хамаардаг. Бид хэрэгжүүлсэн төсөл бүр дээр алдаа оноогоо дүгнэн мэдлэг туршлага хуримтлуулан барилгын гүйцэтгэлийг сайжруулан ажилласан. Чанартай,  шилдэг түүхий эдийг КАНАД, ОХУ-аас оруулж ирж худалдаалахаас гадна мэргэжлийн туршлагатай баг дулаалгын үйлчилгээг үзүүлдэг.

“Залга, дулаал, хэмнэ” уриан доор бид хэрэглэгчдээ тав тухтай, урсгал зардал маш бага амьдрахад туслах зорилготой үйл ажиллагаагаа явуулдаг.


Энэ хугацаанд салбартаа оруулсан хувь нэмэр, компанийн хөгжлийн талаар сонирхуулаач? 


Анх амины орон сууц барьж гараагаа эхэлсэн манай хамт олон өвөл барьсан байшинд маань ямар нэгэн асуудлууд үүсч, тэдгээрийг шинжлэх ухаанчаар шийдэхийн тулд технологио сайжруулж, гүйцэтгэлд тавих хяналт шалгалтаа шат, шатанд нь боловсронгуй болгосоор өнөөдрийн төвшинд хүрчээ.


Манай инженерүүд дулаан алдагдлыг тодорхойлох төхөөрөмжөөр  24-с 48 цагийн турш гадаа температурын өөрчлөлтөд /-20С-оос -40С/ хаших хийц болон дулаалгын материалын дулаан алдагдлыг тодорхойлох мэдээлэл цуглуулах хэмжилт хийн, мэдээллээ боловсруулснаар таны байшингийн ямар хэсгийг хэрхэн дулаалж, хэдэн хувиар дулаан алдагдалыг бууруулж болох шийдэл саналыг боловсруулан хэрэглэгчдээ танилцуулдаг. 


Дулаан алдагдлын тооцоолол туршилтаа үндэслэн барилгын дулаалгыг янз бүрийн материалуудаар хийж байсан. +40С-с -40С-н температурын өөрчлөлтөд дулаан алдагдал хамгийн бага сайн чанартай бүтээгдэхүүн бол полиуретан шүршдэг хөөсөн дулаалга болохыг баталж барьж буй амины орон сууцандаа энэхүү бүтээгдэхүүнийг сонгон дулаалах болсон.

 

Хамгийн хүйтэн нийслэл болох манайд дулаан алдагдалгүй байна гэдэг өвлийн улиралд байнгын яригддаг асуудал. Ер нь дулаан алдагдал юунаас болдог вэ? 

Дэлхий дээр  манай хот шиг хавар өдөртөө нэмэх байснаа шөнө нь хасах -20С хүртэл хүйтэрдэг газар бараг байхгүй. Энэ нь дулаалгын материалын чанар насжилтыг жинхэнэ шалгадаг гэх үү дээ. Амины орон сууцны технологи асар хурдтайгаар хөгжин, бидний уламжлалт ойлголтууд хоцрогдож талбай, эзлэхүүнээр халаах төхөөрөмжөө тооцоолдог арга хуучирч байна. 


100 хувь дулаан алдагдалгүй байшин барьсан л бол дотор нь амьдарч байгаа та өөрөө +37С-ийн халаалтын эх үүсвэр болдог. Байшингаа дулаан алдагдал багатай дулаалахад л утааг арилгах боломжтой. Энэ талаар 10 жил судалж байна. Компанийнхаа вейбсайт болон пейж хуудсаар байшингаа хэрхэн дулаахан барих, манайхны нийтлэг гаргадаг алдааны талаар зөвлөгөөнүүдийг байнга оруулдаг. Хамгийн гол асуудал бол битүүмжлэл байдаг. Энэ тухай бид энэ хавар “Битүүмжлэл : Энергийн хэмнэлттэй сууцанд хэр чухал вэ?” сэдэвт онол практик хосолсон онлайн сургалт вебинарийг зохион байгуулсан. 


Барилгад хэрэглэгдэж байгаа дулаалгын материал нь голдуу ямар материал байна. Тэр нь шаардлага хангаж байна уу? 

Түрүүн дээр хэлсэнчлэн эрс тэс уур амьсгалтай манай цаг агаар дулаалгын материалын насжилтад асар их нөлөөлдөг. Урт хугацаандаа чанараа алдахгүй дулаан алдагдал нь хэвээрээ байх бүтээгдэхүүн бол шүршдэг хөөсөн дулаалга болохыг дэлхий хүлээн зөвшөөрч, НАСА хүртэл сансрын хөлгийн дулаалгадаа энэхүү бүтээгдэхүүнийг сонгож байна. Сүүлийн 10 жилийн хугацаанд барилгын дулаалгын материалын  дэлхийн тэргүүлэх 10 компаниудын 5 нь шүршдэг хөөсөн дулаалгын түүхий эд үйлдвэрлэгчид болсон. Эндээс шүршдэг хөөсөн дулаалгын зах зээл хэр хурдтай тэлж байгааг харж байгаа байх аа. 


Тэгвэл дулаалга хийх дээ болон дулаалгын материал сонгохдоо хувь хүн ААН-үүд юун дээр анхаарах хэрэгтэй вэ? 

Амины орон сууц барьж байгаа компаниуд арилжааны зорилготой учраас дулаалгын материалын насжилтад анхаарал бүрэн хандуулахгүй байна. Манай хэрэглэгчид дулаалгын тухай, түүний ач холбогдлын талаар мэдлэг дутуу байна. 


Бид амины орон сууцны талаарх хэрэглээ бага тул гадаадад сурч амины орон сууцанд амьдарч үзсэн цөөнх иргэд энэ тал дээр маш их санаа зовж, бидэнд хандаж чанартай урт настай амины орон сууцны талаар дуу гарч ярьж байна. Сүүлийн үед залуучууд пассив сууц барьж, сурталчилж, их зүйл хийж байна. Тав тух бол дулаан амьдрах тухай л асуудал юм. Тиймээс дулаалга, битүүмжлэлийн талаарх манай зөвлөгөө, вебинарыг уншиж сонсож мэдлэгтээ нэмэрлээрэй. 


Мөн тухайн дулаалах материалынхаа гарал үүсэл, сертификат, чанарын баталгааг нь заавал гүйцэтгэгчээсээ шаардаж авч шалгах хэрэгтэй. Фреон суурьтай шүршдэг хөөсөн дулаалгыг 2020 оны 1 сарын 1-нээс Монгол Улсын хилээр оруулахыг хориглосон байгаа.


Танай шүршдэг хөөсөн дулаалга нь ямар онцлог давуу талтай вэ? 

Бидний гол баримталдаг зарчим бол хүний эрүүл мэнд, байгаль орчинд сөрөг нөлөөгүй, чанартай бүтээгдэхүүнээр үйлчилгээ үзүүлэх байдаг. Тиймээс олон жил судалж, туршиж үзсэний эцэст усан суурьтай, байгалийн гаралтай Евро стандартын түүхий эдээр үйлчилгээ үзүүлдэг болсон. Дулаан алдагдалгүй байшин барья гэвэл төгс дулаалгын материал сонгох нь чухал. 


Шүршдэг хөөсөн дулаалга маань зориулалтаасаа хамаарч - дулаалга, ус тусгаарлалт, хэв хашмал, хоосон орон зайг дүүргэх гэх мэт олон төрлийг нь бид захиалгаар нийлүүлдэг. 


Уг хөөсний хамгийн гол давуу тал бол температурын өөрчлөлтөд ямар ч агшилт өгч ховхрохгүй, бүх төрлийн гадаргууд наалдаж дулаалдаг. Шүршдэг хөөсөн дулаалгаа жил бүр сайжруулсаар зориулалт, нягтаас хамаарч ОХУ-ын Экотермикс (ECOTERMIX) болон Канадын Айсинин (ICYNENE) брэндүүдийг оруулж ирж зах зээлд нийлүүлдэг. 

Бүх төрлийн барилгын дулаалгад ашиглаж болох ба гал дэмжихгүй Г2 стандартыг хангасан. Ташрамд хэлэхэд модон араг хийцтэй барилгыг гал түймрээс найдвартай хамгаалдаг дулаалга бол шүршдэг хөөсөн дулаалга юм шүү. Зах зээлийн өрсөлдөгч нар маань гал дэмждэг мэтээр сошиалд худал ташаа мэдээллүүд оруулж байдагт маш их харамсдаг бөгөөд технологийн дэвшилд ямар ч худал хуурмаг зүйлс явуургүй болсон. Youtube-ээр дүүрэн шүршдэг хөөсөөр дулаалсан барилгууд түймэрт өртдөггүй, маш бага хохирол амсдаг болохыг харуулсан бичлэгүүд байдаг.


Барилгын дулаалгын шинэ залуу салбар болох шүршдэг хөөсөн дулаалгыг дэлхийн бүх улс орнууд ашиглаж байна. АНУ-ын хойд мужууд болон Канадад барилгын дулаалгын стандартдаа энэхүү бүтээгдэхүүнийг албан ёсоор оруулж мөрдөж байна. Сибирийн хүйтэнд Экотермикс бүтээгдэхүүн маань дулаалгын зах зээлийнх нь 60 хувийг хангаж байна. Бидний дистрибьютор нь болоод байгаа АНУ (Канад)-ийн хамтарсан Хантсман (HUNTSMAN) үйлдвэр дэлхийн хамгийн том нийлүүлэгч болоод байна.


Хөөсөн дулаалгыг хувь хүн өөрөө хийх боломжтой юу? 

Энэхүү дулаалгыг хувь хүн хийх боломжгүй бөгөөд тусгай шүршдэг төхөөрөмжөөр шүршдэг. Энэ завшааныг ашиглаад энэхүү шинэ технологийг хөдөө орон нутагт хийх сонирхолтой хувь хүн, аж ахуйн нэгжүүдтэй хамтран ажиллахад бид бэлэн байгааг дуулгахад таатай байна. Манай компанийн ажилтнууд ОХУ-д бүтэн сургалтад сууж шүршдэг хөөс хийх албан ёсны сертификатыг авч ажилладаг хамт олон юм. 



Танай бүтээгдэхүүнтэй хамтарсан томоохон төслүүдээсээ дурдвал? 

Бүх өнөөдрийг хүртэл барилгын топ аж ахуйн нэгжүүд болох Хурд групп, Шунхлай групп, Эс Девелопмент, Их Үйлсийн Эрэлд, Эм Эс Эм, Степпе Арена гэх мэт 40 гаруй аж ахуйн нэгж, 500 гаруй хувь хүмүүстэй хамтран ажилласан байна. 


Баярлалаа.


СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ