Барилгын фасадаа нарны зайн хураагуур болгон ашигласан барилга LAD

Барилгын фасадаа нарны зайн хураагуур болгон ашигласан барилга LAD

Архитектор: MVRDV

Тогтвортой байдлын зөвлөх: Питер Менсинга /Peter Mensinga/

Талбай: 18,900м²

Дууссан он: 2021 он

БНХАУ - ын Шанхай хотод хамгийн ногоон, хамгийн ухаалаг барилгуудын нэг болоод байгаа LAD / Lankuaikei Agriculture Development/ буюу Хөдөө аж ахуйн төвийн оффиссын барилга нь сүндэрлэжээ. Уг 11 давхар барилгыг барихдаа энгийн болон өндөр түвшний технологийг хослуулж /high- and low-tech/ тогтвортой байдал, ногоон дээврийг бий болгосон бөгөөд ажилтнуудыг ногоон байгууламж бүхий гадаах орчинд ажиллах нөхцөлийг хангасанаараа онцлог юм. 



Барилгыг дээрээс нь харахад тэгш өнцөгт хэлбэрийн боловч дотроо цуваа шатлал бүхий дэнж, явган хүний гарц бүхий муруй зохион байгуулалттай. Дэнжүүд нь мод, ногоон байгууламжтай бөгөөд дээврийн хэсэгт “Хөдөө аж ахуйн төв” - ийн эрдэмтэд судалгааны ажлаа хийх нөхцөлийг бүрдүүлжээ.  

Барилгын шилэн фасад нь нарны зайн хураагуурын үүрэг гүйцэтгэхээс гадна өвлийн улиралд нарны элчийг нэвтрүүлэх, зун хурц туяанаас хамгаалж, гандах дуу чимээнээс тусгаарлах зэрэг олон талын ашиг тустай юм. Нарны зай хураагуурын ачаар барилга ашиглалтад 0 эрчим хүч зарцуулдаг. 


Барилгын хойд хэсэг буюу дээврийн доорх дэнжүүдийг борооны усаар услах, байгалийн гэрлийг нэвтрүүлэх боломжийг бүрдүүлсэн. Мөн ердийн барилгыг бодвол 40% бага нүүрстөрөгч ялгаруулдаг. Дээврийн бүтэц болон дэнж нь байгалийн агааржуулалтыг үр дүнтэй болгоход тусалдаг. Энэхүү агааржуулалт ба сүүдэрлэх стратеги нь эрчим хүчний хэрэгцээг бууруулдаг байна. Борооны усыг ашиглан ариун цэврийн өрөө, барилга доторх ногоон байгууламжуудыг услах гэх мэт асуудлыг шийдсэн. 

LAD төв нь 6000м2 оффисуудыг агуулдаг бөгөөд хойд хэсэгт нуур, урд талдаа цэцэрлэгт хүрээлэн, доороо 9000м2 бүхий лабораториуд, ажлын оффисуудтай. Нэг, хоёрдугаар давхарт үзэсгэлэнгийн танхим, доод давхарт нь худалдааны цэгүүд байхаар төлөвлөсөн байна. 

СЭТГЭГДЭЛ БИЧИХ

АНХААРУУЛГА:
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ