Минималист хэв маягийг гэрийн дулаан уур амьсгалтай хослуулах загварчлал

Минималист хэв маягийг гэрийн дулаан уур амьсгалтай хослуулах загварчлал

Бүтэц зохиомж, өнгөний зохицол, орон зайг зөв ашиглах аргууд

Долоо хоног бүр дэлхийн өнцөг булан бүрээс тансаг зэрэглэлийн үл хөдлөх хөрөнгө дээр ажилладаг элит дизайнеруудтай сэдэвчлэн ярилцдаг. Энэ долоо хоногт минималист чимэглэлийг хэрхэн гэрийн уур амьсгалтай хослуулж болох талаар бид сонирхуулж байна.










Минималист интерьер гэдэг нь хүйтэн хөндий байх ёстой гэсэн үг биш юм.

"Минималист хэв маягийн гэрт ороод цэвэр цэмцгэр гадаргуу ,орог зайг зохистой ашигласан цөөн хэдэн тавилгуудаас энгийн байдлыг мэдрэх хэрэгтэй." гэж хадагтай Лотта Лундас \Norse Interiors компанийн үүсгэн байгуулагч, гүйцэтгэх захирал\ тодорхойлсон. Орчныг цэмцгэр байлгах нь минималист хэв шинжийг хадгалах, загварлаг байлгах хооронд нарийн тэнцвэр хэрэг болдог. Энэ нь зүгээр л хурц цагаан ханатай байхаас гадна тайвшруулах орон зайг бий болгох явдал юм.


Гэр орноо дулаахан, зочломтгой, чамин мэдрэмжтэй хэвээр байлгахын зэрэгцээ минималист хэлбэрээр засахын тулд дизайнеруудын өгсөн зөвлөмжийг дагаж мөрдөөрэй.

Байгалийн элементүүдийг нэгтгэх

"Органик хэрэгслүүдээр дамжуулан олон төрлийн хэв шинжийг бүрдүүлэх нь бидний байгалиас хардаг зүйлсийг мэдрүүлэх болно. Эдгээр өнгө төрх, бүтэц, элементүүдийг гэртээ авчрах нь хэт энгийн байдлаас хамгаалдаг.

"Өнгөний зохицлоор тоглолт хийх нь чухал хэдий ч зөвхөн нэг өнгө хэрэглэхээс зайлсхий. Энэ нь өөрөө хэт цэмцгэр тухгүй байдал үүсгэхэд нөлөө үзүүлнэ.  Дулаан уур амьсгал өнгө төрхийг бий болгоход мод, байгалийн чулуу, металлаар хийсэн цагаан, хүрэн гэх мэт ижил төстэй эсвэл бараан өнгийн хослолыг ашиглахыг зөвлөдөг.Мөн нарийн хэсгүүдэд  амьтны арьс (хиймэл ба бодит), метал чимэглэлүүдийг нэмж ашиглаарай.

Мөн та энгийн тавилга аваад,  хар цагаан гэрэл зураг, хананы том хэмжээтэй уран зураг гэх мэт нарийн ширийн зүйлийг ашиглан илүү сонирхолтой болгох боломжтой.


Марина Ханишийн зохион бүтээсэн цэвэр доторлогоотой , хээтэй хивсэнцэртэй  угаалгын өрөө  “Marina Hanisch Interiors”

Нарийн жижиг зүйлсэд ч анхаарлаа хандуул

Сонгосон обьект хэсэгтээ хэт их урлагийн бүтээл болон тавилгуудыг овооруулахгүй байх нь чухал хэвээрээ байгаа. Зөөлөн өнгийн тавилгуудыг ашиглан том орон зайг өвөрмөц хэв шинжтэй болгох нь  маш таатай байдаг. Эрс тэрс ялгаатай өнгөнүүд байж болно гэхдээ өөрөөнүүд хоорондоо өнгөний зохицлоор холбогдох ёстой. Жишээ нь тод өнгийн дизайн дээр хар бараан өнгийн жижиг хэрэглэлүүд  нэмэх нь тийм ч тухтай байдлыг үүсгэхгүй гэсэн үг юм. Шенил болон хилэн материалыг арьсан, зотон даавуутай хослуулах нь ямар ч өрөөг дулаан уур амьсгалтай болгох төгс зохицол юм.



Бүх зүйлийг өөрийн орон зайтай байлга





Орон зайн төлөвлөлт нь минимализмын гол түлхүүр юм. Өдөр тутмын эмх замбараагүй байдлаа хаалгаар нуухаа зогсоож сийрэг цэвэрхэн орчныг бүтээх ёстой. Үйлчлүүлэгчийн зан араншинг илтгэсэн тавилгаар обьектийг тохижуулах нь мэдээжийн нийцтэй зүйл тул хувийн мэдрэмж үргэлж дуулан байдлыг нэмэгдүүлдэг.

Минимализмын зорилго бол бидний үнэт зүйлийг тодотгох,  анхаарлыг сарниулах бүх зүйлийг зайлуулах явдал юм.

Тэгш хэмийг ашиглан нүдэнд үзэгдэх орчныг тохилог болгож, урлагийн бүтээл уран баримал нь амьсгалах агаар мэт чөлөөт орон зайг бүрдүүлэх гол түлхүүр болдог.






Цэвэр байлга

Та хувийн эд зүйлсээ яагаад, юуг, юуны тулд нэмж байршуулж буйд хянамгай хандах хэрэгтэй. Илүү цөөл, гэхдээ өрөөний хэсэг бүрт нөлөөлөх зүйлсийг орхигдуулж болохгүй.

Дан цагаан өнгө хөндий хүйтэн мэдрэмжийг төрүүлдэг. Цагаан, шаргал, саарал өнгөнүүдийг хослуулж өгөөрэй. Байгалийн өнгө төрхийг хар бараан өнгийн жижиг хэрэглэлүүдээс тусгаарлах шаардлагатай. Мөн нүд эрээлжлэм хээ угалзгаас татгалзаж оронд нь цэвэрхэн гэгээлэг өнгөнд анхаар.


Өрөөний бүтцэд өнгөний зохицол хамгийн чухал. Хөнжил, хивсэнцэр, дэр, мод, мөчир, ургамал гэх мэт олон янзын зохицлыг бий болгож болдог. Гэрлийн бүрхүүл болон лаа зэрэг  гэрлийн эх үүсвэрүүд нь тухтай, дулаан мэдрэмжийг бий болгох бас нэг арга юм.

Одоогийн байдлаар минималист хэв маягийн түгээмэл хандлага бол том ханын толь эсвэл хананы нэлээд хэсгийг дүүргэсэн урлагийн бүтээлүүдийг ашиглаж байна. Шавар барималууд нь байгалийн өнгөний шийдэлтэй сайн зохицдог бас нэг интерьер дизайны чиг хандлага юм.


 

СЭТГЭГДЭЛ БИЧИХ

АНХААРУУЛГА:
Та системд нэвтэрч орсоноор сэтгэгдэл бичих болон үнэлгээ өгөх боломжтой болно. Та нэвтрэх бол энд дарна уу.

Холбоотой мэдээ