Ирээдүйд интерьерийн цогц шийдлийг хэрэглэгчдэдээ санал болгодог “ПРОНИКС ХХК”-ийн Гүйцэтгэх захирал. Ц.Хүрэлбаатартай ярилцлаа.

“ПРОНИКС” ХХК ямар чиглэлийн үйл ажиллагааг хэзээнээс эхлэн явуулж байна?

Манай компани анх 2018 онд барилгын интерьерийн шийдэл, түүний дотор оффис, худалдаа үйлчилгээний байгууллагын талбайн орчин үеийн хуваалтын шийдлүүдийг хэрэглэгчдэдээ санал болгох зорилгоор үүсгэн байгуулагдсан. Энэ чиглэлээр буюу партишн хана, хаалтын цогц системийн талаар судалгаа, туршилт угсралтын ажлуудыг гадаад түншүүд, мэргэжлийн инженерүүдтэй үе шаттайгаар хамтран хэрэгжүүлж, загвар, дизайн болон материалын чанар, үйлдвэрлэл, угсралтын чанар хийцээрээ бусдаас ялгарахуйц бүтээгдэхүүн үйлчилгээг бид хэрэглэгчдэдээ санал болгож ирсэн. 

2009 оноос хойш энэ чиглэлээр ажиллаж ирсэн, баялаг туршлагатай мэргэжлийн дизайнер, инженер техникийн ажилчдаас бүрдсэн бөгөөд хүн бүр захиалагчийн сэтгэл ханамжийг хамгийн дээд хэмжээнд байлгахад анхаарлаа хандуулан ажиллаж байна.

Одоо хэдэн нэр төрлийн бүтээгдэхүүнийг зах зээлд нийлүүлж байна. Түүхий эдээ хаанаас оруулдаг вэ?

Бид үндсэн материал болох алюминиум хүрээ болон тоноглолуудыг урд хөршөөс Европ стандартын чанарын шаардлага хангасан сертификаттай, хүний эрүүл мэндэд сөрөг нөлөөгүй, чанараар баталгаажсан бүтээгдэхүүнийг үйлдвэрлэгчээс нь шууд гэрээлэн импортолж үйлдвэрлэлдээ ашигладаг. Үүгээрээ бид хэрэглэгчдэдээ илүү олон өнгө материалын сонголтыг санал болгох мөн тухайн захиалагч өмнө нь захиалж хийлгэсэн яг тухайн өнгийн материалаа сонгон нэмэлтээр тусгаарлах хана хаалтаа хийлгэх, засвар өөрчлөлт оруулах боломж бүрдэж байгаа юм. Өөрөөр хэлбэл захиалагчийн сонгосон материал өнгө, чанарын ямар ч зөрүүгүйгээр үйлдвэрлэгдэх бүрэн боломжтой гэсэн үг юм.

Бүтээгдэхүүний орц найрлагын талаар тайлбарлаач? Тус бүр ямар ямар онцлогтой вэ? 

Алюминиум хүрээний тухайд материалын орц найрлагаас хамаарсан бат бөхийн үзүүлэлт мөн цутгалтын чанар, гадна гадаргуугийн будгийн төрөл, тогтоц, өнгөний жигд байдал чухал байдаг. Зах зээл дээр маш олон төрлийн алюминиум хүрээ нийлүүлэгдэж байдаг бөгөөд шинж чанар нь ч харилцан адилгүй, үнэ нь ч мөн өөр өөр байдаг. Эдгээрийн дотроос Олон улсын зохих стандарт шаардлагуудыг бүрэн хангасан томоохон үйлдвэрлэгчээс материалаа сонгож авах нь бүтээгдэхүүний чанар аюулгүй байдал болон захиалагчийн захиалгат ажлыг цаг хугацаанд нь чанарын өндөр төвшинд гүйцэтгэж өгөх боломжийг бүрдүүлдэг. Энэ ч утгаараа бид урд хөршийн томоохон үйлдвэрлэгчтэй албан ёсны гэрээтэй ажилладаг. Мөн манай материал дотоодод ашиглагдаж байгаа бусад материалуудаас чанарын хувьд илт сайн байдаг.

Партишн систем гэж ямар системийг хэлж байгааг тайлбарлаач?

Партишн систем нь зориулалт, нэр төрлийн хувьд олон төрөл байдаг. Эдгээрийн дотроос тусгаарлах хана, хаалтын зориулалттай системийг сонгон түлхүү хөгжүүлж байна. Орчин цагт талбайн хуваалтыг уламжлалт буюу барилгын тусгаарлах материал ашиглаж үхмэл хана хийхээс илүүтэйгээр интерьерийн хувьд төгс нийцэл болж чадах, илүү нээлттэй харагдах уужим орчин, зай талбайн ашигтай хуваарилалт, дахин өөрчилж төлөвлөх боломж болоод өнгө үзэмжийг харгалзан тусгаарлах партишн системийг чухалчлан үзэж хэрэглэгчид сонголтоо хийж байна.

Энэхүү эрэлт хэрэгцээнд нийцүүлэн танай компанийн өнөөдрийн байдлаар тусгаарлах хана, хаалтын чиглэл нь юу байна? 

• Дан шилэн буюу шилэн хана, хаалганы систем

• Партишн буюу үйлдвэрийн өнгө будагтай алюминиум хүрээ бүхий шилэн хана, хаалганы систем

• Холимог партишн систем буюу үйлдвэрийн өнгө будагтай алюминиум хүрээ бүхий шил болон төрөл бүрийн гоёлын хавтанг хослуулсан системийг хэрэглэгчдэдээ санал болгож байна.

Эдгээр систем дээр нэмэлтээр суурилуулах боломжтой төрөл бүрийн гэрэлтүүлэг, гоёлын чулуун чимэглэл, үзэгдэх орчинг хязгаарлах зориулалттай хэвлэлттэй болон хээ зүсэлттэй хуулга, дээр нь бичих зориулалттай гэрэлтдэг шилэн самбар зэргийг санал болгодог.

Энэ систем нь дотроо хэдэн төрөл байдаг, төрлүүдийн ялгаа нь юу вэ?

Партишн системийн ялгаатай тал нь үйлдвэрийн алюминиум хүрээтэй хийгддэг мөн хана хооронд бусад нэмэлт чимэглэл, гэрэл, шилэн самбарыг оруулж өгөх боломжтой байдгаараа онцлогтой. Мөн дуу чимээ болон дулаан тусгаарлалтын хувьд партишн систем нь илүү бөгөөд өнгө үзэмж харагдах байдлын хувьд илүү үнэ цэнэтэй, чанартай харагддаг.

Хамтран ажилласан төслүүдээсээ дурдвал? 

Захиалагч бүрийнхээ бидэнд итгэж даалгасан ажлыг чанартай гүйцэтгэж цаашид урт хугацаанд тогтвортой хамтран ажиллах эрмэлзэлтэй байдаг. Барилгын маш олон төслүүдтэй амжилттай хамтран ажиллаж ирлээ. Өнөөдрийн байдлаар оффисын үйлчилгээний барилгын түрээс, худалдааны шинэлэг шийдлүүдийг зах зээлд амжилттай хэрэгжүүлж байгаа Мастер Түншлэл компанийн UB TOWER PLUS төсөл, NCD групп компанийн шинэ оффисын төсөл, Астра Констракшн компанийн Соёмбо Таур гэх зэрэг томоохон төслүүдэд хамтран ажилласаар байна.

Цаашдын зорилго юу вэ? Бүтээгдэхүүний нэр төрлөө нэмэх үү? 

Цаашид бид өнөөгийн бүтээгдэхүүн үйлчилгээгээ илүү хөгжүүлэх,  нэр төрөл, сонголтыг нь нэмэгдүүлэх чиглэлд тогтмол байнгын судалгаа хийж, хэрэглэгчдэдээ хамгийн сүүлийн үеийн ухаалаг, орчин үеийн шинэлэг шийдлүүдийг санал болгох болно. Ирээдүйд интерьерийн цогц шийдлийг хэрэглэгчиддээ санал болгодог, иж бүрэн мэргэжлийн үйлчилгээ үзүүлдэг, салбартаа тэргүүлэгч мэргэжлийн компани болох зорилт тавин чармайн ажиллаж байна.

Баярлалаа.